افضل دوما في الويكند ان لا تكون ماسك طريق خروج او عوده من مدينه لمدينه اخري خاصه جاكرتا منها او اليها
وسط جاكرتا في الويك اند يكون اخف زحاما من بقيه الايام كسيارات اذا لم يصادف موسم انتخابات مثلا وهذا امر قد لا يعرفه كثيرون
احلي ايام جاكرتا للتمشيه في الشوارع هي الويك اند لكن انتي مو رايحه تتمشين بالشوارع رايحه تقضين فعاليات
مثال انشول بالتاكيد مزدحمه جدا في الويك اند
الاسواق الشعبيع ايضا بتكون مكتضه وايضا نفس الامر بينطبق علي تمان ميني
لو كان ضمن برنامجكم انكم تروحون للالف جيره فخليها من ضمن هذي الايام وثاني يوم سوق او مول فخم مثلا اذا كنتم مبرمجين رحلتكم للمرور في المولات
مجرد اقتراح

مشكور اخوي ماقصرت
بس شنو اخف الاماكن اللي تكون الزحمه ضايعه فيها ونقدر نتحملها زي تامان ميني او حديقه العروض او الاسواق مثال منقادوا او غيره
وعلى سالفة الالف جزيره مدري مو في جدولنا بس ياليت تعطيني رايك فيه وشنو اقرب واافضل جزيره وشنو الفعاليات اللي فيها وكل شيء عنها ويعطيك العافيه

منقا دوا زحمه في وسط الاسبوع انا رحته مابالك نهاية الاسبوع ماانصحك فيه وبقوة الا وسط الاسبوع
لو في برنامجكم بالي اطلعي على بالي يوم السبت ولا الاحد وكملي جدولك بعدين