وكذالك اريد معرفه اسعار المطاعم والوجبات هناك

وعليكم السلام ورحمة الله وبركاته
الله يحييك اخي الكريم اول شي
واتمنى لك رحلة موفقة وسعيدة بإذن الله
علشان نسوي الخطة و وين تروح وايش المطاعم اللي ممكن تروح لها والأسعار و برنامجك اليومي
في البداية نتفق على خط سير محدد
في البداية بما انكم عائلة كبيرة ماشاء الله تبارك الله, فأخاف أن شغلة التنقل عليكم بتكون متعبة
أنا بعطيك إقتراح وأنت قرر
أنت لما تجلس مدة الأسبوعين كاملة في ماربيا, أنت كذا ضربت عشرين عصفور بحجر ليش
لأن الإقامة راح تكون بإذن الله في ماربيا
وميزة ماربيا هي:
أنها تبعد ساعة ونصف عن غرناطة
5دقيقة عن ملقا
5دقيقة عن ميخاس
15دقيقة عن بنا المدينة
0دقيقة عن تورمولينوس
ساعتين عن قرطبة
5دقيقة عن مدينة رندة
ساعتين وربع عن اشبيلية
بالإضافة إلى قربها من مدن كثيرة مثل قادش والجزيرة الخضراء وطريف و غيرها الكثير
المدن اللي ذكرتها لك هي مدن مهمة
و بإمكانك أنك تزور هذي المدن بما أن معك سيارة و ترجع في نفس اليوم, بدون ماتضطر لحجز فندق في غرناطة او قرطبة لأن كل شي قريب من ماربيا و يوصلها بهذي المدن طرق سريعة
فمثلا عندك 15 يوم لو تخلي كل 3 أيام تروح لمدينة و ترجع في نفس اليوم فهذا بيكون برنامج حلو إن شاء الله
يعني بتروح اليوم الثالث لقرطبة واليوم السادس لملقا واليوم التاسع لغرناطة واليوم الحادي عشر لإشبيلية واليوم الرابع عشر لرندة
مثلا, ميزة هذي المدن أنك تزورها متى مابغيت , يعني تخطط قبلها بيوم واحد وتعزم وتروح الصباح وترجع على العشاء,
اما المدن القريبة من ماربيا اللي تبعد 15 دقيقة مثلا فهذه تعتبر جارة لماربيا , مثل اللي رايح من جنوب الرياض الى الشمال, و يمكن تروح لها شبه يومي, لأن فيها الملاهي و الملاهي المائية و هي مدن ممتازة جدا للأطفال
و لمعرفة البرنامج اليومي اللي ممكن تسويه في ماربيا ياليت أنك تزور موضوع الشاب و 48 مدينة إسبانية وبتعرف وش راح تسوي في ماربيا
طيب افضل شي انك تاخذ شقق فندقية لأنها راح توفر عليك كثير كثير
اما من ناحية السيارة فأعتقد انك ماراح تحتاج لسائق هناك لأن كل شي سهل هناك و راح تقدر ان تتمشى مع عيالك بكل سهولة إن شاء الله
أقول هذا لأني عرفت كثار كثار راحوا لماربيا واستأجروا سيارة وهم مايعرفون لغة اسبانية و كانت اول زيارة لهم لإسبانيا
والتنقل بين المدن افضل طائرة كم اسعار التذاكر الداخليه ومن اين الحجز لها هل من السعوديه ام من هنالك
اما من ناحة الطيران فأرخص خطوط طيران هي الخطوط التركية و الأردنية وانا جربت التركية وكانت كويسة
فما أدري وش رايك في هذي الخطة, إذا كنت مصر على مايوركا ومدريد, فأسوي لك برنامج كويس إن شاء الله

