السلام عليكم ورحمة الله وبركاته
ابغى رأيكم في برنامجي الله لايحرمني منكم
عددنا سته أنا وحرمي المصون
وأولادي الأربعه الله يصلحهم
الوصول يوم الخميس 22/7 إن شاء الله
1- أول ليلة بفندق ميركوري انشول يوم الخميس 22/7
2- الحجز في سيروني 3 إذا فيه مجال يوم الجمعة والسبت 23-24/7
3-لو ماحصل سيروني لاقدر الله نشوف نوفوس وإلا بونشاك باس وإلا الزهور وإلا الياسمين اللي ترشحونه وسعره مناسب وفخم ويناسب الأطفال بنفس التاريخ السابق الجمعة والسبت .
ارشح نوفوس اذا ما وجدت بسيروني 3 او سيروني 2
او شف هلفندق من ترشيح اخوننا maf بسيط وجميل ومرتب حسب وصفه وغير مشهور للجميع
https://travel.maktoob.com:80/vb/travel397190-3/
4-الحجزفي فلة رايقة وفيها العاب اطفال ومسبح وحارس وكل اللوازم المهمة 3ايام الأحد والأثنين والثلاثاء 25-26-27
/7 في بونشاك
5- الحجز في منتجع جراسيا سبا أومنتجع ساري آتر ليومين الأربعاء والخميس 28-29 /7
ارشح ساري اتير لوجود فعاليات تناسب الاطفال فيه
6-الحجز ثلاثة أيام في باندونق في استون باندونق براغا أوجراند ستبيود الجمعة والسبت والأحد الموافق 30-31-1/8
شقق باندونق بيفيدونك عنها الشباب افضل مني ممن جربها
7- الحجز ثلاثة ايام في استون مارينا الإثنين والثلاثاء والأربعاء 2-3-4/8
اذا ناسبك ميركوري اول يوم ارجع له لان فيه مسبح للاطفال
وش رأيكم تكفون
آمل منكم طرح رأيكم وتعديلاتكم لاعدمتكم وأنا بإنتظاركم وكلي شوق لكم
محبكم ابورغودي......
الله يصلح لك ابنئاك يارب ورحله موفقه اخوي
تنبيه الفنادق معك اربع اطفال اعمارهم مهمه قبل الحجز عشان تعرف مقبول سكنهم معكم او تاخذ سويت روم او شقه بارتمنت

اخوي نصيحه خذها مني ليش في بانشاك تسكن فندق احسن خذلك فله والله وناسه كمان انت معاك ماشاء الله اربعه الله يخليهم لك ويصلحهم ليش تحشرهم في غرفه بالفندق احنا كان معانا طفل واحد وفي الجبل سكن فله صفيره والله وناسه فيها العاب ومسبح للاطفال

كلام اخونا عسل صحيح , المجمع افضل بالنسبه لعددكم
واذا كنت ناوي تسكن في سيروني ابعد عن سيروني 3 لان في منطقة عمل شغالين فيها تحت الغرف بالضبط ومزعجه جدا يعني سيروني 2 افضل ويبقى الاختيار لك
تقبل تحياتي

حبيبي jaka أشكر تواضعك بالرد والرابط يبدو أن فيه رد كافي شافي
وفقك الله
الله لايحرمني منكم
محبك أبورغودي

اخوي عسل الله يوفقك وأشكر ردك بس ممكن أسأل وين سكنتوا بالجبل ؟ هل هي فلة خاصة أو مجمع ؟
محبك ابورغودي

أخوي نحول 2010 مرورك ومشاركتك شرفتني وأسعدتني الله يوفقك ويسعدك ..
محبك ابورغودي

أحبابي السفرة قربت
وأتمنى تفيدوني برأيكم بالبرنامج النهائي وسعر السكن :
اليوم الأول شقق بوري كازابلانكا عدد 3 غرف 584 ريال في اليوم مع الإفطار ( وش اميز الأشياء والمعالم القريبه منها عشان نميل عليها)
اليوم الثاني والثالث فندق سيروني 3 غرفتين جونيور 792 ريال في اليوم مع الإفطار
اليوم الرابع والخامس والسادس فلة خاصة بالجبل
اليوم السابع والثامن منتجع ساري اتير في لمبانق غرفتين 680 ريال في اليوم مع الإفطار
اليوم التاسع والعاشر والحادي عشر في باندونق براغا غرفتين 575 ريال في اليوم مع الإفطار
اليوم الثاني عشر والثالث عشر والرابع عشر شقق استون راسونا ثلاث غرف 396 ريال في اليوم مع الإفطار
( أيضا ً وش أميز الأشياء والمعالم القريبه منها عشان نميل عليها )

ثم أستفسار آخر :
هل الخطوط السعودية تشترط وزن محدد لكل قطعة
بحيث لايتجاوز 13 كيلو للشنطة أم أن الوضع كما هو لم يتغير واجمع كل عفشك في شنطه
؟؟
اشكركم سلفاً واتمنى لكم التوفيق وبإنتظاركم ياغاليين .......
محبكم ابورغودي

للرفع للخبراء ماشوف أحد ؟؟

ابورغودي
بالنسبه لاسعار الفنادق اشوفها مرتفعه شوي اذا حاجز عن طريق احد الاشخاص جرب الحجز من النت راح تعرف الاسعار واذا كان حجزك من النت اتصل او راسل مكتب كاها مع العلم بأن كاها لايتعامل مع فندق سيروني.....
عند الحجز لبوري كاز بلانكا وأستون راسونا اطلب بالشقق الغير مطله على المقابر