وعليكم السلام ورحمة الله وبركاته
هلا وغلا الغالي ..
انا ماجربت توم توم ولكن جربت نوفا 670 وكان خير صديق في الطريق ..
الجهاز سهل الأستعمال + أغلب المعلومات إذا ماكانت كلها موجوده فيه + جميع الفنادق والمطاعم بأرقام التلفونات ...الخ
بالنسبه للفنادق عطني فرصه لين الليله عشان أخذ لفه عليهم ..إذا حصلت فنادق صغيره في مشكله ولا لازم فنادق كبار

يا هلا بك والله يالقطري
مشكور عالرد
بالنسبه للجهاز اللي ذكرته ماعندي عنه اي خلفيه
بس اذا انك تمدحه بروح ادور عليه واشوفه بس ما ادري استعماله سهل زي التوم توم والا يختلف ؟
والفندق مو مشكله صغير كلها يومين او ثلاثه فقط لان اغلب وقتنا بيصير برا وما ادري بالنسبه للمطبخ الفنادق بلندن فيها مطابخ ؟
الله لا يهينك ولا تتعب نفسك اذا احد قالك عنها والا لا تطلع تدورها وانا اخوك
تسلم وما تقصر

ايش حكاية جهاز نوفا هذا ؟؟ ووين الاقيه في الرياض؟

فارس بورمث
الجهاز سهل وسلس وفيه معلومات حدث ولا حرج
أما الفنادق فهذا موقعين وأن شاءالله اتفيدك ..
الفندق الأول راعيه مسلم وهذا موقعهم http://www.Glynne-court-hotel.com
وهذا الفندق الثاني وترا كلهم قريبين من أدجول رود ..
http://www.Bostoncourthotel.co.uk
والجهاز أعتقد في مكتبة جرير
وأي خدمه أحنا تحت أمرك

طموح عالي
هذا جهاز ملاحه والحين صار متطلب ضروري للي يبي أيسافر ويتنقل في اوروبا بالسياره
واتلاقيه الغالي في مكتبة جرير ..

مشكور اخوي القطري
لاخلا ولا عدم
الله يجزاك الف خير
من جد ريحتني من اشياء واجد
تسلم ومشكور
واحنا بخدمتك طال عمرك

القطري
شكرا حبيب قلبي القطري

الغالين فارس بورمث + طموحي عالي ..
أبركها من ساعه إذا خدمناكم والأهم أنكم أتلاقون ألي خاطركم فيه ..
وإذا محتاجه أي معلومه ترا ماأيردكم إلا اللسانكم ..
في حفظ الله الغالين ..