حياك الله في بلادك قطر
هاذا مجموعة تقارير من الاماكن السياحيه والفنادق و الشقق والمطاعم راح يفيدك في ترتيب رحلتك
https://artravelers.com/p/re/283370
واي خدمه احنا حاضرين

اخوي الاسعار في الدوحه مثل اسعارها في دبي بس ارخص بشوي يمكن بنسبه بسيطه
طبعا الشقق في شقق رتاج الريان للشخصين غرفه دبل روم 450 ريال هذا في البوكينج طبعا مكانه جدا استراتيجي وفي مكان حي في قطر
طبعا المولات : من اكبر الى اصغر
1 - ستي سنتر
2- فيلاجيو مول
3 - لاندمارك
4 - حياة بلازا
5 - ذا مول
6- رويال بلازا
7 - سنتر بوينت
الاماكان المفتوحه الي هي من اكشخ ومعالم قطر
1 - جزيرة الؤلؤه
2 - سوق واقف
3 اسباير زون
4 - الكورنيش
المتاحف :
1 - متحف الفن الاسلامي
2 - متحف قطر الوطني
المدن الترفيهيه
1 - مدينة صيف الدوحه
2 - اكوابارك قطر ( مدينة مائيه )
3 - جوندلينيا ( في فيلاجيو مول مدينة ترفيهيه جدا رائعه )
4 - جنغل زون ( في حياة بلازا )
الحين باختصار افضل الاماكن في قطر من الي كتبتهم
من المولات : ( فيلاجيو مول )
من الاماكن المفتوحه : ( جزيرة الؤلؤه )
من المتاحف : ( متحف الفن الاسلامي )
من المدن الترفيهيه : ( جوندلينيا في فيلاجيو مول )
الحين راح اكتبلك الاماكن الي جمب بعض
1 - فيلاجيو مول + حياة بلازا + اسباير زون
2 - سيتي سنتر + جزيرة الؤلؤه + مدينة صيف الدوحه
3 - متحف الفن الاسلامي + سوق واقف + الكورنيش
والحين انشالله ماطولت عليك
وهاي تقرير عن المتحف الاسلامي
https://artravelers.com/p/re/246959
وهاي تقرير عن اسباير زون
https://artravelers.com/p/re/262273
وهاي تقرير عن سوق واقف
https://artravelers.com/p/re/264832
وهاي تقرير عن جزيرة الؤلؤه (( بس شوف الصور ماخوذه من سنه و تسع شهور يعني في اختتلافي كبير جدا عن الحاضر ))
https://artravelers.com/p/re/247501
وبس
واتمنى لك رحله سعيده

ماقصروا الأخوان , الله يجزيهم خير , وأي خدمة ثانية انت آمر بس .

هوليدي فيلا حجزته ليلتين 500 ريال وزيادة ++
Holiday villa
لسا ما جربته الحين ساكنين في دبليو هوتيل w hotel
موفق

اذا انتي ساكنه في دبليو وغيرتي ورححتي اي فندق ثاني راح تحسين فرق شاسع جدا لان دبليو من الفنادق الجدا راقيه وفخمه يعني في فرق شاس بين دبليو وهوليدي !!!!

the ro0ok
لا تضيق صدري ياخوي،، هذا اللي شايلة همه والله ومفكره الغي الحجز
اليوم ناوين نمره ان شاء الله نشوف الغرف ونقرر نكمل او نلغي..
بس مكلف شوي الدبليو وبنجلس فيه اربع ليالي وعندنا ميزانية محددة لول،،
شكراً لردك اخوي

ام نواف ونورة
أي هو هاي العيب الي في دبليو شوي غالي بس انتي غلطتي لما رحتي دبليو اول المفروض تروحين هوليدي اول عقب دبليو يعني في حد يسكن في قصر وعقب يروح يسكن في بيت ؟؟؟؟؟؟؟؟؟؟؟؟

بيني وبينج لا دبليو ولا هوليدي يصلحون
أنا لو منج أروح الريتز

ام نواف ونورة
كل عام وانتي بخير خبيرتنا وتشرفنا بوجودكم في بلدكم الثاني قطر , واتمنى لكم اقامة طيبة وسعيدة .
أختي ...
الفندقين حلوين ومميزين , بس تخلتف الفخامة من w الى هوليدي , بس هذا مايعيب هوليدي فهو على كلام الأعضاء بأنه ممتاز وغرفة واسعة , وان كنت اوافق مميزنا ذا رووك , بأن تسكنون اول شي هوليدي وبعده w , لكن ان شاء الله ماتندمون وأهم شي مكان للنوم ويكون نظيف .
ان أمكن تعملين تقرير صغير من تقاريرك المميزة , ومشكورة مقدماً ...