تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نـواف الريـاض
25-07-2022 - 04:42 am
اليوم انا توني طالع من الجوازات ابي اجدد جواز زوجتي
وللاسف شافوا ختم تايلاند ومرمطوني سوو معي تحقيق بعد ماقعدت ثلاث ايام اطامر وعطوني موعد يوم الاحد عشان اخذ ورقة مراجعة لمديرية الجوازات اضافة للغرامة ويمكن يصدر منع من السفر مع العلم اني جددت جوازي قبل سنة بس ماددقوا كثيير
اليوم شفت معي ناس كثير صايرة لهم نفس المشكلة بسبب تايلند
نصيحة يا اخوان اللي راحو لتايلند جددو جوازاتكم بدري انا تكنسلت لي سفرة كانت بعد اسبوع بسبب اهمالي للموضوع ماتوقعت انه بهالجدية والله ماخليت احد ماكلمته ولانفع
نصيحة للي يفكرون يروحون : لاتسافر الا بتصريح عشان تستريح انا ماكنت ادري ان فيه تصريح ولا كان طلعت تصريح بس الحمد الله على كل حال.
السؤال الثاني : كيف يسمحون لوكالات السفر بنشر اعلانات السفر لتايلند بهالشكل ليه ماتنالها العقوبة؟؟؟؟


التعليقات (9)
دولي
دولي
هلا اخوي نواف ،،، والله يعينك
اذا تسمحلي وشلون تروح تجدد كذا بدون شي وخصوصا انك تقول كنت مجدد قبل ولا دققو كثير ( هم مدرو ولاانتبهو ولا كان صارلك شي )
الوضع الان يذكرني بالوضع بعد صدور المنع فيه تشديد على التجديد بسبب كثرة الناس اللي بدت تروح خلال 5 سنوات الماضية والاحراج اللي تتعرض له الجوازات
بالنسبة الى التصريح هذا موجود من اول ماصدر قرار المنع قبل 18 سنة تقريبا وعن طريق الغرف التجارية او عن طريق الامارة ولمرة واحدة فقط
اما حكاية الوكالات فهذي لها قصة يطول الشرح عليها
باختصار هم يعلنون بسبب كثرة الناس عليها وهم مالهم علاقة بالتصريح
تحياتي

نـواف الريـاض
نـواف الريـاض
انا جددت جوازي وخرمه لي بدون تدقيق قلت يمكن يمشي الوضع مع المدام لكن الشكوى لله
امر الله شق القربة الله يعوض علينا خير جعل في الامر خيرة وصالح شكرا على تعقيبك دولي

ليمونة حزينة
ليمونة حزينة
الله يكون في عونك
والله يسر لك السفره ان شاءلله

جامعي1
جامعي1
والله المفروض يكون فيه تنسيق بين مديرية الجوازات
ووزارة الإعلام بمنع نشر أي إعلان عن السفر لتايلند
وبعدين وش حكاية ذا التصريح وكيف يتم إصدارة؟

نـواف الريـاض
نـواف الريـاض
يقال انه يتم اصدارة عن طريق بعض الجهات المعنية ومن ضمنها وزارة التجارة او الغرفة التجارية في حال وجود نشاط تجاري

جامعي1
جامعي1
نواف الرياض
طيب لو ماعندي أي نشاط تجاري أعمله في تايلند
إيش الحل؟

نـواف الريـاض
نـواف الريـاض
جامعي1
مافيه الا التحقيق والغرامة وقد يكون هناك منع من السفر

الفارس@
الفارس@
الله يعينكم على هالاجراءات
لكن صراحه الشى اللى يقهر مكاتب السفريات اللى تغرى الناس بعروض تايلند وتوهمهم ان الوضع مسموح رسمى
شى يضايق صراحه

فيصل 340
فيصل 340
اه اه يا تايلاند عزالله ما يعذبك الا اللي تحبه
تستاهل تايلاند كل التعب هذا وانا باقي لجوازي 3 سنوات ان شاء الله يمديني اشبع منها
وبعدها عمرهم ما جددوا


خصم يصل إلى 25%