ام ناااصر
22-08-2022 - 01:00 pm
السلام عليكم ورحمه الله وبركاته ....
بصراحه انا جدا محتاره ابغى فزعتكم الله يخليكم بصراحه مو عارفه فيين نقرر انا وزوجي فين نقضي شهر العسل ان شاء الله راح يكون سفرنا في بدايه نوفمبر وبصراحه احنا جدا محتارين
احنا حاطين في بالنا كم بلده وابغى رايكم في البلداان النمسا_سنغافوره_تايلاندا ابغى مساعدتكم الله يسعدكم يارب
واذا عندكم اي اقتراحات او اذا تشوفوا فيه بلدان احلى واحسن من اللى ذكرتها قولو الله يخليكم لانه بصراحه احنا جدا محتارين مو عاررفين نقرر وابغى بلدان حلوه تعرفووه هذا شهر عسل وصعب المغامره فيه اله يرحم والديكم
لانه بصراحه الوقت جدا قصير تعرفوا لازم نحجز والفنادق
(((الله يوفقك ويسعد كل واحد او وحده تساعدني ويدخله الجنه يار رب)))
عاد ما اتوقع بعد هذا الدعاء محد يرد ..
في انتظار ارائكم ...
ولكم جزييل الشكر
بداية نوفمبر راح يكوون بررد وتقريبا بداية تساقط الثلووج ..وبداية زوال ( اللون الاخضر ) من الطبيعة .. وبما انه شهر عسل فاعتقد ان الجو ماراح يساعادكم وراح يخرب عليكم احلى ايام العمر .. شهر العسل يبيله تمشيات وسعة صدر .. لكن البرد راح يضايقكم هناك .. واغلب النشاطات السياحيه مغلقة .. هذا غير كثرة تساقط الامطار اللي راح يخرب عليكم التمشيات ..
اعتقد انو شرق اسيا انسب لكم مثل سنغافورة او ماليزيا او بعض جزر تايلاند مثل ( ساموي ) .. لان بانكوك وفوكيت مع احترامي ( مقرفة ) .. والاجواء هناك استوائية ومناسبة مثل هالوقت .. خصوصا ان جوها راح يكون ابرد من الصيف .. يعني مناسب لكم .. وبرضو في منتجعات وجزر وبرامج في تلك الدول من احلى مايكون لشهر العسل ..
بالتوفيق ..