أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
سلام عليكم
أنا جاي بكرا للبحرين والصراحه ولا مره جيتها !!
وابي أعرف مكان المطار بالضبط ( بستلم شحنه من فيدكس فرع المطار )
مع العلم اني جاي من الدمام
ياليت تساعدوني ياهل البحرين ولكم الشكر
مرحبا فيك أخونا ... طبعا انت اول ما تطلع من الجسر ... بتشوف علامات ارشادية للمطار ... بس انا بمشي عك من الجسر و بدليك مكتب فيدكس فرع المطار ... هو يصير من خلف المطار ... وليس في داخل المطار نفسه ... وياريت تعمل للوصف print وتاخذه معك ... بسم الله نبدأ .. بعد ما تطلع من الجسر ... تواصل سيده ... وتاخذ 3 مخرج عاليمين . مكتوب عليه (ضاحية السيف) ... وتطلع على الشارع الرئيسي ... وبعد تواصل سيده ... لا يمين ولا يسار .... بتمر على مجمعات على يمينك ويسارك ... وتواصل سيده ... بتصادفك أول إشارة ضوئية ... بيكون على يمينك فندق الريجنسي انتر كونتننتال ... وعلى يسارك أبراج خضراء كبيرة (مرفأ البحرين المالي) ... تواصل سيده ... وتعدي الاشارات الضوئية الثانية والثالثة(جنب السفارة السعودية) والرابعة ... بعد الرابعة بتدخل الجسر المؤدي للمحرق ... هو جسر على شكل حرف ال M .. وتمشي سيده بعد .... وتعد الاشارات الضوئية اللي بتعديها الحين ... الاولى والثانية والثالثة والرابعة ... عند الاشارة الخامسة ... تمسك أقصى اليسار ... وتلف يسار .. تدخل هالشارع .. بيكون شارع ذو مسارين .. واحد رايح وواحد جاي ... بتشوف محطة بترول على يدك اليسار ... ومكدونالدز .. ومطعم الأبراج .. وتروح سيدة .. بعد الاشارة الضوئية الثانية .. على اليمين ... تلف يمين في مساحة موجود فيها مكاتب لشركات الشحن .. ومكتب فيدكس على يسارك ... أتمنى اكون أفدتك .. ولا تتردد في أي سؤال ..
الغالية
ماشاء الله ماشاء الله ماشاء الله
توصيف دقيق واتعب وانا أقول ماشاء الله
إذا ماعليك كلافه أختي الغاليه توصفين لي ( الهاشمي سنتر )
ووين فيه بالضبط مثل الوصف السابق أو وصف تقريبي الله لايهينك
لاني والله ماعرف أحد بالبحرين ومالي إلا الله ثم أنتم ..
وتم عمل برنت وبنفس اللون بعد
يعطيك العافيه وبإنتظارك
C A N A D A
شكرا لك أخونا ... وحاضرة لك في اي وقت ..
مجمع الهاشمي ... أوك ...
شوف ... بقتبس من الوصف الاول سطر واحد ... وبكمل من بعده ..
بعد ما تطلع من الجسر ... تواصل سيده ... وتاخذ 3 مخرج عاليمين . مكتوب عليه (ضاحية السيف) ... وتطلع على الشارع الرئيسي ... وبعد تواصل سيده ...
أوك ... تمسك المسار الأيمن .. وتظلك ماشي ... في اقصى اليمين ... لين تحصل أول مخرج عاليمين تاخذه ... وبتوصل عند إشارة ضوئية على دوار ... تمسك يمين بعد .. وتلف عندها يمين ... وتواصل سيده ... بتمر هنا على محطة بترول على يمينك ...
تواصل سيده ... بيواصلك دوار ... تطوفه وتروح سيده ... تطوف أول إشارة ضوئية ... وثاني إشارة ... عند ثالث إشارة .. بتشوف المجمع على يدك اليمين ... هو مجمع أبيض اللون ... من طابقين ...
تلف يمين عند الإشارة ... وتدخل في الشارع .. أول لفة يسار .... وبعده مدخل المجمع عاليسار ...
حياك الله ... ولا تنسى تعمل print ثاني
