دانة امها
15-11-2022 - 08:12 am
السلام عليكم ورحمة الله
راح ازور الكويت الجميلة قريب ان شاء الله
ابي اعرف شنو احسن منطقة وشنو احسن شقق مفروشة نظيفة وسعرها متوسط
والاسواق ولو تعرفون محلات بعينها للدراريع وللمواعين والشكولاتات ياليت ياليت ياليت تحكون بالتفصيل
راح ازور الكويت الجميلة قريب ان شاء الله
حياج أختي دانة امها بالكويت بلدج الثانية وراح تنورينها إن شاءالله
ابي اعرف شنو احسن منطقة وشنو احسن شقق مفروشة نظيفة وسعرها متوسط
أحسن منطقة هي السالمية لأنها عند أغلب المولات و بوسط الكويت
والشقق الفندقية
شقق الفندقية بودل & ريتز السالمية & سارا بلازا
هذول أسعارها مناسبة ونظيفة وإن شاءالله يفيدون باقي أخوانا
والاسواق ولو تعرفون محلات بعينها للدراريع وللمواعين والشكولاتات ياليت ياليت ياليت تحكون بالتفصيل
بالنسبة للمولات
منطقة السالمية وبالتحديد شارع سالم المبارك كله مولات ومحلات ومطاعم متفرقة
والمولات
( مارينا مول ) متوسط
الزهرة ( ماركات )
الثريا ( ماركات )
الفنار ( متوسط )
وماركس أند سبنسر
سنتر بوينيت
h&m
العاصمة
سوق شرق متوسط
البلوكات ( سوق للأقمشة و خياطين نسائية ومحلات تبيع الدراريع جاهزة و محلات كلف + محلات أقمشة رجالية )
الصالحية ( ماركات )
الراية ( ماركات )
سوق المباركية ( سوق تراثي + سوق الذهب + محلات مواعين كويتية + جلويات كويتية )
الأفنيوز ( مول المتوسط والماركات و ترفيهيى )
الأحمدي
منطقة الفحيحيل ( هي عبارة عن مجموعة أسواق إقتصادية فيها كل لوزام العائلية + 3 مولات بس صغيرة وهم مجمع أجيال وهو قدامة أسواق الفحيحيل الإقتصادية & مجمع الكوت على البحر & مجمع المنشر قبال الكوت )
منطقة أبوحليفة مول كويت ماجيك ( متوسط )
منطقة المنقف صالة الروضان فيها معارض نسائية لمشاغل الدراريع والإكسسوارت والمكياج )
الفروانية
سوق العربيد ( سوق مخصص لخياطين الدراريع والعبي والملافع )
فيه منطقة الضجيج محل مخصص للأواني المنزلية وأسعاره مناسبة أسمه دومو
ومحلات الشوكلاته
إن شاءالله باقي أخوانا يفيدون
ورحلة موفقة بإذن الله