°•. التخطيط .•°
بصراحة الرحله كانت بدون أي تخطيط مجرد فكره راودتني لما حسبت اجازة اليوم الوطني لمملكة البحرين
واللى صادفت 5 ايام مع الويك اند
وطرحت الفكره لقريبتي اللى عندها صديقه كويتيه من زمان
وكم مره تعزمها على الكويت ولا تروح

°•. يوم السفر .•°
مثل ما قلت لكم رحت صرفت وبالغصب لقيت 100 دينار كويتي

جهزنا جوازاتنا وتذاكرنا

هذي التذكره

موعد الاقلاع الساعه 6 وثلث المغرب ف رحنا المطار الساعه 4 ونص
كان زحمه بس الاجراءات سهله وسريعه
خلصنا الاجراءات ورحنا المصلى نصلي المغرب واخذنا لفه سريعه على سوق الحره
واتجهنا لكراسي الانتظار عند البوابه لين حان موعد الصعود
بصراحة كنت خايفه ان الرحله تتأخر حسب ما قريت هنا بالمنتدى عن الخطوط الكويتيه
لكن الحمد لله اقلعت على الموعد بالضبط
وكانت معنا بالطياره امل عباس بطلة مسلسل شر النفوس
طبعاً ما قدرت اصور شي بالطياره لان الموبايل مطفي
ووصلنا مطار الكويت الدولي الساعه 7:10 وانا كلي شوق اشوف الكويت
لكن اكره ما بالموضوع ان انتقلنا بالباص من الطياره لين صالة الوصول
كان معانا شايب دخل على آخر الوقت مع بنته والباص مليان واغلبنا واقفين
ولا احد من اللى قاعدين تبرع له يجلس مكانه !
بصراحه كسر خاطري وظليت طول الوقت عيني عليه ماهو قادر يتزن بالوقفه
ودخلنا المطار صالة اجراءات الوصول واستلام العفش وانصدمت من المنظر صراحه قلت هذا مطار !
بس اتضح لي العكس لما وصلنا صالة الاستقبال
الاجراءات كانت بطيئه مع اننا اول ناس واصلين وواقفين بأول الطابور
لا والكمبيوتر عطلان والبنت مو عارفه له وكل شوي يمر عليها احد يطقطق ويمشي مو عارف له
واللى قاعده يمها على الجهاز الثاني تدور على اللى بيده جواز كويتي من صفنا وتمشيه !!!!!
وبعد طول انتظار فتحوا لنا صف ثاني ومشينا ..
استلمنا الشنط وكانت باستقبالنا الصديقه العزيزه اللى من شفتها انشرح قلبي
تهلل وترحب حي الله من يانا تو ما نورت الكويت
يا حليلها والله طول الوقت ترحب بنا من وصلنا المطار لين ودعتنا
زين البحرين تتمنى لنا إقامه سعيده
زين الكويت ترحب فيني
البيت اشوا كان قريب من المطار تقريباً 10 دقايق او ربع ساعه
وانا اللى كنت حاطه ببالي ان المطار بآخر الدنيا
وصلنا البيت على الساعه 8 وربع وكان العشا جاهز مما لذ وطاب وطبعاً استحيت اصور

°•. اليوم الأول الخميس 17 ديسمبر 2009 .•°
صحيت من النوم الساعه 9 والا اسمع صوت الجماعه يسولفوون
هذا وانا اللى حاطه ببالي بقوم اول وحده فيهم
توني بتحرك من السرير والا يا حليلها داخله بالبخوور مع ذيك الابتسامه اللى تحسسك بالتفاؤل ما شاء الله عليها
غسلت وجهزت والا هم ينتظروني بالمطبخ على الفطور مع صوت المطر " وجهنا خير على الكويت "
وكان هذا فطورنا

نخي وباجله (اكلات شعبيه) واجبان انواع وكل الخير
وذاك الشاي اللى عمري ما ذقت مثله شي عجيب ما شاء الله
على طاري الشاي اول ما قعدت قالت لي اصب لج حليبه ؟
قلت لها لا ماحب اشرب حليب .. قالت انا بصب لي
والا اشوفها تصب شاي حليب ! قلت لها الحين هذا شاي تقولين حليبه
بعدين تذكرت المسلسلات الكويتيه كل يقولون تبين حليبه الحين فهمت قصدهم يعني شاي حليب ههه
وهذا النخي اللى طحت فيه طيحه هناك مع انه موجود عندنا وقليل آكله

على طول بعد الفطور تجهزنا واستعدينا للطلعه وقالت وين تبون تروحون ؟
قلت لها لازم الافتتاحيه تكون بالافنيوز خل نشوف هالمجمع اللى يمدحون فيه
وهذي صوور من الطريق من منطقة الروضه لين منطقة الري حيث الافنيوز :02yju:
على فكره هو بمنطقة الري والا الشويخ ؟ اشوف الآراء مختلفه على المنطقه !






الشوارع شرحة ما شاء الله وكلها اشجار وزرع .. تفتح النفس






وبانت لنا لوحة الافنيوز .. والحلو ان بعد كل عدة امتار تلقى نفس اللوحه


وهذا الافنيوز ما شاء الله كبير ويقولون أكبر مجمع بالشرق الاوسط بس هم دبي مول قالوا عنه نفس الكلام !
المول يقع على طريق الدائري الخامس
تلفون: 2259 7777 (965+)
الموقع على الانترنت: http://www.the-avenues.com/home.html












الباركات .. كان الوقت نهار والناس خفايف

بعض المحلات اللى بالافنيوز:
BHS
Go Sport
بيكوكس
ايفانز
اثلتيك فوتس
فافافوم
نيو لوك
بن شيرمان
باباز ماماز
توس
فولار
ديموزيل مرياني
بروي
الدو
نيكست
جيس
H&M
كلاركس
بريشكا
اويشو
دبنهامز
ناين ويست
مذركير
بوتس
المطحنة الدولية
الشايع للعطور
بودي شوب
كات ووك
كارفور
ماك
ريفر ايلاند
زارا
فيفث
ميلانو
قاب
توب شوب
مورقان
forever21
زارا هوم
دبنهامز هوم
شوارفسكي
اكسسريز
مونسون
لاكوست
كوست
اون تايم
اويسس
دورثي بيركنز
مانجو
سيكرت وومن
ايكيا
الغانم للالكترونيات
كليرز
ليمتد تو
واليس
برنسبيلز
سلريز
البيت المغربي
بوا اند شيفون
ذي ون
زون
السرحان للاحذية
ايكو
اراوند ذا ورلد
موا
آي سيتي
اجمل
المرشود
وجوه
اوريجيم
داماس
سلفراما
سواتش
فولي فولي
تك تك
آدم
بوجي
سيليو
مان مودا
آلكوت
برومود
بيرسونا
تشارليس اند كيث
توم تايلور
جينز ويست
سترادي فاريوس
سفيرا
سلسا جينز
سولاي سكري
ستاف
زانكا
رينيه ديرهي
فات فيس
فرينش كولكشن
كمايو
لاسنزا
مكس
فوت لوكر
بوسيني
اتوال جينز
بنانا ريبابليك
لي دي هاردي
اكستين
بول اند بير
جيوردانو
فيرامودا
ماسيمو دوتي
بيرل للنظارات
سن جلاس هت
شركة المستقبل للاتصالات
وعندكم موقع المجمع فيه خريطه تفصيليه للمحلات والمطاعم




أول شي رحت محل الوطنيه اشتري خط
ومثل ما قلت لكم سعره 5 دنانير وفيه رصيد 5 دنانير
المطلوب عند شراء الخط البطاقة المدنيه انا شريته باسم الحرمه
بس ماادري بالنسبة لغير الكويتيين تمشي بطاقاتهم او لا


وكملنا تمشية وكانت اغلب المحلات عندها تخفيضات حلوه




ودخلنا المطحنة الدوليه تقول الحرمه ان احسن المكسرات عندهم
وصراحه المحل باين عليه .. شريت لي حب شمسي مقلي مقشر ب 500 فلس

عجيب تحسفت اني ما شريت اكثر بس كنت اجربه


ودخلنا ايكيا هالمحل اللى اموت فيه بس للأسف ما فتح عندنا في البحرين
اتعنى له السعوديه بالظهران او اذا رحت الامارات
شريت اضاءات وابجورات ناعمه وخرابيط وانا احاتي شلون بوديهم البحرين

طلعنا من المجمع على الساعه 1 وشوي ورحنا خذنا قريبة الحرمه تتغدا معانا




سوق الغنم
ذكرني بمسلسل حياة الفهد الشريب بزه ههه




وهذولي اعلام دول الخليج اللى كانوا الحكام سابقينا بيوم واحد بمؤتمر دول مجلس التعاون " قمة الكويت "
عاد يقولون كانت الشوارع ذبحه وبرواية أخرى زحمه هم مشوا الثلاثا واحنا وصلنا الاربعا اشوا ما لحقنا



رجعنا الروضه ناخذ قريبة الحرمه مثل ما قلت لكم

هذا دليل قطع منطقة الروضه .. عجبني تنظيم المناطق بهالدقة ما شاء الله

لا واللى بهرني اكثر الجمعيه التعاونيه اللى فيها كل شي
من خبار وكافتيريات ومطاعم ومغسله وكواي ومستوصف وحلاق وصالون نسائي وكل ما يخطر على البال
احسن من البرادات او البقالات اللى محذفه عندنا بكل شارع ومنطقه وبين البيوت
والمطاعم على بيزه كأن الناس ما عندها مطابخ تطبخ من كثرة هالمطاعم

