اعتقد ان الوزن المسموح به على السعودية 30 كيلو مازاد تدفع الظاهر الكيلو عشرة ريال والله اعلم

الوزن من 20 الى 30 كيلو حسب شركات الطيران وعروضها والوزن الزايد 21 دولار للكيلو والافضل الشحن الجوى بسعر 2 دولار

والله مسأله الشحن مربكه بعض الاحيان
معظم شركات الطيران تسمح حتى 32ك بشرط ان لايزيد وزن المستوعب(شنطه او صندوق)
عن 20 كيلو حتى يتمكن عامل الشحن من حملها.لذلك يوزع الوزن على مستوعبين.
سأذكر لكم ماحدث معي في اخر رحله وكانت على الخطوط القطريه بخط جاكرتا الرياض.
في الذهاب كان معي شنطتين غير اللي ابحملها معي بالكبينه..وزن الشنطتين تعدى 32ك
ب عدة كيلوات..وما قالو شي.
لكن بمطار جاكرتا اثناء العوده ومن الطبيعي ان الوزن يكون اخف من المغادره..الا ان موظف الكاونتر
طلب مني تسديد اجور الوزن الزائد(10 ك)وكان وزن العفش مايتعدى 32ك..احتجيت بان الوزن كان
اكثر اثناء المغادره والشركه ما طلبت مني دفع اجور عليه..ردت على المسئوله بان المسموح لي 20ك
وان هذي الانظمه بمطار جاكرتا تختلف عن المطارات الثانيه.
..واضف عليها انهم وضعوا الشنطه الصغيره اللي نحملها معنا بالكبينه وضعوها مع الشنط الثانيه على الميزان.
ماكان مني الا اني تنحيت على جنب ورتبت الوزن بالشناط واخرجت اللاب توب والمكواة..شلت اللاب
توب معي على كتفي والمكواة حطيتها بالشنطه الصغيره ولا زال فيه 2ك زياده لكن مشوها.
المربك انهم وزنوا الشنطه الصغيره مع الشنط الكبار!!ما ادري اذا كان نظامي حسب كلامهم او كان
لهم غايه ثانيه وما بلغوها.
الشركات الثانيه السعوديه والامارات والاتحاد ما يوزنون الشنطه الصغيره اللي بتحملها معك مع
الشنط الكبيره.
من المهم ان نسأل حتى مانقع بالاحراج.

في رحلتي ما قبل الاخيره كانت على خطوط الاتحاد ( دمام - ابوظبي - جاكرتا )و العكس و كانت الرحله في
8- 12 - 2007 و الوزن المسموح به 40 كيلو ، بحيث ان لا يزيد وزن المستوعب عن 32 كيلو ( مثلا ، عندك
حقيبه وزنها 35 كيلو و الاخرى 5 كيلو ، المجموع 40 كيلو وهو الوزن المسموح به ) ولكن حينها سيقول
لك الموظف اعد ترتيب الحقائب بحيث الاولى لا تزيد عن 32 كيلو و 8 كيلو المتبقيه تكون بالحقيبه الاخرى .
ملاحظه : الامتعه اليدويه و اللتي ستحملها معك داخل الطائره ليست ضمن الاربعين كيلو .