أهلين أم نواف ..أختي شارع سلون ستريت بوسط النايتس بردج من رأيي عشان توفرين وقت تخلينه بنفس يوم هارودز
رحله سعيده إن شاءالله

وعليكم السلام ورحمة الله وبركاته
هلا وغلا وعسا ربي يسعدج وين مارحتي ..
جدول ماشاءالله مليان وزحمه ..
وماأدري إذا الوقت يسعفج اتمرين هذولا كلهم في يوم واحد ولا لا !!
طيب ..راح انمرها يوم يوم ولكن الهايدبارك هي أجمل مافي لندن وأكثر الخليجيين أيفضلونها بشكل يومي ولكن هذا رايج ولج مطلق الحريه ..أتمنى على الأقل أكثر من يوم للحدايق لأن مجرد دخولها اتحسين براحه نفسيه ويكفي الطبيعه واللون الأخضر منتشر كل مكان والغيم والبرد..

السلام عليكم
اختي الفاضله
احب ابشرك ان بريمارك فتح باكسفورد بمعرض كبير كبير جدا من ابريل الماضي ولا في حاجه تروحين لهمر سميث الا ان محلهم موجود هناك بعد وفي فرع ثالث لهم اذا مالقيتي مقاسات اللي تيبن وبيكون في كاليبورن.
شبر بوش تقدرين توصليها بباص رقم 94 او 148 وهو الافضل للي مايعرف الباص لان بتكون اخر محطه له هناك. تقدرين تاخذين الباص من اول محطه بالبيز وتر رود.
يوم الاربعاء تقدرين تروحين الى السفاري بارك مرورا بالريف الانجليزي ومناظر ولا اروع. في شركه في الادجورد رود مسويه رحلات لها.
في مكان حلو جدا جدا وقريب من الاكسفورد وهو الكوفنت قاردن محلات الماركات ومقاهي بالهواء الطلق وجلسه ولا احلى.
ودي اقترح حاجه هو زيارة الهوس قارد وهي عباره عن حصن او بوابه عليها الحرس ابو طربوش احمر ولما تدخلي من البوابه بتلاقي ساحه فيها استعراض للحرس الملكي وبيكون بين الحصن وبين القرين بارك. وبعدين تتوجهي مشيا ومن خلال القرين بارك الى باكنجهام بلس وتكملي المنظر حيث الاستعراض بجنب القصر. على فكره هذا الاستعراص يصير كل يوم ابتدائا من الساعه 10:30 صباحا تقريبا.
طبعا اذا ودك تتفرجي( يمكن تقدري تشتري) على محالات المماركات العالميه المشهوره مثل كارتير وديور وغيرها من الماركات كمحلات مستقله (يعني مش مثل هارودز) تمشي بشارع البوند ستريت وهو متفرع من الاكسفورد بالضبط من عند زارا اللي بنص اكسفورد.
تمنياتي لكم بسفره سعيده وموفقه.

روبي
يسلموا حبيبتي..
كويس .. الحين عرفت ان سلون ستريت قريب من الهارودز .. وايضا النايتس بريدج ..
شكرا عزيزتي

القطري
والله كنت عارفة انك ما راح تخيب ظني..
قول امين ..
رزقك الله المال والبنون..والزوج الحنون..وأسكنك الفردوس الاعلى من الجنة...والمسلمين اجمعين..
لي عودة ان شاء الله بعد اعادة الجدولة .. وصلاة الجمعة بنشوف ساعتها اذا حولنا جامع قريب رحنا او صليناها في مكاننا مع العصر ..
عالعوم انا ابدا ما عندي خبرة بلندن لذلك تجدني مو عارفة الاماكن القريبة من بعض.
وما قصرت انت وروبي ..
راجعة إن شاء الله

shine_star66
مشكور اخوياختي اعذرني الاسم جدا حيادي ..
والله يبشرك بالخير .. يعن وفرنا وقت ونصير نروح له في نفس اليوم اللي بنتمشى فيه باكسفورد ..
طيب الحرس الملكي موجود في قصر باكينغهام؟؟ او في هذا" الهوس قارد"؟؟ طيب وين مكانه لاهنت..ومتى يبدى الاستعراض؟لازم نكون قبل الساعة 10 موجودين؟
شكرا جزيلا

1. اليوم الثاني:


2. الاربعاء


3. الكوفنت قاردنCOVENT GARDEN محلات الماركات ومقاهي بالهواء الطلق..


