وعليكم السلام ورحمة الله وبركاته
هلا وغلا الغالي ..
اليورو ستار مريح جداً ..اخذته العام من باريس لين لندن ب 120 يورو ..حوالي 550 ريال قطري ..
القطار عباره عن درجتين ..أولى وثانيه ..اطلب من خدمة العملاء في الفندق يحجزون لك اول ماتوصل ..
وأي استفسار ثاني تحت امرك ..
أول كان ينزل في محطة واترلوو وأنت جاي من باريس
أما الحين لا ..
الحين لازم اتروح لها عن طريق London St Pancras في لندن وتنزل محطة Paris Nord
شيكت الحين على الأسعار فلقيتها كالتالي ..
فيه تذكره ب 64.5 باوند وفيه 162.5 باوند وفيه 225باوند على حسب الدرجه ..
وأي خدمه الغالي تحت أمرك ..

هذا موقعهم
اسمهم يورو ستار
http://www.eurostar.com/
ينطلق القطار من محطه ويست منستر ستيشن على ما اذكر وان شاء الله ان تذكرت اجيب لك التفاصيل
ياصل هناك محطة نورد
الاسعار تختلف حسب درجة بريموم ولا درجه عادية
ايضا يختلف من عدةانواع ابتداء من فولي فلكسبل وهو اللي فيه ريفوند اعادة مال وفيه تغيير مواعد الرحله بدون رسوم
وفي سيمي فلكسبل وهذا فيه تغيير مع رسوم
وفي نون-فلكسبل وهذا مافيه تغيير ولا ارجاع فلوس يعني يا تروح يا راحت عليك
ايضا يعتمد على موعد الرحلة يعني مثلا رحلات الويك اند اغلى من غيرها وكذا
لما تروح الموقع حقهم راح تشوف تفاصيل كثيرة عن الاسعار
غير كذا اذا تبحث بكلمة eurostar بالمنتدى راح تطلع لك تفاصيل اكبر
بالتوفيق

معليش ما شفت رد القطري

القطري
تسلم لااوند ترب على المعلومات وزيادة الخير ... خير
انا فعلا دخلت موقعهم وشفت الاسعار ومواعيد الرحلات بس يضل راي اخوانا الي جربوا اهم عندي، خصوصا لاني مسافر لحالي.
مره ثانية وثالثه وعاشرة تشرفت بردك وماننحرم من مساعدتكم

هلا اخوي بالنسبه للاسعار
تختلف بحسب حجزك قريب والا بعيد كل ماحجزت بدري كل ماكانت ارخص لك
انا مرتين رحت عليه
والمره الثالثه رحت على الخطوط البريطانيه
كان سعر القطار اعلى من سعر الطائره
وعندك ايضا ايزي جت وهو الطيران الاقتصادي كل ماحجزت من بدري كان ارخص وخصوصا اذا كان ايام الاسبوع

المختلف
حياك الله يال المختلف وكلامك سليم ، بس انا حاب اجرب القطار كنوع من التغيير.
لذلك حاب اسمع تجربتكم له. وين يتم التشييك على الجواز وسهولة التنقل من او الى المحطة وغيره

ام بي سي
اولا شاكر لك لطفك
انا اول ما فكرت اروح باريس عبر القطار قلت الهدف تجربة القطار رغم ان حجز الطيران كان ارخص لي
كنت اتوقع في شي مميز خصوصا في التنل اللي تحت البحر طلع مافي اي شي مميز تحت البحر ظلام دامس
الله يوفقك برحلتك

Round-trip
الشكر لك راوند تريب، توكلت على الله وبجرب القطار هذي المره
ولاننحرم من خبرتكم ....