بالله اذا تكرمت ايش الطلبات بالتفصيل لأني 700 كم عن الرياض وماودي يعطلوني

اخي الكريم لا بد يذهب رب الاسرة الى السفارة النمساوية في الرياض بنفسه و يكون مجهز كل شي بالشكل المطلوب عشان مايرجعوه و المطلوب :
1- تعبئة نموذج الفيزا بالشكل الصحيح ممكن تنزله من موقعهم على النت ويكون باللغة الانجليزية و يكون موقع من قبل صاحب الطلب نفسه اذا كان عمره اكثر من 18 سنة و يكون التوقيع مطابق لتوقيع الشخص نفسه في الجواز يعني اذا في احد عمره اكثر من 18 سنه لا زم يكون موقع على جوازه وطبعا خلهم يوقعو على عدة نماذج فاضية احتياط حشان لو صار فيه خطأ في النموذج الاول و الي اعمارهم اقل من 18 سنة توقيع ولي الامر .
2- جوازات صلاحيتها اكثر من 6 شهور من تاريخ السفر و صور للجواز و الاوراق ذات الصلة
3- حجوزات مؤكدة للفنادق و لا زم تكون مرسلة بالفاكس من الفندق نفسه و لا يقبلون اي اوراق من المكتب الي حجزت منه او مواقع النت يعني تتصل بالفنادق يرسلون لك فاكسات .
4- حجوزات طيران مؤكدة الاصل مع صور لها .
5- تأمين سفر يغطي فترة سفرك مع المرافقين من التعاونية او الشركات الاخرى المعتمدة الاصل مع صور لها واحتياط خل التامين اطول من فترة سفرك حشان ممكن يعطونك فيزا اطول من فترة سفرك
6- صور لبطاقة الاحوال و كرت العائلة مع الاصل للاحتياط
7- كشف حساب بنكي ( أصل ) لآخر ستة شهور و يكون مصدق من البنك و يكون باللغة الانجليزية و رصيدك لا زم يكون فيه اكثر 30000 ريال
8- ورقة تعريف بالراتب من العمل يكون باللغة الانجليزية و موجه لسفارة النمسا و يكون مختوم من جهة العمل و الذين يعملون في غير القطاع الحكومي يجب ان يصادق التعريف ايضا من الغرفة التجارية
9- صورتين شخصيتين لكل شخص حسب مقياس ( ايكاو ) ممكن تنزله من موقع السفارة على الانترنت و اوعك تكون الصور مو صحيحة اي حسب ايكاو و الا بيردوك
ملاحظة : عب النموذج في البيت و روح وانت جاهز
بالتوفيق اخي العزيز

جزاك الله خير الجزاء

اخوي الصور كم مقاسها دخلت موقعهم وشفت الصور بس ما فهمت ؟

لو سمحت كم جلست الفيزا وطلعت والله يسهل عليك والعقبال لنا والمسلمين

الاخ مثنى عرض الصورة من 35 الى 40 ملم و الطول يجب ان لايكون كبير يعني 50 ملم يكون كافي لان احتمال يردوك اذا كانت الصورة كبير و مايستوعبها الماسح الضوئي و اغلب الاستوديوهات تعرف المقاس المطلوب لكن الوجه يجب ان يكون كبير في الصورة يعني ياخذ من 70% الى 80 % من حجم الصورة وبدون شماغ يعني يكون ظاهر في الصورة الوجه كامل مع الرقبة و بالنسبة للحريم يكون الحجاب من منبت الشعر يعني اغلب الجبين يكون طالع وجزء من الحلق يكون طالع وكما في النموذج في موقع السفارة و الالوان تكون واضحة يعني الصورة ماتكون مضيئة واجد ولا معتمة و لا يكون الواحد ينظر على جنب .
بالنسبة للاخت مشردة الفيزا اخذت 12 يوم طبعا 12 يوم من اكتمال الاوراق بشكل صحيح و استلامهم لها و خلي النامين الصحي اطول من فترة السفر عشان ممكن تاخذي فيزا اطول من فترة السفر للاحتياط .
بالتوفيق للجميع

الله يسمح دربك
وياليت تنورنا بالنسبة لحجز الفندق بالفاكس، كلمت الفندق وقالوا لي ارسل اسماء الاشخاص وارقام جوازاتهم ونرسل لك الكونفيرميشن. هل هذا ما حصل معك؟
واذا ارسلوا لي هذا هل اقدر بعد ما تطلع الفيزا اكنسل الحجز مع الفندق وابحث عن فندق ثاني لان موقع بوكينج يقول ان اخر يوم عشان تكنسل هو يوم الحضور
وشكرا لك

اخي المتسابق ما يحتاج اسماء المرافقين لك اهم شي يكون الفاكس مرسل باسم الشخص الي حجز , انا حجزت عن طريق البوكنج و في التاكيد يعطيك ارقام الفنادق و اتصلت بالفنادق و اسمي جاهز عندهم لان موقع بوكنج مرتبط مباشر بالفنادق مجرد عطيت الفنادق اسمي و تاريخ الحجوزات على طول قالولي اسمك موجود مجرد طلبو رقم فاكسي و خلال دقايق الفاكس عندي و بعضهم اقل من ساعة و الفنادق جدا متعاونين و اذا قال لك ارسلي بقية الاسماء قول له ما يحتاج ارسله باسمي فقط و هذا ما حصلي و مشت اموري في السفارة هذا اذا كنت انت رب الاسرة اما اذا كان الافراد الي معاك انت مو ولي امرهم فما عندي خلفيه عن هالموضوع و بخصوص الغاء الحجوزات فكل فندق له سياسة مستقلة موجودة في موقع بوكنغ او موقع الفندق نفسه و اغلبهم تقدر تلغي الحجز قبل تاريخ الحجز بيوم بدون خصميات لكن ارجع اقول حسب سياسة الفندق نفسه لانها تختلف من فندق الى فندق .

اخوي بسالك تتوقع السكن ممكن يرضون بالفاوتشر من المكتب او لازم الفاكس من الفنادق ؟
الابليكشن اعبيها بخط يدي عادي ؟ او لازم بالكمبيوتر ؟ لكل جواز ابليكشن واحد ؟
بعد بسالك اللاسئله 2و6و17و24 في الابليكشن ممكن تشرحها لي او اللي يعرف ياليت يجاوبني ...
شاكر لكم