السلام عليكم
هلا وغلا الغالي ولد الغالي
الله ايخلي لك ام العيال وايخليك لها وتستاهل كل خير ام العيال
ماشاءالله تبارك الله ..امخطط لها صح
الغالي ثيستل غرفه العاديه ماشاءالله وسيعه فما بالك الي اكبر من الغرف العاديه
العيب الوحيد في ثيستل الأثاث بس اما باقي الأشياء ماعليه كلام
الله يرحم يوم كنا انروح مع الوالد كنا محمولين مكفولين :8888:
اما الحين نفرك الريال فرك
ولي تامر فيه احنا تحت امرك الغالي
إذا اتحب الديكور الجديد والأثاث الجديد عندك فندق انتر بارك لين امجدد بالكامل

حياكم الله بلندن
بس قول لام طلول ترى 9 أيام زينه على لندن ...

صح لسانك يا القطري اول ما نحس ابشي والحين مره بدون تعليق هي مره زعلانه ............. وما وديها تروح بيتنا في كامبريدج تقول بعيد وانا اشاركها الراي ...............
مشكوره يا اختي يا مرام برايك تكفي هي تبي سوق هناك
وتحب شي اسمه لندن عندها شي مهم لندن ما تطلع برع القائمه اذا يكفي بخبرها ..................... وهي خبره حرمه
القطري الغالي بحصل شقه راقيه تدل ......... لانه اخف اخلي الشغاله واخت زوجتي بروحهم تعرف اهناك فندق لندن من صعب تحصل غرف متصله شور رايك...............

هلا بالغالي القطري واختي مرام ان ا قلت لام طلول خلص تسع تيام كفايه وما بزيد ولا يوم سمعت نصيحتك هي زعلت مني ..................... وحاليا مره زعلانه مني ..............................وما تكلمني
شو رايكم شو تقترح يا القطري يا الغالي ..................... لانه احنا نرجع تاريخ 15 بنكون في البلاد وتعرف رمضان يباله استعداد ودومات .............. هي تبي ترد من لندن تاريخ 20 شوروا علي وما ابي ازعلها

أنا اقولك طيّب خاطرها ,, تستاهل
ولو ماطيبت خاطرها الحين متى بيطيب خاطرها ؟
قدم رحلتكم وخلوها ابجر علشان يمديكم تردون قبل رمضان ,,
يعني لو انت مخطط تروح قدم روحتك اسبوع مثلا علشان يكفيكم الوقت ويصير لكم اكقر من 9 ايام
اتمنى انك فهمت علي لوول لأن احس ان شرحي كان مو مفهوم

AbuTalal7777
السلام عليكم
صباح الخير الغالي
كل شي إلا زعل ام العيال
رمضان بيبدا أما تاربخ 19 او 20 / 8
وتاريخ العوده مناسب جدا
اطرحوا الموضوع شورى بينكم وخلوا اختها اتشاركم ولكن عندي نظريه دايماً اقولها :8888:
النظريه ان رب الأسره دائماً مسير وليس مخير

مشكور يا جلاسوي على الرد بس صدق كلام اخوي القطري انه الواحد مسير وليس مسخر انا اكمل دراسات عليا واخلص تاريخ 16
يوليو ............... وتاريخ 19 السفر وبنروح عده اماكن ............. يا الغالي القطري اخت ام طلول صغيره عمرها 16 سنه .................... هي كان عمي مطرشها السنه الماضيه شهرين مدرسه داخليه في بريطانيا ومشالله ربعها كلهم من قطر اتعرفت عليهم عاد من الحين تكون انا بسلم على فلانه وبشوف فلانه اخاف تسويلي شله بنات صغاريه في لندن عشان كذا هي تبي تجي معنا .. لاني عمي وعمتي كنسلو السفر عشان انفلونزا الخنازير..... اخاف اتجنني هناك .... مدري بس انا احس بعد الكلام اخت مرام تسعه كفايه لاني يا القطري اتصلت في اكثر من مكان قالولي مافي حجوزات اتصلت الباري على ذا سويت ابرتمنت في الماي فير وقاللي ما حجوزات ...... وبالفعل موقع ثيتل ماربل ارج ممتاز بس اخاف ام طلول ما يعجبها ...... وغير كذا ما في غرف متصله انا عن نفسي عجبني على قولت المصرين وسط البلد ..........انا بجد محتار

للعلم اخوي القطري هي تبي لندن بس للسوق اتوقع بتفلسني ....................... ف تسع ايام مناسب في للسوق ولا شو رايك

9 ايام للسوق !!
شكلك بترجع بثيابك بس :8888: