اختي الكريمة حبذا تنشري موضوعك في " مجلس الاستفسارات النمساوية" في بوابة النمسا فهو المكان الأمثل
تحياتي ،،

mist
تحياتي لك ،،،،،

هلا أختي ميست .. والله النمسا من قرا عنها حب يزورها
طبعاً أوروبا بشكل عام مكلفه .. بس خلينا نحاول نتعاون نحط مثال عشان بس تتوضح الصورة بشكل تقريبي ..
أول خطه حاولي تقنعين اهلج فراداً مش كلهم مجتمعين ..

مشكورين
زلامسي و سالزبيرغ و وولف قانق وانسبروك
بالاضافه الى فيينا
كيف ممكن ارتبهم واوزع الايام بينهم
5يوم بالكثير اجمالي الايام
قريت ان احد المدن الالمانيه ممكن تروح لها من احد المدن النساوية من غير فيزا والمسافه بينهم ساعه تقريبا ماهي وهل تستحق الزيارة ؟
افضل الفنادق حسب الخدمه والسعر المتوسط وال ((الموقع))
في كلا من المناطق السابقة
بما اني لم احجز بعد هل الحجز صعب
وهل ممكن اني انصدم بكلمة مافيه حجز !
سواء بالطيران أو الفنادق,
والفيزا هل تأخذ وقت ؟
واحسن سفارة ممكن اطلع منها الفيزا .
شكرا مجدداا

1. وولف قانق ليلتين


2. انسبورك ليلتين

والله اختي يا ريت توضحين متى ناويه على السفره عشان نقولج فيه وقت للحجوزات أو لا
مسألة مافي حجز هذي مقدور عليها إنشاءالله .. والفيزا بالنمساوية هالوقت بالهاي سيزون
خذت علينا مايقارب الأسبوعين بس انا سمعت انه بالفرنسيه ما تطول والله أعلم اذا كان
عادي تقدمين من الفرنسيه وتدشين النمسا .. سمعت ولست أكيده انهم ماعادوا يدققون بنفسي
ودي حد يأكدلي هالمعلومه ..
وإذا ناوية على ألمانيا .. أطلبي الفيزا الشنقن عشان تخولج زيارة دول أوروبية أخرى ..
وعموماً المدينه اللي تسألين عنها هي ميونخ وهي تبعد مايقارب الساعه بالقطار عن سالزبورج..
بالنسبه للمدن اللي اخترتيها انا عندي نصيحة بسيطة صح اني ما زرتها .. وأتمنى أهل الخبره يصححون
لي اذا غلطانه ولكن أنا أشوف انه عندج مدن كثيره فلو قلنا
فيينا أربع ليالي خمس أيام
سالزبورج أربع ليالي
زلامسي ثلاث ليالي
وولف قانق ثلاث ليالي ... خلصت الرحلة .. رجعنا نضبطها عشان تصير 15 يوم
فيينا ثلاث ليالي
سالز ثلاث
زلامسي ليلتين

وولف قانق ليلتين

انسبورك ليلتين

ميونخ ثلاث ليالي ... هني ضبطت .. ولكن صار عندج تنقل كثير هل راح يكون مناسب لكم كعائلة؟ أو لا لازم تراعين هالنقطه .. وعموماً هي فيينا اللي تبعد شوي عن باقي هالمدن والباقي أتوقع كلهم قريبين من بعض لكن التنقل كل يومين بحد ذاته متعب شوي .. فاحسبيها عدل وإذا حسيتي انه التنقل الكثير بيخرب جو الرحله استغني عن مكان أو اثنين ..!!
هذا اقتراحي ..
والفنادق عندج فيينا (الماريوت - المريديان - فندق أوروبا .. وممكن تاخذين جوله في المنتدى تتعرفين على الباقي)
سالزبرج عندج فندق ساشر موقعه رهيب ولكن غالي نوعاً ما وممكن الكراون بلازا هذا اشهر واحد أقرا عنه هني ..
زلامسي في فندق قراند ما اعرف غيره
الباقي ما اعرف لهم فنادق .. واذا لفيتي بالمنتدى يمكن تلقين ..
ميونخ المريديان - مركيور ...
طبعاً أسعار الفنادق تختلف على موعد السفره .. ونصيحتي شوفي لج مكتب سفريات معتبر
لو يرشحه لج حد من الأخوان هني تتصلين فيهم تعطينهم الوقت وهم يرتبون لج الأسعار
وبعد يسوون لج الفيز
أتمنى لج التوفيق
ملحوظه بالنسبه للفيزا لأوروبا مطلوب تأمين صحي لازم تسوونه قبل لا تقدمون بالسفاره ويطلبون منه نسخه