4. وإذا امكن قضاء باقي اليوم في الريجنت بارك ..


5. اليوم الثالث:


6. الخميس


7. الجمعة


8. ملاحظة:الصلاة الساعة 12 ونصف تقريباً.


9. السبت

LONDON
السلام عليكم ..
هذا البرنامج بعد التعديل ولا زلت ارحب بأي اقتراحات .. جزاكم الله خير
اليوم الاول:
الثلاثاء
بعد الوصول تقريبا الساعة 1 ظهرا والراحة ..
ثم التوجه إلى متحف الشمع Madame Tussaud's عند محطة BAKER STREET .. وممكن الذهاب اليه مشي ..
ثم التوجه إلى LONDON EYE عن طريق محطة WESTMINSTER مرورا ب EMBANKMENT.. او محطة قطار waterloo
التوجه الى شارع النايتسبيردغ والهارودز وممكن سلون ستريت للاطلاع ..

اليوم الثاني:

الاربعاء

شارع اكسفورد(مجمع السليفرج+جون لويس) + بريمارك + شارع نيو بوند ستريت ومكانه في منتصف شارع كسفورد وهو متفرع من الاكسفورد بالضبط من عند زارا اللي بنص اكسفورد+هارودز ثم على سولان ستريت مشي لأنه قريب SLOAN STREET ..

الكوفنت قاردنCOVENT GARDEN محلات الماركات ومقاهي بالهواء الطلق..

وإذا امكن قضاء باقي اليوم في الريجنت بارك ..

رأي الزائر في بريمارك: نصيحة: هذا المحل أرخص محل شفته في لندن الاسعار تتراوح مابين 2 إلى 5 باوند والكوالتي جدا ممتازة يعني والله إللي يبغي يشتري ملابس ما يفكر إلا هناك ترا أنا أول مادخلته ما تحمست و ماعجبني بس شوي شوي تخبلت، وماخلينا شي وما اشتريناه من الرخص.

اليوم الثالث:

الخميس

الاستيقاظ الساعة السادسة والنصف .. تناول الفطور ثم التوجه إلى منطقة بستر فيلج عن طريق محطة MARYLEBONE وتبعد مسافة بسيطة عن محطة PADDINGTON.. شراء التذاكر إلى منطقة بستر نورث وقيمة التذكرة 15 باوند للشخص ذهاب وعودة، مدة الرحلة تقريباً ساعة..وعند محطة بستر نورث في تاكسي باص مكتوب عليه (بستر فيلج) وا المشوار ب 1 باوند للشخص ذهاب فقط ..
الساعة 5 العصر او قبلها العودة للندن ثم التوجه لميدان ترافلجار اقرب محطة قطار Picaddilly Circus
Trafalgar Square:
Underground: Charing Cross,Leicester Square
ثم تخصيص باقي اليوم للتسوق مرورا بالشوارع المرفقة ..
بيتر جونس مول في شارع KINGS ROAD في منطقة تشيلسي..
اليوم الرابع:

الجمعة

ملاحظة:الصلاة الساعة 12 ونصف تقريباً.

زيارة الهوس قارد (وهي عباره عن حصن او بوابه عليها الحرس ابو طربوش احمر ولما تدخلي من البوابه بتلاقي ساحه فيها استعراض للحرس الملكي وبيكون بين الحصن وبين القرين بارك. وبعدين تتوجهي مشيا ومن خلال القرين بارك الى باكنجهام بلس وتكملي المنظر حيث الاستعراض بجنب القصر). على فكره هذا الاستعراض يصير كل يوم ابتدائا من الساعه 10:30 صباحا تقريبا.
بعدها التوجه لمسجد وصلاة الجمعة والاستماع لخطبة الجمعة .. اذا امكن..
ثم الذهاب للاكواريوم London Aquarium من الساعه 10ص حتى 7 م للبالغين : 13.25 باوند.. اقرب محطة قطار Westminister
ممكن التوجه الى Buckingham palace بعد السوق ثم الى BIG BEN لانها على نفس الطريق..
اليوم الخامس:

