عن طريق الرير A او الخط رقم 1 الأصفر

الوصول للاديفانس على المترو رقم واحد الاصفر وهو نفس امتداد خط الشانزليزية يعني تركب من الشانز بنفس الخط وتوجد بالاديفانس محطتين الاولى من ناحية الشانز هي اسبلاند لاديفانس وهي المحطة قبل الاخيرة بالاديفانس والمحطة الاخيرة هي محطة اللاديفانس تنزلون على طول في مول اللافيدانس وهالمحطة هي الاخيرة ومحطة كبيره فيها مكان تسوق اكثر من رائع وكذلك فيها Rer محطة القطارات

العفو ,,,,,
وحاضرين باللي نعرف

أنا أمنيتي أستوعبت هالاشياء حقت المترو ههه

fofita
المترو سهل جدا ولو عرفتوة ابد ماتهدونة , انصحكم اخذ خريطة المترو من اي محطة مترو وتمعنوا فيه عدل ودشوا غوغل ايرث وحطوا بخيارات المواصلات المترو او السوب واي راح يبين لكم اقرب مترو تحتاجونة ويبين رقم المترو

ابو فواز: اي افضل السكن قريب من المحطة اسبلاند او المحطة الاخيرة الالديفانس؟

Paris Hilton
الأفضل اسبلاند لاديفانس لانها عالنهر وتقدرون تاخذونها مشي للشانز لو تحبون المشي وهو امتداد شارع واحد من محطتكم للشانز لايسار ولايمين ومتوفر فية سوبر ماركت عربي كبيرفية كل اللي تبون حتى الفيمتو حصلتة عندة ومن تطلع من المحطة للمول اللي فية المحطة الاخيرة لاديفانس مكان من اجمل اماكن باريس اللي هو من محطة اسبلاند لاديفانس الى محطة لاديفانس مكان تحفة وواسع وكلة نوافير لغاية وصولك للمجمع تلقى مساحة واسعة وقوس النصر الجديد وهالمكان اللي مثل فية مستر بن فيلمة
اذا لقيتوا سكن قريب من لاديفانس هم حلو وممتاز لو سكنتوا بعمارة مجاورة تماما للمجمع اسم هالعمارة غامبيتا متوفر فيها شقق للعرب

يعطيكم العافية انا من خلال بحثي بالمنتدى عجبني اللاديفانس وقررت اني أسكن فيه لأني مااحب التجمعات والزحمه انا ناوية احجز بنوفيتيل اللاديفانس ياليت تفيدوني بالأماكن اللي حوله ومنطقة الفندق نفسها كويسه تكفون قبل لا احجز ؟