المهم اخترت مطعم ميس الغانم اللى اختي ذبحتني عليه
موجود بشارع الخليج العربي قريب من أبراج الكويت
وهذي صور من الطريق
هذا البرج ماعرف اسمه بس الحرمه تقولي يسمونه برج نجوى فؤاد لان شكله يرقص ههه

الظاهر هو برج التحرير اللى امس حليمه بولند تأشر عليه من ابراج الكويت

هذا قصر دسمان وهو قصر الشيخ جابر الاحمد الصباح رحمة الله عليه

شارع الخليج العربي

مطعم ميس الغانم

ابراج الكويت من باركات المطعم
الزحمه مو طبيعيه عليه توقف سيارتك عند الباب والموظفين ياخذونها

مدخل المطعم .. وهو مطعم لبناني
رقمهم: 22251155 (965+) - 22402590 (965+) - 22460455 (965+)
موقعه على الانترنت: http://www.maisalghanim.com
طريقة الوصول للمطعم:
المدخل

المطعم كان فل بس من حظنا فيه ناس قاموا واحنا قعدنا مكانهم
واشوا الفيوو على البحر

ضيافة المطعم
خبز مقلي

مخللات (طرشي)

المينو

واللى يحب يشوف المنيو كاامل من خلال هالصفحة
http://www.maisalghanim.com/Dine-In-Menu-Arabic.pdf
طلباتنا
سلطات انواع يونانيه وفتوش وعاديه وسلطة زبادي وحمص وتبوله وخضار وفلافل وورق عنب
وشوربة كريمة الدجاج وبطاط حار وبابا غنوج وسمبوسة وفطاير ماخلت شي من المقبلات ما طلبته

وطلبنا صحن مشويات مشكله بس كنا شبعانين من المقبلات
لكن ذقت المشويات وبصراحه وايد لذيذه وفررش
عاد ب هالوقت اشتغل عرق النذالة ودقيت على اختي اقولها ما ودج بصحن مشاوي من ميس الغانم

هذي صور المطعم من النت لان ماقدرت اصور من الزحمه

وفيه العاب اطفال عشان تريحون راسكم شوي

هذا مشروع متحف .. يصير بعد قصر دسمان على ما أذكر

وهذا سوق السمك

لفينا شوي بالسياره

نزلنا على البحر بس ذبحنا الهوا ورجعنا السياره ..

مجلس الامه

شاطيء الشويخ

بيت السدو

بعدها رحنا سوق المباركيه نشرب شاي عند قند سهيل
سوق المباركيه هو سوق تراثي قديم يقع في وسط الديره ومتفرع لعدة اسواق
سوق الحريم ، سوق السلاح ، سوق اللحم ، سوق الذهب ، سوق الخضار والفواكه وغيرها
فهذا السوق يزخر بأنواع وفيرة من اللحوم والاسماك والمواد الغذائية والاستهلاكية والحلويات الشعبية
والتمور والعسل ومحلات العطارة والملبوسات الرجالية والنسائية والاكسسوارات
والسلع التراثية والتحف والخزفيات والتذكارات وكلها بأسعار مناسبة
كما يوجد داخل السوق العديد من المقاهي الشعبية والاستراحات
والمطاعم صممت على طراز القديم وتقدم مأكولات ومشروبات شعبية.
الاجواء حلوه بالقعدات الخارجيه تشوف رجال وحريم وكبار وصغار كلن بحاله
وبعدها خذنا لفه سريعه على السوق بس للأسف ما قدرت اصور لان الجارج خلص وطفى موبايلي
خليته يشحن بالسياره حق باقي المشاوير ..
بعدها قالت قريبتي قايلين لها عن مجمع المعلم ان عنده مواعين حلوه ورحنا نشوفه
المجمع بمنطقة حولي وهو مجمع صغير وعادي المواعين عنده تهبل اشكال والوان
وباقي المحلات عاديه ملابس بيت وجلابيات وبجامات واكسسوارات ..
هذي صور الطريق من سوق المباركيه لين حولي ..

هذا المجمع

من داخل ما قدرت اصور غير هالصوره

بعد كل هالمشاوير قررنا نتعشى شي خفيف واخترنا النخي والباجله ههه
وفرصة قالت لنا الحرمه بوريكم شلون يطبخون النخي
ومرينا الجمعيه نشتري .. هذا النخي يحطونه بعلب بلاستك سعر العلبه 200 فلس
اما احنا عندنا يحطونه بكيس نايلون وال 100 فلس تسوي قد هالعلبتين :01xw5:

هذي الباجله

وهذا يسمونه آش وهو مصطلح إيراني يعني خضار مشكلة
انا وقريبتي قعدنا مده نصنف على الاسم
وبعدين يوم شفناه عرفنا ان عندنا يسمونه شلّه بس ما ينباع يسوونه بالبيت
وصراحة انا اول مره اشوفه كنت اسمع عنه بس واخذنا 1 نجربه

شوفوا شلون يطبخونه يوم شفناهم تعجبنا خ
الاساس من طابوق وداخله يصير الجدر على قد الفتحه بالضبط وما يبين غير الغطى
ياخذ له 8 ساعات بالطبخ ولو تلاحظون فيه جدرين بالزاويه هذا يطبخه من الليل حق الصبح لانه ياخذ وايد وقت
اما احنا عندنا يطبخونه عادي على جدر بدون هالاساس ..

