الله يحيك اخي الغالي ..
خذ نصيحة اخوك اقرأ جميع المواضيع في هذا القسم
وراح تلقى تنوع التجارب المفيدة
وانت سفرك لسا بدري عليه
يعني تقدر في خلال مدة طويله تكتسب خبرة كبيرة
كل تساؤل يجول في خاطرك راح تلقى تجاوب له
حتى لو كان مافيه شيء في بالك رتح تلقى المواضيع
الي تنبهك عن اشياء انت غافل عنها
والله يوفقك ويحفظك

تسلم اخوي خالد انا فعلا حاولت اقرا واجمع بعض المعلومات بس حسيت اني تهت اكثر لان الاراء كثيرة واغلبها عكس بعضها عموما شاكر لك مرورك يا غالي

شوف عزيزي,
أنا توني جاي من النمسا والمانيا من اسبوع تقريبا, تقريري بيفيدك ان شا الله من ناحية الجو بشهر 10, بس محتاج كم يوم علشان انزله,
بس بقولك الخلاصه بالنسبه للجو,
على الرغم ان كثير ماكان يمدح الجو في اكتوبر من ناحية برد أو ثلوج,
بقولك وجهة نظري الشخصيه,
أنا حمدت ربي الف مره اني جيت بشهر اكتوبر, وماجيت بالصيف..
لان في ايام كانت الشمس طالعه والشمس تضرب في المشي بالنهار, مثلا بفيينا في الدانوب
وملاهي براتر.. فما بالك بالصيف..
والجو بشكل عام فيه بروده, شهر اكتوبر خريف , خريفهم بارد..
بالنسبه لي افضل اسافر والجو بارد, احنا ندور البراد, ديرتنا مو مقصره معانا والحمدلله..
وأغلب الفنادق مافيها تكييف, يعني لو مسافر بالصيف مشكله..
وقت رحلتي من 11 اكتوبر إلى 27 اكتوبر
يوم واحد فقط صادف مطر وانا في سالزبورغ, كنت مخصص هذا اليوم لبحيرات سالزبورغ
ما استفدت شي من هاليوم لكن الحمدلله..
بالنسبه للثلج, الحمدلله لحقنا عليه يوم احد, واحنا متجهيين لزيلامسي.. يعني نزل يوم واحد.. وجد استمتعنا بالمناظر البيضا في زيلامسي لمدة يومين..
ثم بدأ يتلاشئ الثلج وطلع اللون الأخضر,
الجو كان جميل جدا ولطييف مع الملابس الشتويه, بالليل يبررد الجو, لكن بالعاده في الارياف الناس متجهه لبيوتهم من بدرري..
وكانت معاي بالسفر بنتي الله يحفظها عمرها سنه ونصف, عادي ملابس شتويه, وعربتها وكل شي تمام..
بالاخير عزيزي, لما تقرأ التقارير , تقرر بنفسك , اذا تفضل الاجواء البارده اللطيفه, شهر 10 مناسب, خصوصا انك من بداية شهر 10
واذا تفضل الجو الدافي بحيث انك ماتشيل معاك ملابس ثقيله, شهر يوليو مناسب لك, وحط بالاعتبار اغلب الفنادق بالمانيا والنمسا غير مكيفه..
أتمنى اني افدتك ولو شي بسيط,,
مع خالص تحياتي لك

اول شي الله يسهل لكم سفركم ان شاءالله
انا كانت سفرتي في اول شهر سبعه
فيينا كان الجو فيها مشمس وفي النهار كان حر بس احياناً يتغير الجو ويصير الطف
بس زيلامسي وكابرون كان الجو روعه
ويحتاج لها ملابس مو شتويه ستر للاطفال وجاكيت يكفي
كان معي ثلاث اطفال
وكانت الرحله ممتعه معاهم
وان شاء الله بزورها السنه القادمه بنفس التاريخ

شكرا ابو مريم شكرا الربيش وبانتظار تجارب الاخرين

عفوا اخواني واخواتي التاريخ الاول كان فيه خطأ والصحيح 1/6/2013 او 1/10/2013