smaq20077
10-12-2022 - 05:57 pm
هذي اول مشاركة في هالمنتدى الي له فضل كبير علي بعد الله في ترتيب جميع رحلاتي.
وحبيت يكون هذا الموضوع على شكل نصائح مختصرة لمن يريد السفر الى سريلنكا ولن يكون هناك صور لأن المقصود هو المعلومة المختصرة المفيدة فقط طبعا من وجهة نظري .
المعلومات الأولية الرحلة كانت بتاريخ 17 سبتمبر الماضي والعودة كانت بتاريخ 3 أكتوبر 2010 يعني فرش وطازة
المشاركون في الرحلة 4 شباب على كيف كيفك كل واحد منهم يقول الزود عندي وان كانت الاخلاق شانت على نهاية الرحلة نظرا لطول المدة
نبدأ مع أول مجموعة من النصائح :
1- لا تسافر مع الخطوط السعودية حيث أنها من جد خط بلدة والركاب ايضا كلهم شغالات والله لا يوريك الريحة والطفش طبعا البديل معروف.
2-حاول تحجز مبكر عشان تستفيد يكون الوقت من صالحك خاصة ان بعض المكاتب هناك يتعمد ما يرد عليك الا متأخر عشان يحدك على أقصاك بس أنت خلك ذيب وراسل كل المكاتب ولا يهمونك
3-البلد حلو ومناسب وآمن والعوائل مبسوطين جدا حسب ما أشوف والأجواء حلوه في غالبية المدن التي زرتها دمبولا وكاندي ونوريالا ونبقمبو وكلومبو وان كانت الأخيرة جوها من جد سيء .
4- انس تشوف اسواق ومطاعم وحضارة في جميع المدن عدا كولمبو يعني البلد فقير ومتواضع جدا فلا تنصدم اذا جيت هناك
5-خذ من المكتب او الشركة المتعاقد معها ادق التفاصيل ولا تدع صغيرة ولا كبيرة الا اذكرها لا تصير صحيح
6- الدولار الدولار يا حبي لذا العملة يفرض نفسه في كل الدول خذ معك رزمة منه واصرف هناك على راحتك ولا تحاول تسحب ATM الا لضرورة القصوى واسحب من المكائن ولا تشتري من المحلات بها خشية من
7-السائق هو كل شيء في الرحلة فمن البداية اذا كان غير جيد فثق ان الرحلة ستكون سيئة وابشر بالنكد والطفش والقرف للمعلومية سافرت مع شركة جتونق وكان معي السائق محمد نجيب مسلم وهو بكل صراحة قمة في التعامل والأدب والأخلاق والأمانة ومدري وش أقول بعد وحتى الأن لي تواصل معه فكانت الرحلة بالنسبة لنا ولله الحمد روعه بالرغم بأنني لم أتصل برتشارد الا مرتين الأولى في الحركة البايخة عند الوصول كان الباص الي أرسلوه زي وجيههم فكرشناه من البداية ولا عطيناه 350 دولار من المبلغ حتى تغيرت السيارة في اليوم الثاني مباشرة بالرغم من الكلام الكثير في عدم المقدره لكن ما يفل الحديد الا الحديد ويوم سلمتهم كامل المبلغ في المكالمة الثانية قال ما أقدر في مشكلة صارت لي فيما بعد في نوريالا ولا هو نفع ولا الاستاذ خالد في السعودية بعدين اقول لكم وش صار .
8-حاول تكون حجوزاتك في الفنادق واضحة ومحددة ولا يهمونك حينما يراسلونك ويقولون هذا الفندق حلو والكلام الفاضي انت تأكد بنفسك وأعتقد هذا المنتدى حتى لون شراشف الغرف مصورينها الأعضاء
9- سريلنكا بلد ينقصها الطرقات الجيده حيث ان الطرق هناك سيئة للغاية فالمشاوير هناك تقطع القلب وتقلب الكبد والسواقة رايحه في الطاسة .
10-في حال تعرضت لأي مشكلة كبيرة صغيرة لا سمح الله عليك بالأخضر اخرج فقطمائة دولار وسوف تحل جميع القضايا وعيش
11- ترى وجيه السرلانكيين شوي تروع خلق الله حسن وهم فقراء للغاية ويفتقدون الإبتسامة في وجه السائح والتعامل الحسن معه مدري يمكن عشاننا سعوديين وسالفة المسامير مأثرة فيهم مدري ؟!!!
طيب انتظرونا في المجموعة الثانية يا حبايب وفي حال كان هناك اي استفسار فأنا