بسم الله الرحمن الرحيم
مشاء الله من جد الصراحه ماربيا والله حلوة و اتمنى لك انك تنبسط هناك
انا و للاسف مارحت للمدن البعيده عنها و كان حدي ملقا وميخاس لاني ما جلست الا اسبوع واحد
لكن والله انبسطت و الحمد الله
و ترى الشقق الفندقيه حلوة هناك و اوفر لك
و انا اتوقع انك لو بتمشيء على كلام مشرفنا انك بتوفر على نفسك اكثر من شغله ومنها انك تقعد تدور حجوزات فنادق هنا وهناك و حاله
وثاني شيء طيارات ومدري وشو داخليه
و ثالث شيء والي دايم يضيق صدري شيله العفش وخصوصا لو انك من النوع الي تحب تشتري
ومشاء الله على كلامك وانت تقول عيله كبيره يعني اتوقع التنقل من مكان لمكان تعب
و موقع ماربيا حلو وهي بطبيعتها حلوة
و اتمنى والله انك تنبسط لاني من جد خاطري ارجع لها مرة ثانيه
و ان شاء الله الشباب ما يقصرون وياك ويعلمونك كل الي تحتاجه
و لك اطيب تحيه
اخوك KSA

مشكور اخوي على تواصلك معنا
ويعطيك العافيه راح اوضح لك بعض الملاحظات
لا اود الجلوس الاسبوعين كامله في مربيا وفي نفس المكان

هلا اخوي ksa
تشرفت بمرورك على موضوعي وردوددك معنا
انت صادق التنقل مع العدد الكبير مشكله اذا كثرت المدن
انت بعد ماتدرين وين ناوي اروح له بعد مارجع من اسبانيا جاي على بالي امر على تركيا اسبوعين الى 20 يوم لكن مادري بالضبط
لكن انا اقولك محتار من الوضع هناك في المطارات يعني؟؟
بصراحه جربت اتنقل في ماليزيا بين لنكاوي وبيننق واخر شي كولالمبور يعني ركبت 3 مرات طيران داخلي بس الحمدلله الحمدلله ماحسيت بتعب لان كل شي كنت حاجز له من الرياض وقاص التذاكر وخالصه المساله..
فالوضع في اسبانيا لو بيكون كذا كان ok
بس خايف ان يكون صعب
فلذالك انا انتظر مشورتكم
والله يوفق الجميع ان شالله
ورحله ممتعه لك اخوي ksa
ونشوفك هناك ان شالله في ماربيا

مرحبا اخوي الشاب
بغيت اقولك اني افضل السائق يكون معنا.. عشان ما اضيع الوقت ولا ادري بصراحه وش الانظمه هناك
انت خابر هذي اول زياره لي ..
فياليت تقولي بكم السائقين في اليوم او بالساعه؟؟
وسلمت

بسم الله الرحمن الرحيم
اول شيء الله يعافيك اخوي مسافرين
وثاني شيء ابي اقتبس من كلامك لكني ما عرفت
و الي كنت بقتبسه
انت بعد ماتدرين وين ناوي اروح له بعد مارجع من اسبانيا جاي على بالي امر على تركيا اسبوعين الى 20 يوم
ك اما ما تدرين هذي جامده شوي
وبالنسبه انك تشوفني في ماربيا ياليت
قلت لك ودي ارجع لها لكن مش هالسنه لاني ناوي اطلع اماكن ثانيه و جالس اخطط لها و احجز
ولو تشوفني حايس بالبوابات الثانيه عند الدول الي ودي اروحها وان شاء الله تتيسر امورك و اموري وياك
و ان شاء الله تتمكن من حجز كل الطيران حقك من هنا لان والله انا ما عندي معلومات تكفى اذا كان بامكانك الحجز من هنا للتذاكر الداخليه في اسبانيا
وان شاء الله رحله موفقه
اخوك ksa

حاول تاخذ التذكرة اخوي مسافرين على الخطوط التركية لسببين:
اولا تضرب عصفورين بحجر (تزور اسبانيا +تركيا )
ثانيا" الخطوط التركية تنزلك في مدريد وتطلعك من اي مدينة اخرى في اسبانيا (اعتقد ان محطاتها في اسبانيا غير مدريد برشلونة )يعني تنزل في مدينة وتطلع من اخرى.
ولا تنسى السعر الرائع لهذه الخطوط (بحدود 2700 ريال) بالاضافة الى انك راح تنزل في تركيا
وسلامي,,

بسم الله الرحمن الرحيم
اول شيء الله يعافيك اخوي مسافرين
وثاني شيء ابي اقتبس من كلامك لكني ما عرفت
و الي كنت بقتبسه
انت بعد ماتدرين وين ناوي اروح له بعد مارجع من اسبانيا جاي على بالي امر على تركيا اسبوعين الى 20 يوم
ك اما ما تدرين هذي جامده شوي
هلا بك اخوي
وش فيها الكلمه جامده؛