حياك اختي ..
بالنسبة للاماكن السياحية كالاتي :
بالنسبة لفيينا في النهار قصر الشانبرون .. الجبل المطل على فيينا .. برج الدانوب للغداء .. التمشية على ضفاف النهر وزيارة الجامع الكبير القريب من البرج وهو على ضفاف النهر ..
ومساءً التمشيه في شارع الكارتنر .. شارع المارياهلفر ..وحديقة شتاد بارك .. ومنطقة الكارلز بلاتز وشتيفن بلاتز .. والبراتر ( الملاهي ) ..
بالنسبة لزيلامسي ..التجول على البحيرة وركوب القوارب الكهربائية .. التمشية في وسط زيلامسي .. مرتفعات كابرون .. شلالات الكريميل .. ركوب الطائرة الشراعية والباراشوت .. الزحليقة الصيفية .. تلفريك اكسبريس في داخل زيلامسي ..
بالنسبة للاسواق .. عندك شارع الكارتنر ( ساحة ستيفنز ) كله محلات وماركات عالمية .. وشارع الماريا هلفر .. وبالنسبة للمولات عندك مول شوبنق سنتر سود .. وعندك اوت لت باندروف يبعد نصف ساعه وهو يستحق الذهاب له .
بالنسبة للمطاعم هذا الشي الوحيد اللي خبرتي فيه قليلة .. ولكن في مطعم اللورد خلف الماريوت .. وفي مطعم سمك روعه بشارع المشاة ( عليه صورة سمكة حمراء ) وفي مطاعم بيتزا على نفس الشارع .. وفي مطعم حلو يمدحه نسيبي وهو توه جاي من هناك بجيبه لك باقرب فرصه ..
بالتوفيق ،،

يعطيك الف عافيه بس بالنسبه لمجمع الاوت لت اشلون اقدر اروحله

حبيت استفسر منك اخوي بيمو بالنسبه للتلفريك اكسبرس اهوا غير التلفريك الي بقمه كابرون

حياك اختي والله يعافيك ..
طبعا الاوت لت تقدرين بالتاكسي مباشرة .. او اذا انتي بتستخدمين الاندرقراوند راح اعطيك اسماء المحطات من ساحة ستيفنز الى الاوت لت .. وعلى ما اعتقد انو في باصات تروح لها تقدرين تسالين الفندق عنها ..
وبالنسبة لتلفريك اكسبريس هو داخل قرية زيلامسي .. يعني غير حق الكابرون .. وطبعا هو ممتع من ناحية الاطلالة فقط بمعنى انه لا يوجد نشاطات سياحية ..
بالتوفيق ،،

يعطيك العافيه
و ما نستغنى عن خدماتك

ماقلتي لي اختي .. بتروحين بالاندرقراوند عشان اعطيك اسماء المحطات ( وهل تعرفين له زين ) .. او اعطيك اسماءها وتروحين لها بالتاكسي او تشوفين الفندق اذا عندهم باصات ؟؟

و الله انا افضل بالتاكسي
بالنسبه للفنادق في فيينا راح اسكن سافوي

و بالنسبه لزلمسي و الله نسيت اسم الفندق