حياك الله اخوي
الافضل تحجز الذهاب الى فينا والعوده من ميونخ
بالنسبه للسياره ما انصحك تستلمها من مطار فينا لانك داخل المدن لاتحتاج لها
الرتيب الافضل
فينا 3 ليالي
سالسبورق ليلتين
زيلامسي 6 ليالي
ميونخ 3 ليالي
بالنسبه للسياره الارخص تستلمها من فيرلاسنق بالقرب من سالسبورق
التسليم يكون اول ماتوصل ميونخ
او ممكن تستلم السياره اخر يوم في فينا وتسلمها في سالسبورق وبعدها تطلع بالقطار الى ميونخ
ملاحظه فينا مدينه جميله جدا وتستحق الزياره

المسافر الله يجزاك الخير لتجاوبك معي
حبيبي بخصوص السيارة لاغني عنها خصوصا معي طفلين وبيصعب علي التنقلات بالمترو والقطارات
انا ودي اعرف كم بياخذو علي مصاريف شحن لو اخذت السيارة من فينا وسلمتها بمطار جنيف
وهل الفيزة الفرنسيه بيعقدوني الالمان لو رجعت للديره من عندهم والا همهم بس الوصول
الله لايهينك ولايهين باقي الاعضاء
ابقى اخلص الامور بخصوص التذاكر
وياليت تعطيني البرنامج النهائي الوصول +الفنادق اللي تنصحنا فيها
فيينا بتاريخ 26_6 العودة من ميونخ 12_7

اخي الغالي ,,
بخصوص الشنقن الفرنسية اعتقد عادي انك تنزل في مطار فيينا لانهم مو مثل الالمان معقدين فأنا افضل الذهاب الى فيينا والعودة من ميونيخ .. مع اني افضل اكون نظامي عشان ما اخلي لأحد علي شي (يعني رايح النمسا اخذ التأشيرة من النمسا - رايح فرنسا اخذها من فرنسا وهكذا) لكن بالتوفيق ان شاء الله.
بخصوص السيارة اذا اخذتها من فيينا او من ميونيخ الفرق بسيط جدا وهذا من واقع تجربة حيث استأجرت سيارة من مطار فيينا وسوف اسلمها في مطار ميونيخ كانت الحسبة لمدة 15 يوم 5123 رياال من نوع MBW شامل التأمين ومقعد اطفال واحد والتسليم في مطار ميونيخ عن طريق شركة (سكست) .. وكما ذكر الاخ العزيز (مسافر نت) من قرية فيرلاسنق راح يكون اقل.
بخصوص البرنامج انا ارشح:
3 ايام في فيينا.
3 ايام سالزبورغ.
6 ايام زيل ام سي او كابرون.
3 ايام ميونيخ
ولك الاختيار.. وللمعلومية فيينا و سالزبورغ جميلة وتستحق الزيارة ..
بالنسبة للفنادق خذ لفة في بوكينج وقول لنا ايش لقيت وان شاء الله ما راح نقصر معاك
الله يسهل لك امورك يارب .. تقبل تحياتي