لي زميل راح للسفارة الامريكية بالرياض ..
ولما اردو الامريكان التحدث معه قال لا اعرف انجليزي .. فاتو بوحده عربيه وخذت معه وعطت ..
وتسهلت اموره وراح امريكا والله يحفظه ..
قلت له ما يشرطون اللغه .. قال اقول لهم اني رايح ادرس لغة هناك عندكم ..

قالي سعودي في تايلند
انه يعرف خليجي( ناسي اي جنسية بالضبط)
راح يطلع فيزة من السفارة الامريكية فواجهه مشاكل
لأنه الظاهر انهم حققوا معاه لأنه ماطلع فيزة من السفارة اللي في موطنه
وانتم اذا رحتوا هناك اسألوا السفارة قبل ما تطلعون الفيزة انه ما فيه مشكلة
اخاف اذا وصل لامريكا ممكن يسألونه ليش ما طلع فيزة من سفارة موطنه الأصلي
وممكن يرجعونه بأول طيارة ولا يسمحون له بالدخول
الله يوفق الجميع

سلامو
يا جماعة انتم فهمتو الرجال غلط
الرجال يبي يروح هو وخويه لتايلند سياحة وبعد ما يرجعون خويه يبي يروح لامريكا فهو يسال هل الي يروح لتايلند يعقدونه في الفيزاء في السفارة الامريكية في الرياض
اخوي بالنسبه للدول الي السفارة الامريكية تسال عنها ثلاث العراق وايران وسوريا وغيره ما تسال يعني ما عندك مشكلة ان شاء الله رح واستانس
ارجو اني افدتك
فتى شقراء

انا جوازي كله سفرات تايلند ولما رحت اطلع فيزة امريكا سالونى عن الدول الى رحتها اخر عشر سنوات ومن ضمنهم تايلند اكثر من 8 مرات وماصار اى شى وعطوني الفيزا
الدول الى ممكن انهم يسالون عنهم هم ايران و سوريا وكوريا الشماليه وكوبا فقط
تايلند واندونيسيا والباقى عادى ولا يسألونك عنهم

الله يعطيكم العافية جميعا يا رب
بالنسبة للاخوان الي ردو على موضوعي ما اتوقع فهمو قصدي الا اخوي (( ياخي أفهم )) هو الوحيد الي فهم قصدي
للتوضيح اكثر ... انا طالع تايلند مدة 20 يوم تقريبا وبعدين راجع
وبعد شهرين عندي مقابلة للفيزة في السفارة الامريكية بالرياض
الي خايف منه انهم ما يطلعون الفيزة لي بسبب زيارتي لتايلاند
مع العلم انه في واحد من الزملاء سألوه عن سبب سفرته لماليزيا ؟؟؟ وقالوا وش موديك هناك ؟؟
وفيه واحد من الزملاء بعد طلب الجنسية الامريكية بحكم ولادتة هناك وطلعو له الجنسية بس سالوة قبل عن سبب سفرته لتايلاند
يعني تايلاند عند الامريكان هل هي بلاك ليست او لا
هذا هو سؤالي
شاكر لكم جميعا مروركم

مجرد مقابلة شخصية ..
اهم شئ ان ما في جوازك سفر لباكستان واليمن وايران .. والله اعلم

انا بأعتقادي ان الوضع عادي جدا خصوصا ان تايلاند مليانه بالسياح الأمريكان .

m3ane_20
اى واحد يروح المقابله مالت السفاره الامريكيه يسالونه عن الدول الى سافرلها مجرد اسأله لا اكثر ولا اقل عن كل الدول الى سافرلها
وتايلند ليست من الدول الى عليها بلاك لست

الله يجزاكم خير جميعا وما قصرتوا
الف شكر لجميع من تكرم ورد على الموضوع
تحياتي لكم