السفره كانت من تاريخ 28/9 الي 4/10 2009
بلد الجمال بلد الذوق بلد الوناسه
والله اعجز اوصفها الكامره الي معاي تعبت من كثر التصوير لي درجة انها خلصت بطاريتها من اول يوم
ومالقيت الشحن مالها شحنتها من عند الشوفير وصورت فيها بعدين خلصت مره ثانيه بعدين استحيت منه
والله مالوم الي يروحون لبنان كل سنه بلد الجمال انا رايح بروحي مامعي احد عشت احلى فتره بحياتي بسبوع
واحد بلبنان اطلع من الساعه 10 الصبح ارد 5 الفجر بدون مبالغه الا مرات ارجع الفندق اخذ فلوس او اغير ملابسي
انا انصدمت من الناس الي يقلون لبنان عاديه والله انها جنة الارض بطبيعتها بجوها
يعني الي يبي ينزل البحر ينزل الي يدور جو دافي موجود والي يبي البراد ربع ساعه وهو بجو بارد فوق الجبل
يعني وين تلقا دولة فيها جويين بموسم واحد ولا بعد قريب من بعض
وعندهم الفواكه الطازجه الي يومين توصل بكل مكان تنزلك فواكه حتى بالمقاهي احلى فواكه
مو فواكتنا الي تجينا بعد سبوع رايحه نكتها
بعطيكم برنامجي وان شاء الله انزل الصور الي صورتها بس ترا انا صورت بيوميناول جيت فيه طارت الطياره الساعه 4 العصر من الكويت على لبنان وصلت الساعه 6 تقريبا
اول مانزلت الطياره وحنا بطياره اشوف لبنان كلها انصدمت شكلها قمة بروعه الاجبال والانوار الي فوق الاجبال
وانا اقول واخير تحققت امنية الطفوله اني اروح لبنان,,
نزلت المطار الاجراءات سريعه خلصنا منها جيت عند مال الاجناط ولا جنطتي طولت وكل الي معاي مشو
طلعت جنطتي ضايعه اهنا تعكر المزاج اول مره اجي وصار فيني الموقف هذا المهم رحت لقسم المفقودات
وبلغتهم عنها وعطيتهم رقم الجنطه طلعت ولا بستقبالي الشوفير كاتب منصور بورقه طار من الفرحه المسكين له
ساعتين ينطرني
خذاني قلت له ودني لشارع الحمراء فندق كامودور فندق خمس نجوم حلو
نزلت الاغراض وخذيتها وصعدتها عطوني احلى غرفه هي مفروض انها سنقل بس سرير بو نفرين وحلوه
المهم خلصت من الفندق وكل شي ركبت مع الشوفير كانت الساعه 8 تقريبا احلى جو لسوليدير
رحت الجو كان حلو يعني في بروده شوي انا شفت السوليدير قلت للشوفير روح وتعالي بعد 12
ههه استانست على الوضع اتمشى فيه واقعد بقهاوي الي هناك حياة حلوه شفت ناس اعرفهم وطلعت وياهم
المهم خلص اول يوم رحت نمت قمتاليوم الثاني طلعت اتمشى بشارع الحمراء كله محلات ملابس وتسوق ومطاعم مقاهي لين يجيني الشوفير لما وصل
اتصلت على المطار اشوف الجنطه قالو موجوده رحت وخذيته وانا كلي فرحه واخيرا
وصل الامداد ولا انا صارلي يوم على تي شيرت وجينز زهقت منها بدلت وقلت يلا ودني الى
مغارة جعيتا وحنا في طريق في مناظر حلوه صورتها وانا يعني منصدم من المناظر اول مره اشوف مناظر حلوه
وحنا بطريق ولا في لوحة متحف الشمع للمشاهير حطين صور شيوخ وامراهم الخليج ومعاهم الحريري قلت لما نخلص
من جعيتها ودني لوهنيك