السلام عليكم
حبيت اكتب هلموضوع واحب اعطيكم رأيي بصراحه لأني أنصدمت من الوضع اللي شفته
بما أن دبي هي المتنفس الوحيد للأكثريه خلال هذا الصيف بصراحه مريت بمواقف ما مرت علي من قبل
وانا من المرتادين لدبي بأستمرار خلال الأجازات
أولا أنصدمت بفنادق ما كان يتواجد فيها النوادي الليليه وتصلح للعوائل وسكنت فيها من قبل وجربتها وقلت هذي مناسبه للعائله تفاجئة هلمره انه موجود فيها
الفندق أسمه جارنديور ( من قبل ما كان فيه نادي ليلي ) ومريت على الفنادق اللي حوله حبيت اغير الفندق وللأسف حصلت الأغلبيه فيها واللي ما فيها خدمتهم سيئه ما تتوفر عندهم خدمات
المهم رحت لفندق ثاني اسمه كاسيلز البرشا أنصدمت بعد فيه أهو للأمانه ما فيه لا نادي ليلي ولا بار
بس الشباب يدخلون وياهم بنات ( ما أحط في ذمتي شكل اللي في الاستقبال ماخذ بخشيش وساتر عليهم)
صعبه جدا وانت نازل وداخل بعاىلتك تحصل مثل هنوعيات
هذا من غير الأشخاص اللي كنت أصادفهم واهم بغير وعيهم بصراحه اول مره يتعكر جوي في سفره لدبي
معنن دبي أفضل وجهه لعائلتي من سنوات
الله يهدي الشباب ويبعدهم عن الحرام
سبب كتابتي لهذا الموضوع واتمنى من الاداره ما تزعل من الكلام اللي كتبته شي واحد
أتمنى انه تكون هناك رقابه مشدده على الفنادق اللي مايكون فيها مثل هذي السوالف واللي يخالف يعاقب
او تكون هناك فنادق لا تسمح بدخول او سكن مثل هذي النوعيات من الشباب مو كل الشباب لا والله الحق ينقال فيه شباب قمة الأدب بس هنوعيه من الشباب تسبب مضايقات لكثير من العوايل واكثر العوايل تتضايق من هلمواقف
هذا كل اللي عندي واتمنى محد منكم يزعل من وجهة نظري حبيت اعبر لكم عن الأوضاع اللي مريت فيها وان شا الله ما تمرون فيها
شكرا يا منتدانا الغالي
شكرا لكم يا مشرفين ويا اعضاء