وعليكم السلام
هذا البارح واحد مثلك يسأل عن الميزانيه
وفصلتها له عل الرابط
https://artravelers.com/p/re/884454

شكرا جدا لكن اعتقد وضعي مختلف شوي و اسالتي مختلفه بعد ..
هل من الممكن تكفيني 20 الف لكل شي من فيزا + اسعار تذاكر و كل شي مرره ..؟

اختي الكريمه
الميزانيه انتم من يحددها من الاختيار الموفق للسكن والصرف المعقول
في الرابط السابق جميع التفاصيل احسبيها حبه حبه وراح تعرفينها كم بالنهاية ....

طيب ايش اهم المدن في سويسرا ؟
و ايش مميزات كل مدينه ، و هل سويسرا تتخذ اللغه الانقلش اساسيه ؟
و في شهر مارس ايش الجو برد ولا ربيع و لا ايش ؟

dimma
اهم المدن والارياف
جنيف & زيورخ & لوقانو & لوزان & لوزيرين & بازل & بيرن العاصمه & انترلاكن وضواحيها
اللغه في سويسرا تلاث لغات
الشمال والوسط اللغه الالمانيه
الجنوب لوقانو اللغه الايطاليه
الجنوب الغربي جنيف الفرنسيه
ولكن اللغه الانجليزيه في سويسرا موجوده وتحصل ناس يتكلمون بها خاصه في الاماكن السياحيه او الاسواق ...
شهر مارس برد والله اعلم ويمكن باقي ثلوج
الربيع من شهر ابريل الى يونيو وافضل اوقات السفر مايو ويونيو

هلا ماقصر اخوي شخص
بس انا بمجرد شفت الوقت للرحلة
مالكم الا شرق اسيا
كل شي مغلق بمارس في اغلب سويسرا
يقصدة السياح
والميزانية معقولة بما ان اغلب الاماكن مغلقة بس
بتكون الرحلة مكتفة شوي

ليه ؟
طيب كل شيء مغلق لكن مارس فتره ايش بالضبط بدايه الشتاء نهايته وسطه ايش بالضبط ؟
يعني خلاص شرق اسيا ؟! والله ودي بسويسرا للاوتلاتات و الاماكن الرائعه وخصوصا ريفها للاسترخا وبعيد عن صخب الدنيا ..

شهر مارس الله اعلم انه نهاية الشتاء بداية الربيع مستحيل تكون الطبيعه مثل مايو او يونيو
سألت السفير السعودي في بيرن العاصمه السويسريه قلت له الشتاء كيف قال لي 5 شهور شتاء اكيد مارس منها
والاحتياط واجب