هلا
عزيزتي في تقريري الاخير.....موضوع كامل عن التسوق في شمال ايطاليا
اعتقد انه بينفعك بأذن الله

أختي الزعيمه يعطيك العافيه على هالتقرير طبعا هو من اول التقارير اللي خلتني اتحمس واروح ايطاليا من جد ....
ومن خلال تقريرك عرفت انه سيرفالي افضل اوت لت عندهم ...صح؟
طيب هو بعيد عن ميلان ...كذلك الاوت لت اللي في منطقه برجمو يبعد نص ساعه هل فيه مثل ديور ولويس فيتون ..وبيربري ؟؟؟
لاني ابي هذي البضائع
ما ابي الاشياء الخفيفه ....وابي محل لبيع ملابس السهره....بس مو غالي مره

هلا
لوي فيتون مافي اوت لت....في ايطاليا
بربري......في في سيرفالي......
ديور تلقين في اوت ل في لوغانو.....فوكس تاوون
وفيرساتشي....جوتشي.....ارماني ايف سان لوران......والفيرو مارتيني.....وغيره
مول بيرجمو.....يعتبر ايطالي ماركات ايطالية مو معروفه
بعطيك معلومة عن سيرفالي...يبعد حدد ساعة ونصف بالكثير....
هو حلو اكثر للملابس الرجالية....وملابس الرياضية....وملابس الاطفال الماركات بنصف السعر
اما الشوبنغ الصح.....تلقينة في اوت لت لوغانو.....فوكس تاوون يبعد حدود ساعة من ميلان بالكثير
ملابس السهره في محل بالدوامو يجيب ملابس حلوة على ايديك اليمين وانتي داخلة الدوامو......بعد الكنيسة
واي استفسار اخر.....لاتترددين وان شاء الله برد عليهم كلهم بقدر معلوماتي
وبالتوفيق

شكرا لك الزعيمه ....
حبيت اسألك ....بالنسبه للاسواق انا قررت من خلال التقارير اني اروح ان شالله ل:

• اوت لوت فلورانس
• اوت لت سيرفالي سكريفيا
• اوت لت فوكس تاون

اذا هم ناسبين عشان ما اتعب نفسي من مكان لمكان ويكفوني عن باقي المحلات ...
لانه عندي يومين بس في ميلان ...
بالنسبه لاوت لت لوقانو هل هو سيرفالي ؟؟؟اللي يقولون انه يغني عن كل الاسواق ؟؟؟
والا في واحد غيره ما اعرفه ؟؟؟
الشي المهم الثاني انا بصرف من هنا يورو لانه ارخص من هناك طبعا للمصروفات اليوميه ...هل استخدم في السوق كاش او استخدم فيزا ؟؟؟؟وكم يسحبون علي من الفيزا لو بشتري منها ...
يعني ياخذون زياده دوليه او لا؟
معليه اسألتي كثيره بس ابي ارتب كل افكاري قبل الروحه ...واسوي جدول بأماكني اللي بروحها ...
شكرا اختي

هلا عزيزتي
سيرفالي غير فوكس تاوون
سيرفالي موجود وانتي رايحة جنوة.......
اما فوكس تاوون في مدينة لوغانو وبالتحديد في مدينة مندريسو.....وهي مدينة سويسرية
انا رحت لاوت لت فلورنس بس حسيت انه عادي ......ضربت مشوار.....على غير فايدة
احسن اثنين.....م سيرفالي وفوكس تاوون
والله انا اشوف انك تصرفين يورو.....لصرفيات البسيطة والمشتريات المعقولة
بس اذا بتشترين شي اغلى...الكردت اريح بكثير.....وتراهم مافي زيادة الكثيرة,,,,,يعني ولا شي
بس لا تنسين تأخذين التاكس فري.....عشان تستفدين من المبالغ المرتجعة لك
وما عليك بأي استفسار.......اللي تبين تعرفينه.....اسألي وان شاء الله اجاوبك

شكرا الزعيمه....
اليوم ارسلت لعدد من محلات سيرفالي وقالو انه عندهم تخفيضات مره حلوه بصراحه بحدود 70 %
طيب لما اروح ميلان اطلع على اي باص او قطار عشان اروح سيرفالي؟؟؟؟ طيب لما اروح السيرفالي هل اتحمس واشتري من الدومو والغاليريا والا بس سيرفالي.؟؟؟؟؟
ومن اي مكان لاني بسكن ان شالله في الدومو.....
وفوكس تاون اروح له من لوقانو ؟؟؟
لاني بجلس في انترلاكن حدود اسبوع ؟؟؟يعني من وين اقرب اني اروح للفوكس تاون ؟؟؟
مع العلم :
اني بطلع من فينيسيا على لوقانو وبناخذ سياره ونتوجه على انترلاكن ان شالله
بس ما راح نوصل لوقانو الا تقريبا الساعه 5 او 4 العصر يعني مسكر كل شي
ويومنا هذا بيروح مشاوير بس.
الف شكر لك حبيبتي .....

هلا
الافضل الباص من القطار.....عشان اوتلت سيرفالي
الباص يوقف عند القلعة القريبة من الدوامو.....ممكن تسألين الفندق اللي بتسمنينه وين يوقف باص اللي يودي سيرفالي
وترا الباص يتحرك حدود 8 الصبح......
ويرجع على الساعة خمس العصر
بخصوص انك تشترين من سيرفالي او الدوامو.....ترا البضاعة غير مرة.....يعني اوقات تلقين بالدوامو ولا تلقين بسيرفالي
واوقات تلقين في سيرفالي ما تلقين في الدوامو....علة حسب البضاعة الموجوده......
الافضل انك تروحين لوغانو عشان الفوكس تاوون من ميلان اقرب بكثير........كلها ساعة بالكثير بالقطار
تروحين بدري الى محطة القطارات.....وتقصين تذاكر من جهة الرحلات الاوربية ماهي الرحلات الايطالية
شباك غير.....لازم تسألين بالضبط وين الشبك عشان ما يروح الوقت وانت تنتظرين مكان غير المكان اللي تبين تروحينه
بس اهم شي انكم تروحون بدري لان الصبح زحمه......قبل الرحله بساعة او اكثر.....
هذا المحطة القريبة من فوكس تاوون...........Mendrisio
المحلات تسكر على الساعة 7.....في سويسرا