وهذا النخي

وهذا عشانا مثل فطورنا

°•. اليوم الثاني الجمعه 18 ديسمبر 2009 .•°
هاليوم ضاع علينا لان معزومين على عرس ولا نبي نتعب برى البيت
قلنا بنخليها راحه ونذوق اكل البيت
عاد انا عندي صديقه كويتيه من كم سنه متعرفه عليها بالنت واتفقنا نتقابل بالكويت
قلت لها تتغدا عندنا يوم الجمعه لان ما بنطلع قالت لا بمر الصبح ..
قمت الساعه 9 تجهزت واستعديت وانتظرتها على الفطور ..
وهذا الكيك يابته معاها من برد توك

وهذا غدانا جبسة دجاج على فقع يا ويلي اموت بالفقع :0f4cw:
والاكل لذيذ لذيذ صج ما شاء الله فنان الطباخ
شوربة خضار وسلطه ومحشي ملفوف

وهذا الدقوس الكويتي اللى نسمع عنه وأخيراً شفناه وذقناه ومعاه مخللات

هذي شوربتي :0d5kv:

وهذي السمبوسه شغل بيت عجيبه " على بطاط وخضار "

وهذا العيش :0f4cw:
لين اليوم وانا اتشهى فيه وخاطري اذوقه مره ثانيه :01xw5:

°•. اليوم الثالث الجمعه 19 ديسمبر 2009 .•°
اليوم قلنا بنروح مجمع الكوت بالفحيحيل على الغدا
مجمع الكوت هو احد اكبر المشاريع في منطقة الفحيحيل حيث يقع مجمع الكوت الى داخل البحر بتصميم متميز مأخوذ من فن العمارة الاسلامية العريق، ويشمل الرصيف الشمالي محلات للبيع بالتجزئة في مزيج عصري مبتكر مع اربع دور عرض للسينما مجهزة باحدث التقنيات الصوتية والمرئية، في حين يحوي الرصيف الجنوبي مجموعة من الاسواق للسمك والخضار والفاكهة واللحوم بالاضافة الى سوق مركزي.
خذنا الجماعه ومشينا على الساعه 1 وشوي
وهذي صور الطريق من محافظة العاصمه إلى محافظة الاحمدي

وبعدها رحنا الساحة الخارجيه وهي احلى شي بالمول
اجواء رهيبه ومطاعم ولها جلسات على البحر

اخترنا مطعم سلك اند سبايس " هندي "

ورحنا للقعدات داخل المطعم لان معانا صغيره برد عليها

جزء من المنيو

طلباتنا بس لحد يسألني عن اسمها لان ماعرف

هذا برياني لحم واللى بآخر الصوره برياني خضار

بصراحة المطعم عادي يمكن أحلى شي من اللى طلبناه هو البرياني
طلعت اصور النافوره

وطلعنا من المجمع ..

هذا ستار بكس موقعه خطير

سنتر بوينت قريب كلش من المجمع

بعدها قلنا نروح السالميه ..

ديوان الدبوس

المقهى الشعبي

وزووم على لوحة مدينة الكويت :02yju:

مطاعم

لفت انتباهي اسم المستشفى

وهذي شاليهات

وهذا قصر الامير الشيخ صباح بالسالميه

فندق موفنبك

شارع البلاجات

شارع الخليج العربي

معهد الكويت للأبحاث العلمية


ووصلنا للمارينا كرسنت

تتكون من عدة مطاعم وكافيهات على الجهة المقابله للبحر ويربط بينها وبين المارينا مول جسر للمشاة
المطاعم والكافهيات :
ستاربكس
جوكليت بار
كرسبي كريم
كوستا
هاجن داز
كاسبر اند جامبينيز
زعتر وزيت
فرايديز
جوني روكيتس
اشاز
توتلي فيش
كافيه بلان
بيلا
وبعدها رجعنا البيت نرتاح ..


بعدها قلنا بنروح سوق العثمان بحولي
محلات المجمع عاديه والاسعار متفاوته فيه اللى ب 5 وفيه اللى ب 50 دينار

ماخذنا وقت بالمجمع بعدها طلعنا نشتري خبز وهالمره خذناه من الفيحا