وعليكم السلام ورحمة الله وبركاته
مرحبا فيك أخوي برشلونة , أنا بجاوبك على سؤال واحد بس والباقي على خبراء لندن , أنا كنت في لندن قبل شهرين وكنا احنا اربع اشخاص ومعنا ثلاث لابتوبات ولا حد سألنا وشفيها , وكنا شايلينهم في يدنا , ان شاء الله أمورك سهالات , توكل على الله وسفره موفقة بأذن الله .

رحلة موفقة جدا
بخصوص اللابتوبات ماهنا شر ان شاء الله
الجو ممكن تشيكون من موقع http://news.bbc.co.uk/weather/forecast/8
بس في الغالب الجو بارد وحلو جدا جدا ...والامطار لابد موجودة
الافضل من بعد 9 تحاولون ماتظهرون ...واذا صار خلوها لااماكن رئيسية وشوارع معروفة
ولاتردون على احد ...وفي الويكند ابتعدوا عن الزحمة والحشرة
موفقين يارب

حبيبي مثل ماتفضلوا الاخوان
اللاب توب عادي جدا
اوقات الخروج على حسب المكان اللي تروحونه لكن حاول تبعد عن اي شخص يسئلك ماوراهم الا المشاكل
الجو راح يكون بارد

برشلونة ..
أهلن بيك ..
أنا كنت في رحلة عمل للندن ورجعت قبل أيام ودائم السفر لهذه البلد وترددي عليها يصل إلى 5مرات سنوياً !!
بالنسبة للسؤال الأول : مافي أي مشاكل على اللاب توب أبداً لكن في حال حبو انهم يغلسو على أحد أنا أنصح
أنك على الاقل تغير نسخة الوندوز إلى نسخة أصلية مع العلم اني ما اعرف احد قد كلموه إلاشخص واحد !!
السؤال الثاني : الجو متقلب جداً وهو بين بارد إلى شديد البرودة وأمطار تصل إلى قوية جداً والأجواء الان في
المملكة المتحدة متقلبة لابعد الحدود وفيضانات مائية في المدن الشمالية أدت إلى كوارث كبير وتقدر تراجع
الاخبار .
لكن لندن هادئة جداًً .
السؤال الثالث : رؤيتي الشخصية ان لندن من البلدان الآمنة حيث توجد كاميرات في جميع شوارعها واحيائها
وبها نسبة أمن عالية وزي ما قالو الاخوان تجنب الاماكن الشعبية والأزقة الضيقة وزحمة الباصات والقطارات !!!
واذا معاك حريم ياخذون بالهم في الزحمة على الشنط !!
وإذا انكم شباب ان شاء الله ما عليكم مشاكل بس لاتمشو بالجوازات ولا بمبالغ مالية كبير وخل معك اي هوية
او بطاقة عليها صورتك ومعلومات بالغة الانجليزية في حال لاقدر الله احد سألك راح تكفيك مؤقتاً..
وانتبه من الكلام مع القصر (( ما دوون سن 18 )) تراها جريمة فدراليه ابعد عنهم ولا بالمزح لانها ممكن تتبلى عليك
وتروح فيها ...
هذه نصايحي لك وسفره موفقه ..

ما توقعت لندن أمنة لهالدرجة ما شاء الله
كنت احسبكم بتقولون اذا غابت الشمس لعاد تطلع
مشكورين جدا جدا

رحلة موفقة واي استفسار ابشروا به

هلا قطر يعطيك العافية
عندي استفسار و اتمنى تفيدني فيه
عندي كورسين في لندن ورا بعض و ابي فندق قريب من موقع التدريب و يكون سعره معقول
الكورس الاول و هو المهم عنوانه التالي ..
ExCeL London
Entrance N5 1Western Gateway
Royal Victoria Dock
London E16 1XL
United Kingdom
و الكورس الثاني عنوانه
Kingsway Hall Hotel
6Great Queen StreetLondon
WC2B 5BX, UK
ابي اعرف المسافة بين العنوانين كبيرة ؟ لاني ودي اسكن جنب الاول و بعد ما يخلص اصير اروح للثاني من نفس الفندق بدون ما انقل لفندق ثاني خصوصا اني احب المشي ؟؟
والا تنصح اسكن جنب الاول وبعد ما يخلص انقل لفندق جنب موقع الكورس الثاني !!
و اكون شاكر لك لو تعطيني اذا فيه فنادق جنب موقع الكورس الاول
و شكرا مقدما

سؤال ثاني بالله
فيه احد عنده فكرة عن .. تجربة فقدان الجاذبية .. في لندن
بحيث تدخل نفق او غرفة معدومه فيها الجاذبية !! سمعت عنها بس عجزت احصلها

برشلونة 2006
ايه هذا بغيت ادخله على ما اعتقد قيمته بحدود 45 باوند بس ما حصلت التجربة
ابحاول ادورلك العنوان في بيتي لاني الان في الدوام
او اذا ما لقيتها لك راح تلقى هذا العرض في الخريطة الخاصة بلندن تلقى اغلب الاماكن السياحية مسويه اعلاناتها
اتمنى لك التوفيق