مشكورة روحي ماقصرتي والله
وقت السفره غالبا بيكون بداية اوقست
نهاية الاجازة الصيفية هذي
سمعت ان الفنادق والطيران فل !
بالنسبه للسكن اذا فيه بهالمناطق شقق فندقية بما أن العدد كبير ماشاءالله اتوقع الشقق اوفر واريح لاني حسب كلامكم غرف الفنادق ضيقه نوعا ما
بالنسبة للتنقل اذا المنطقه بتكون ممله لأكثر من ثلاث ليالي مثل سالزبورغ وزلامسي اتوقعهم صغار ويكفيهم ثلاث ليالي معناته مضطرين نغير المنطقة
بالنسبة للتنقل اتوقع العفش معنا بيكون ثلاث شناط كبار على الاقل .. بيتعبنا هالشي ؟
صراحة اليوم وصلني خبر ان العائلة ناوين تركيا
وانا نفسي بالنمسا
ابي برنامج متكامل اوفر عليهم تعب التخطيط و التفكير بتركيا
شكرا للكل

اذا احنا 5 اشخاص كبار شلون ناخذ غرف الفنادق ؟
كل شخصين بغرفة يبقى شخص لحاله ؟
فيه شقق تكفي هالعدد ؟
هل ممكن استأجر سيارة بسواقها ك مرشد سياحي ؟
ياليت تعطوني معلومات ...
صراحة كذا الاهل بيبردون ويلغون الفكرة

ازعجناكم ..
اخواني الافاضل
اليوم .. في حوار عائلي
عندما فتحنا سيرة السفر الى النمسا
رفض الوالد لاسباب منها
تأشيرة السفر تحتاج إلى وقت .. !
اخبرته ان بعض السفارات تستخرجها بمدة اقصاها اسبوعين
هل كلامي صحيح بما اني قرأت ذلك في منتداكم
وأي السفارات الافضل والاقصر مدة ..
شي آخر
لم تروق له اسعار السكن
هل بامكاني الحصول على شقق باسعار مناسبة كما الشقق اللتي حصل عليها احد الاخوة في زلامسي ب 80 يورو عدد غرفتين .. (شي جميل )
السفرة من ال أ الى ال ي
تأشيرات السفر والجوازات
التذاكر والتنقل هناك
( حسب خطة السفر واللتي انتظرها منكم الى الان )
السكن
هذي الاشياء الاسياسية اتوقع صح ؟
اتمنى اتمنى اجد تجاوب مشجع
واذا تمت السفره على خير
لكم مني تقرير مفصل من ال أ الى ال ي .. ,
(عرض مغري أليس كذلك ؟ :d )
احتاجها بشكل مرتب

هلا عزيزتي .. تعرفين هالفتره الكل لاهي يجهز حق سفرته والله محد درى عن حد خ
قبل لا يبردون الأهل اسمعي .. في فنادق توفر Triple Room يعني ثلاث أسره بالغرفه
وهالشي بيحل موضوعكم أتوقع ..
أنا والله أختي ما ادري انتي من وين لو كنتي من الإمارات كنت عطيتج رقم وكيل سفريات
يحسبها لج ويرتبلج السفره .. بس أنتي اتصلي على الاستعلامات عندكم .. أو ابحثي في
المنتدى تلقين أحيان بعض الأعضاء كاتبين أسماء مكاتب سفريات جيده .. وتقدرين تتصلين
فيهم تعطينهم خط السير اللي تبينه وهم ما بيقصرون بيرجعون يتصلون فيج، أنا عن نفسي
متصله في ولا سبعه وكالات سفر.. حد يقولي أربعين ألف وحد قالي عشرة آلاف هو يختلف
حسب درجات مستوى الطيرانات ومستويات الفنادق ...ومستويات النصب أحياناً..
أنا والله ما أعرف شقق فندقيه جيده .. بس لقيت من فترة شقق تستوعب خمس أشخاص
برجع أدورها لج وأرجعلج خبر إنشاءالله ..