نشر في بريطانيا

القطري وينك عندي سؤال مهم والله

غزاله نجديه

27-01-2022 - 10:51 am

والله مالي غيرك في هالبوابه البركه بكل الاعضاء والمشرفين لكن والله انت الوحيد اللي تجاوبني وتبرد قلبي بسرعه حبيت اسألك انا راح اسكن في ذيستل الماربل ارتش كيف اول ما اوصل المطار اركب الاندرقراوند وأوصل الفندق ؟؟؟؟؟؟ ومشكور مقدما على الرد والله يطول عمرك يارب ويسعدك ويهنيك يالمنقذ

التعليقات (9)

بورمث

27-01-2022 - 01:34 pm

اهلين ..
تاخذين قطار Heathrow Express من مطار هيثرو لمدة تقريبا ً ثلث ساعه
و يوصلكم إلى بادنقتون ستيشن وبعدها تاخذين الاندرقراوند إلى موقع سكنكم في الماربل ارتش
بالتوفيق ،،

غزاله نجديه

27-01-2022 - 02:35 pm

بورمث
مشكور والله وماقصرت عز الله انك المنقذ نمبر 2 روح الله يوفقك يارب بس عندي بعد سؤال ؟ كيف الاندر قراوند يوصلني للماربل ارتش؟ محطه الاندرقراوند موجوده بجانب الفندق او بسرداب الفندق(نفس فندق الهوليداي ان اللي بميونخ اذا تعرفه)؟ ؟ او يعني انزل من الاندر قراوند واصعد فوق الاقي الفندق على طول ؟؟؟؟؟

القطري

27-01-2022 - 03:36 pm

بورمث
السلام عليكم
هلا وغلا الغالي
اسمح لي على المداخله لانه مافي خط مباشر في الأندرقراوند بين محطة بادنغتون وبين محطة ماربل أرتش الي هي اقرب وحده لفندق ماربل أرتش ..
فعشان كذا الأفضل هو بعد مايوصلون محطة بادنغتون ياخذون تاكسي لين الفندق
اكرر اعتذاري على المداخله

القطري

27-01-2022 - 04:37 pm

غزاله نجديه
تحت امركم بلي تامرون فيه
والله ايقدرنا وانبرد قلوب كل الأعضاء ان شاءالله
فيه طريقتين للوصول من المطار لين الفندق :
الأولى : تاخذون قطار هيثرو اكسبرس من المطار وراح اتشوفون لوحته اول مااتخلصون الاجراءات وتستلمون الشناط وتطلعون للجمهور ..ومكانه تحت الأرض ..وراح ايوصلكم لين محطة بادنغتون وبعدها تاخذون تاكسي من بادنغتون لين فندق الماربل أرتش ..راح ايكلفكم القطار + التاكسي حوالي 40 باوند
الثانيه : وهذي أشوفها أفضل انكم تاخذون سياره من شركة ميني كاب ( شركة الفا ) تنتظركم في المطار واتوصلكم لين الفندق بحوالي 40 باوند ..واخترت شركة الفا لأنهم مايطلبون معلومات عن بطاقة الفيزا
وهذا موقعهم ..
http://alphaminicab.com/
واي خدمه احنا في الخدمه

بورمث

27-01-2022 - 05:38 pm

القطري
عليكم السلام يا القطري
أسف على الخطأ الغير مقصود
وجعلك سالم دووم ماتقصر مع الآعضاء باستفساراتهم
الله يوفقك إن شاءلله على مساعدتك للجميع
بالتوفيق يارب ،،

qatar3333

27-01-2022 - 06:39 pm

القطري
ولد عمي الصراحه تلعوزت شلون احجز من موقعهم ياريت تشرحلي الطريقه
وبعدين اشلون طريقه الدفع عن طريق الفيزا ولا بعد الوصول افعلهم كاش
ياريت ايذا مافيها كلافه طال عمرك

saso_ksa

27-01-2022 - 07:40 pm

الافضل سيااره
وياليت يلقطري تشرحلنا شلون

القطري

27-01-2022 - 08:41 pm

تامرون امر طال اعماركم
هذي صوره توضيحيه لأختيار الأماكن وكيفية الحجز ..
طبعاً على افتراض ان السياره نبيها اتوصلنا اي فندق حوالين ادجول رود او اكسفورد ..

بعد مانختار الأماكن ونوع السياره نضغط على كلمة Book Now
إذا ضغطنا عليها راح ننتقل للصفحه الي فيها تعبئة البيانات مثل رقم الرحله والأسم ووقت الوصول والخ ..
والحلو في مقع الفا مايحتاج رقم فيزا ولا شي
واي خدمه احنا تحت امركم

غزاله نجديه

27-01-2022 - 09:42 pm

القطري
والله ماني عارفه شقولك كلمه مشكور شويه عليك قول آآآآمين الله يسعدك ويهنيك يارب حبيت بس اعرف طريقه الدفع من الموقع او بعد التوصيل؟؟؟؟؟

بريطانيا المسافرون العرب

القطري وينك عندي سؤال مهم والله