اهلين غاده......لكن اكثر اسئلتج نسائيه... وما عندي خبر للاسف

الأخت غاده ksa
حياك الله في الامارات .. وتوصلين بالسلامه انتى وكل أفراد العائلة الكريمه .. بإذن الله تعالى
أما بالنسبة لأسئلتك .. فإليك الرد ..
1 هل الباص المائي اشتغل؟
نعم يشتغل
2 انا حجزت عند الجوهره للشقق الفندقيه المفروشه مقابل ستي سنتر ودي احد منكم يروح للمكان ويشوف كيف قربها للسيتي سنتر ؟
الجوهرة للشقق الفندقية .. هي بالقرب من الرحاب روتانا .. تقريباً
حوالي 10 دقائق مشي من الجوهرة للشقق الفندقية لحد السيتي سنتر ..
3 ابغى اقص شعري واكشخ ودي مكان حلو لقص الشعر؟

صالون باريس غاليري .. في الدور العلوي .. ديرة سيتي سنتر
روحي على محل باريس بالاس اللي في الدور الثاني في ديرة سيتى سنتر
وأسئليهم عن مكان الصالون بالضبط وهم بيدلونك ..
4 ابغى ماركه اف سان لوران للشنط هل هاذي الماركه موجوده بدبي؟
نعم موجودة ..
في مجمع بليفارد للتسوق التابع لفندق أبراج الامارات - شارع الشيخ زايد
رقم تلفونهم .. 3300445
5 ابغى محل للملابس الزواجات اختى عروس
عندك محلات كثيرة .. في وافي سيتى - ديرة سيتى سنتر - برجمان - مدينة الغرير
وااذ كان عندك أي أستفسارات ثانية .. حياج الله .. وتحياتي

1 هل الباص المائي اشتغل؟
نعم أشتغل ورأيي أنه حاجه جديده ورحلة الذهاب نوعاً ما حليوه بس الرجعة ممله
أيضاً عندما ينزل البحر صوت المحرك يزداد ويسبب أرق وأزعاج بس ما يمنع من التجربه
ومكان الحجز مكتبهم اللي في أسواق برج مان تلاقينه وأنتي خارج السوق ( فتحت المحل على الشارع )
2 انا حجزت عند الجوهره للشقق الفندقيه المفروشه مقابل ستي سنتر ودي احد منكم يروح للمكان ويشوف كيف قربها لان امي ماتبي تركب السياره ودها تمشي لستي سنتر مشي وخايفه يكون موب حلو والي بيروح بعطيه جائزه؟
للأسف ما جربتها والا كان عطيتك رأيي،،،
3 ابغى اقص شعري واكشخ ودي مكان حلو لقص الشعر؟
بالنسبة الى المحلات أعتقد ماراح يفيدك فيها الا مس دبي وأعتقد فيه محل في بر دبي بس نسيت أسمه
4 ابغى ماركه اف سان لوران للشنط هل هاذي الماركه موجوده بدبي؟
جاوبت عليه أختنا ميس دبي
5 ابغى محل للملابس الزواجات اختى عروس
الأسواق ما فيه أكثر منها وما راح تندمين من التسوق بس للأسف أنا أحب أتسوق في ابو ظبي وبعض المحلات تلقين فيها أشياء حلوة ويقولون لك أنها من فرنسا وغيره اذا منتي خبيره راح تمشي عليك ولا تستحين من فخامة المحلات كاسري قد ما تقدرين

مشكوره مس دبي ممكن سؤال قالواحسن شي في القص وصبغ الشعرمركزالضيافه وصالون جولي وش رايك فيها
الله يعطيك العافيه

مره شكرا على ردودكم الله يوفقكم يارب بالدنيا والاخره اجل شكله بعيد الجوهره طيب سؤال اخير ابي محل يجيب ملابس اطاليا هل موجوده بدبي؟ وشكرا مره ثانيه

أنا بنصحك تروحي منتديات عالم حواء البنات ما رح يقصروا معك
بالتوفيق
عمّار