السلام عليكم ورحمة الله وبركاته
حياك الله ... بالنسبة للبرنامج اعتقد أنه بين مدينتين هي كوالا وبينانج .... ومدة البرنامج (( 18 )) واضحة من التوزيع ...
لكن من وجهة نظري أن 18 يوم مدة ممتازة ... لو قسمت كالتالي :
2 كوالا للراحة ...
5 أيام بينانج ..
4 لنكاوي ..
7 كوالالمبور ... مع تخصيص يوم لزيارة جنتنق ... وإقتراح آخر تخصيص يوم كامل بالمبيت في جنتنق دام هناك أطفال ..
فهد

السلام عليكم ...
حياكِ الله اختي الوتين بين اهلك وناسك ...والحمدلله انه المنتدى عجبكم .
علمونا ...ان تكلموا الشيوخ والكبار في المجالس ما نعلق وراهم .
واخونا واستاذنا فهد شارك فيها وقال ...لكن ان شاء الله استاذي يسمح لي
اذكرك اختي الفاضلة بقول حكيم بمنتدانا اللي هو (الظافر) .
مادام اننا رايحين رايحين خلنا نتمشى صح
واذكرك بمقولة حكيم ماليزي شايب من حكماء القرى :
(nak mandi biar basah nak makan biar kenjang)
يقول : اللي وده يتروش يبلل جسمه بالكامل واللي وده ياكل..ياكل لين يشبع .
مقدمة طويلة القصد منها ...انه مدتك جميلة لكن اقتصرت على مكانين فقط وهذه
خسارة مادام اننا رايحين رايحين بأذن الله .
رأيي :
كوالا2
لانكاوي 3
بينانغ5
جنتنغ2
كوالا 5
رغم اني حزين لعدم اضافة كاميرون لكن ان شاء الله المرة الجاية يا اختي تروحون لها.
خليت لكم ليلتين بجنتنغ لاجل الاطفال الله يحفظهم ...سكر حياتكم الله يبارك فيهم .
ولنكاوي خسارة تضيعونها اختي ...كلها كم كيلو ...واخر ايام كوالا تكون صافية
للعاصمةومافيها جنتنغ لانكم بتم فيها .
فندق دورسيت ريجنسي فندق طيب فئة4 نجوم ...وبي فيو ممتاز ومختلف
في امره هل هو4 ام 5 نجوم ...ان قبلوا وساطتي اعطيها 5 نجوم
والخروج في الليل ...الساعة كم يعني المحلات يفتحون الصباح
حدود الساعة10 ويقفلون 10 ليل ...ما يغلقون ابد من الصباح لليل ..
لا تحسبيهم مثلنا يقفلون الظهر وتروحين السوق قبل 5 تلاقين الدنيا
مقفلة ..وبعض الشوارع تبدأ تنتعش من 10 ليل كشارع بوكيت
بينتانغ وشارعنا المزعوم الي اشتريناه ببينانغ يعني تقولي لي
نتمشى بعد 12 في كوالا اقول لك هذا خطر ...الساعة 12 ان شاء
الله انكم بفندقكم ومقفلين على نفسكم وقارين الاذكار ...وياالله بكرة
يصير خير ..وتستعدون من الصباح لبداية يوم جديد وجميل بأذن الله
تقومون على 7 تصلون الصبح وتستعدون لاجل تنزلون للافطار بالفندق
وبعدها تبدأون برنامجكم ...وما يجي 10 -11 ليل الا وكلكم طافيين ودكم تنامون
البلد امان وكل في حاله ...وهم اللي يخافون منا حنا العرب لاننا على
قولتهم خشنيين وعفشيين شوي ...فينا جفاصة واللي عمم ودنا نحاكمه
انتبهوا من الصينيين وخلوا العلاقة عملية بحتة ...حنا ان شاء الله طيبيين
لكن الثقة العمياء نتركها في الخارج ...ونترك الاستعراض والصرفيات اللي
فوق اللزوم ...نبغى نتتانس بس وما ودنا مشاكل ..ويا غريب كن اديب ...
صدقيني مادام انكم في حالكم ما احد يجيكم ...وخليكِ دايماً ذاكرة لربك
والله ما تخبيوا ولا تضيعوا ...
موفقين بأذن الله تعالى واتمنى انكم تنبسطوا في رحلتكم .
وتحياتي لكِ ولزوجكِ الكريم وللاطفال الله يبارك فيهم .
والسلام عليكم