1. بس اذا مايمديك تزيدها شوي يومين ...


2. اقترح انك ماتروح لفيينا لأن مامعك وقت..

ماشاء الله عليك أخوي
5 ايام يا الله تكفي

بس اذا مايمديك تزيدها شوي يومين ...

اقترح انك ماتروح لفيينا لأن مامعك وقت..

توصل لمطار فيينا لازم تاكسي يوصلك لمحطة وست بهانهوف تقريبا ب 35 يورو منها تاخذ قطار تروح على سالزبيرغ تقريبا 3 ساعات ونص والتذاكر لشخصين متغير السعر حسب اليوم ادخل القطار النمساوي حط تاريخ وعدد الاشخاص يطلع لك سعر التذكرة وتختار الرحلة اللي تناسبك ...
القطار النمساوي OBB
توصل سالزبيرغ ممكن تسكن في رينساس خطوات من المحطة والليله حوالي 500 ريال يمكن اقل او اكثر حسب الموسم مقدر افيدك ....
تتجول في المدينه مشي على الأقدام انا مااستخدمت التاكسي ابد
ثاني يوم تروح للبحيرات اللي قريب من سالزبيرغ بالباص سعره معقول
ثالث يوم تروح لقصر الهلبرون والقلعة
اليوم الرابع شك آوت وتروح لمحطة القطار وتاخذ قطار وعلى زلامسي تقريبا ساعه ونصف
بس لازم تختار الرحلة اللي تناسبك وتروح على الموعد والسعر لشخصين في حدود 25 يورو وممكن اقل او اكثر حسب الموسم ....
توصل زلامسي تتمشى على البحيرة
ثاني يوم تاخذ باص 660 من محطة الباصات وعلى الكابرون
اليوم الثاني ممكن الشلالات وممكن قمة شمستن هوهيه
اليوم الثالث شيك آوت وعلى فيينا قطار تقريبا 5 ساعات وعلى المطار والعودة
اعذرني مااقدر افيدك عن اسعار الفنادق بس اكيد بتلقى اسعار مناسبه اعمل بحث في موقع بوكينج http://www.bookings.net/
وبالنسبة للصرف بالنمسا اذا انتم شخصين وماتبون شوبينغ بس ترفيه وكذا في اسبوع تكفي بالراحة 5000 ريال اذا انت متوازن في صرفك وممكن اقل من 5 بعد ....
ان شاء الله غيري يفيدك ...

الله يعطيك الف عافيه اختي
التخطيط حلو..بس المشكله..القطارات احوس فيها وانجليزيتي ضعيفه اخاف اتوهق...
ومو لازم اروح للمدن كلها..ابي مكان واحد مو مشكله..اجلس فيها واتمشى من حوله...وش الفرق فينا عن سالزيبزورغ وزيلامسي
واذا ممكن اروح للقريبه فيهم
.يعني مثلا فندق الريسانس..فيه حوله شيء؟؟
وتذاكر القطار..كيف طريقتها..خدمة ذاتيه ولا كاونترات..؟؟
لمن اسافر استخدم تكاسي..فمااعرف للمترو او القطارات

لا تخاف اللغة ان شاء الله بتمشي وقص التذاكر للقطارات بين المدن عن طريق موظفة توريك جدول وتختار الرحلة اللي وقتها يناسبك وتطلع عليها بس مايقصون التذاكر الا بنفس اليوم .....
سالزبيرغ مدينه فيها طبيعه ويقسم المدينة نهر السازلك يعطيها منظر خيالي وفيها قلعه تاريخية مشهورة
زلامسي مدينه فيها طبيعه وتتوسطها بحيرة رايقة تعطي للمنطقة منظر جنان بس اصغر من سالزبيرغ
وتقع زلامسي بين جبال تتوج قممها الثلوج وتقدر تطلع للجبال بالتلفريكات ....
ونصيحه ادخل تقارير الأعضاء اخوي راح تستفيد كثير اجمع معلومات وشوف الصور واختار المدينة اللي ترتاح لها سالزبيرغ أو زلامسي ...
والباصات ارخص بكثير من التاكسي واريح لك عشان تحس بمتعة السفر ...
بس ما اقدر افيدك اكثر لأن هذا يعتمد على اختيارك للمنطقة اللي ترتاح لها ... بس اجمع معلومات واكتب
ادخل موضوع المختصر المفيد المثبت بالأعلى والدليل السياحي لمن اراد السفر للنمسا مثبت بالبوابه
صدقني راح تستفيد كثير أهم شي احفظ اللي تشوفه بالوورد واتبع التعليمات ماراح تتوهق توح وكأنك زرتها اكثر من مرة الله يوفقك أخوي

5 ايام قليلة شوي ..وشكلك تشتغل بشركة صناعية زي حالتي والاجازة عندهم كانه يعطيك اياها من جيبه..حاول تمدد واستانس..صدقني لو رجعت بعد 5 ايام راح تقول ياليتني مددت ... انا اقول اقل من 10 ايام ماتسوى عليك..