تراتيل الغرام
28-10-2022 - 10:08 am
السلام عليكم ورحمه الله وبركاته
انا حابه اسافر ان شاء الله
ل اوروبا
وابي نصايحكم وارشاداتكم لآني اول مره بصراحه اروح ل اوروبا
وبعد قرائه لعده تقارير
تم تحديد الوجهه
ل ..... النمسآ .... اييطاليآ .... سويسرآ .....
ارجو من الاخوان ترتيب الرحله معي والربط بين المدن ( احلى المدن بغض النظر عن كبرها )
في مده لآتقل عن 12 يوم ولا تزيد عن 18 يوم
حبذآ 14 او 16 يوم
الميزانيه عندي من 25 الف .... الى 30 الف واحنا اقتصاديين بطبعناا
حاطه ببالي نستاجر سياره لاني حسيت انها افضل واكثر ارياحيه
وزوجي حاب الفكره يقول اكثر متعه ....
وبالنسبه للسكن مو شرط بوسط المدينه وحبذا يكون كوخ
او فندق واهم شي يكون فيه افطار .... ونظيف ومرتب ..
او يكون غالي بس موقعه كويس يعني ما أتعدا الفندق ...
ام بالنسبه للرغبات
اهم شي اهم شي الاجواء مدينه احتمال يكون جوها حار
احتمال استبعدها او نزورها فقط يوم ونرجع
وبالدرجه الاولى الطبيعه والمناظر الجميله ....
ويكفينا اربع ايام او خمسه موزعه للاماكن المتطوره والاسواق .....
وافضل الشهور لزياره هالاماكن لآني للحين ماحجزت
( احتمال 90 بالميه يكون السفر الى مدينه والرجوع من مدينه اخرى افضل في تخطيط الرحله )
مطوله بالي بهالسفره لو اسافر الصيفيه الجايه ماعندي مشكله
بس اهم شي الاجواء والتخطيط الصح لآني ابي احجز تذاكر متى ماسنحت الفرصه
او حصلت عرض مناسب ورخيص .....^^ تفكير افتصادي
الرحله لشخصين ( أنا و زوجي )
ياليت تفيدوني وشاكره لكم جهودكم
اول شي طبعا لازم تحدد المدن اللي بتروح لها
وبعدها الفندق والذي منه
شرايك تقرين موضوعي هذا
https://artravelers.com/p/re/834101
رحله الى فيينا ومن ثم زيلامسي ومرورا بميونخ ومن ثم انترلاكن ومن ثم باريس كلفتني 35000 مع المشتريات وسيارة تاجير لمدة عشر ايام استلام من فيينا وتسليم في باريس
واذا كنتي مصممه على النمسا وسويسرا وايطاليا
ممكن ذا الترتيب يعجبك
فيينا في النمسا راح تكون مدينة الوصول وبيكون الجلوس هناك يومين
وبعدها الى زيلامسي اربع ايام
وبعدها فينيسيا في ايطاليا يومين
وعندك خيار تروح روما تجلس يومين
وبعدها يومين في ميلان
وبعدها اربع ايام في انترلاكن في سويسرا
والرجوع من زيورخ او جينيف في سويسرا
وماراح اتكلم عن باقي التفاصيل الى ان نحدد اي جدول راح تختار
او تنتظر الى ان احد من الاعضاء يقترح عليك جدول
افضل من هذا اللي انا اقترحته
طبعا فكرة السيارة احلى شي
بس لاتستخدمها في فيينا
اخذها في اخر يوم لك في فيينا استلمها وسلم الفندق وعلى طول الى زيلامسي
وبالنسبة لافضل الشهور لزيارة اوربا تكون من نهاية شهر 4 ابريل الى نهاية شهر 9 سبتمبر