بارك الله لك وبارك عليك وجمع بينكما في خير
بالنسبة لشهر 2 راح يكون بارد .. واعتقد غير مناسب نوعا ما لشهر العسل .. ولكن مايمنع اذا كان في رغبة وحماس لرؤية تلك البلاد وهي تكتسي بالثلوج فهي مناظر غاية في الروعة ..
بالتوفيق

شكرا اخي بيمو الحقيقة كنت انتظر ردك شخصيا راي الاخوة بشكل عام
انا في الحقيقة كلي شوق ان اذهب الى تلك البلاد ولكن سبحان الله ما صادف الا تقريبا نصف شهر ميلادي
السؤال هل تتغير البلاد من ناحية المنتجعات والاماكن السياحية يعني هل تقفل
هل تصلح للسياحة بغض النظر عن الجو البارد
هل نشاطها قائم كما هو في الصيف
سمعت ان النمسا كما هي الصيف مكان للسياحة فهي كذلك في الشتاء ..
وكيف اعرف درجة الحرارة تقريبا في ذلك الوقت ؟؟؟
لعلك فهمت ما اقصد
بوركت
دمت بود

مرحبا
بنسبه للجو بيكون برد وثلج بعد مادري أذا الجو هذا يناسبك ولا لا
أما عن الطبيعه أكيد بتكون مختفيه من الثلج {{{بس الثلج وناسه الصراحه
وألف مبروك
تحياتي

بالنسبة للمناطق السياحة .. بعضها يقفل في الشتاء .. مثل الزحليقة الصيفية في زيلامسي .. وسمعت انو الشلالات تقفل احياناً اذا كان المطر قوي .. والبحيرة احيانا تجمد ..
لكن سالزبورق مو مثل زيلامسي يعني ممكن تكون أونس .. ونشاطاتها اكثر شوي ..
عزيزي .. صحيح اني ما أييد السفر في هذا الوقت .. لاسباب معروفة .. ولكن ما ودي اضيّق صدرك .. انت مادام ماعندك الا هذي الفرصة .. فاستعن بالله وروح وسّع صدرك وشوف أجواء غير اللي عندنا ( على قولة اختنا ام بلو .. بس الثلج وناسه ) ..
بالتوفيق ،،

ما قصرت اخوي
ما ادري فهمت من كلامك انها في الصيف اجمل بكثير من الذهاب لها في الشتاء وعلى حسب ما اطلعت على درجة الحرارة ان شهر من اشد فصول الشتاء عندهم ... ما احس اني راح اتوهق يعني يمكن البرودة تعيقني والا انا غلطان ..
طيب يالغالي وش تنصحني ارووح فيه غير اوروبا ؟؟؟

هلابك يالعريس ..
طبعا مافي مثل اوروبا في شهر العسل .. لكن مشكلتك التوقيت .. فاذا تبي نصيحتي .. وبما انك شهر عسل .. يعني تبي رومانسيّة ودلع وسعة صدر .. انصحك بالجزر .. مثل :
جزيرة موريشوس
جزر المالديف
وممكن تطلع منهم على اي دولة ثانية اذا ماتبي جزر بس .. وشوف تقارير الاعضاء في بوابة الجزر ( هنا https://artravelers.com/s/93 )
او عندك ماليزيا .. انا رحت لها في شهر العسل وهي مناسبة جداً للعرسان لانها جامعه كل شي : مدن ، جزر ، جبال ..
ولك الخيار ..
بالتوفيق ،،

الصراحة ما اعرف كيف اشكرك
طيب وش رايك اجمع بين المالديف ومالزيا والا اكتفي بوحده منهم؟؟؟؟؟

شوف يالغالي .. المالديف مجموعة جزر .. واحيانا تلقى منتجع ماخذ له جزيرة كاملة .. يعني حقت روقان ورومانسية .. طبعا فيها عاصمة ومباني .. لكن موزعة على عدة جزر .. والمطار لحاله في جزيرة واذا وصلت تروح للفندق او المنتجع بالطائرة المائية .. يعني المالديف حقت 4 او 5 ايام فقط .. يعني لابد انك تجمع معها ديرة ثانية ..
والافضل مثل ماذكرت انك تطلع منها على ماليزيا ( على فكرة ماليزيا فيها جزيرة اسمها لنكاوي .. تقريبا مناسبة لشهر العسل لانها جزيرة صغيرة وهادئة ومنتجعاتها روعة ) يعني ممكن تروح لماليزيا فقط ..
انا كانت رحلتي لشهر العسل 20 يوم .. وكانت ممتعة ومدة كافية .. واذا تبي اعطيك برنامجي انا مستعد ..
بالتوفيق ،،ِ

شورتك وهداية الله
ياليت تعطيني برنامجك واشوف
والصراحة ما ني عارف كيف اشكرك ولكن الله يجزيك خير ويفرج عنك كل كربة