السبت

التوجه الى سوق شبربوش من محطة بادينغتون الى Shepherd Bush مرورا ب NOTTING HILL ROAD والسوق يبعد 4 دقايق تقريباً.. عن طريق الباص رقم 94
رأي الزائر: بعد اللي شفته ما كملت 5 دقايق وتغيير الوجهة إلى كوينز واي عن طريق الباص، اللي اكتشفته في هذه المنطقة ان أغلبية سكان هذه المنطقة هم من افريقيا وخصوصاً السودانيين والصوماليين..كوينز واي كان أفضل بكثير من شبربوش.. اتمشي في هذا الشارع وبعدها إلى وايت ليز في آخر الشارع.
وبعد ماتنتهين من شبربوش تقدرين اتمرين على مجمع الوايت ليز وتتعشون هناك وعندج الدور الثاني كله مطاعم وعندهم بعد سينما ..
وأفضل قبل ماأتروحون الوايت ليز.. اتمرون الشقه واتحطون اغراضكم وتنزلون الهايدبارك وترتاحون أشوي وبعدها اتروحون الوايت ليز مشي
موممكن بدلا من الوايت ليز اخذ جولة بباص لندن المكشوف..
أو:
الذهاب في رحلة الى مدينة برايتون ..
اليوم السادس:
الاحد
الاستيقاظ صباحا ثم اخذ جولة خفيفة ب BIG BUS ثم التوجه إلى المطار والمغادرة
هذا برنامجي بعد التعديل .. كما اسلفت ..ارحب بأي اقتراح ..
وسؤالي لكم ..هل برنامج يوم السبت حلو او ابدله برحلة ليوم واحد الى برايتون؟؟
القطري..
بالنسبة للمتاحف زوجي ما تعجبه واحنا اصلا ماعندنا وقت كثير نقضيه ..
بالنسبة للملاهي راح نروح ان شاء الله للي في بلاك بول .. ورايحين باذن الله لليك ديستريك وممكن نبات هناك ليلة ..
وساحة البيكاديللي وش فيها مميز؟؟
ممكن نمرها في اي يوم والا احلى نطلع لها بدري؟؟
يعني بعد ما اتقفل الاسواق يصلح نمرها وا فيهامحلات؟؟
وشاكرة لكم مساعدتكم ..
:106::106:

السلام عليكم
اختي الهاوس قارد موجود بشارع الوايت هول وتقدرين تاخذين الباص رقم 159 من الاكسفورد رود ويوديك بالضبط للمكان. طبعا تحتاجين تقولين للسواق انك تبين الهاوس قارد عشان لما يوصل يخبرك وينزلك عنده. يكون افضل اذا توصلون هناك على 10:30. حظ موفق ورحله سعيده.

السلام عليكم ..
شارع نيو بوند ستريت ومكانه في منتصف شارع كسفورد وهو متفرع من الاكسفورد بالضبط من عند زارا اللي بنص اكسفورد+(((هارودز ثم على سولان ستريت مشي لأنه قريب Sloan Street ..)))
عزيزتي ما ودي والله أقلب رأسك بس هالمعلومه مو دقيقه
نيو بوند صحيح وصفه بالضبط بس هارودز مو قريب منه !!
شارع نايتس بردج فيه هارفي نيكلز بعد شيراتون بارك تاور هوتيل علي طول ,, تمشين علي نفس الشارع بيجي سالون ستريتsloan Street علي يسارك وإذا كملتي علي طول شارع النايتس بردج تلقين هارودز علي يسارك ومابينهم إلا دقايق مشي
نهاية سالون ستريت كنزرود , بتلقين بهالمنطقة _نايتس بردج_ قهاوي حلوه : الريشو مقابل هارودز, ون أو ون تبع شيراتون قبل هارفي ,, جوزيه بأول سالون ستريت علي اليمين بس بالبيسمنت في محل جوزيف ,
هارفي آخر دور جلسات حلوه وسوشي ,, طبعاً لا تنسين بهارودز تحت بالفود كورت تذوقين كرسبي دونت ونسيت المسكوف ! مطعم عراقي بأول النايتس بردج علي اليسار قبل الشيراتون.