عليكم السلام اختي
يا هلا ومرحبا بك معنا عبر بوابة الفلبين
بالنسبة للأمن والحجاب فإن شاء الله ماعندكم أية مشاكل فالوضع طبيعي وعادي جدا ومتعودين على السياح العرب.
بالنسبة للملاهي فعندك Star City
أما المجمعات التجارية فهي كثيرة بصراحة ومن أكبرها وأحدثها هو Mall of Asia وموقعه أمام شاطئ مانيلا وقريب بعد من ملاهي Star City وهذي صورتة

وفيه مجمعات ثانية ومنها
SM Mega mall
Alaya Center
Robinsons Galleria

جزاك الله خير أخوي على المعلومات واهتمامك بموضوعي لأني كنت متخوفه من السفر إليها وشكرآ

بسمة الحياه
مساء الخير اختي بس ما ودي احبط فيج من غير زعل جد بتكونين محط للانظار لهم من غير ماتقصدين لان مافي منقبات بالديرة والناس مو متعودة على انهم يشوفون منقبات ثاني شي اغلب الاماكن الى تروح لها الناس جزر مثل بروكاي سيبو بوهول عدا كم منطقه مش ساحلية

تروحين و تردين بالسلامه بس حبيت أقولك كذا شغله
الحذر مطلوب وين ما تروحين مو شرط الفلبين ثاني شي البلد حلو من اللى سمعنا و بصراحة لي نية زيارته قريبا . لكن ياليت تكونين بسيطه بكل شي أقصد الملابس و التكشخ ما ينفع لهم بس يكون وضعك اوكيه
و بصراحة في موضوع عن سياحة العوائل لأختنا shalyami أن شاء الله يفي بالغرض
و هذا الرابط
https://artravelers.com/p/re/132948
و لا تنسينا من الصور والله الله بالتقرير

مشكور أخوي عبدالله وأخوي سياحي وجزاكم الله خير على المعلومات المفيده

هاي
انا بصراحة جديده مثلك في المنتدى لكن حبيت اقول لك انها احلى من الدول الاسيوية الاخرى والدليل كثرت السياح الاوربين فيها واحلى ما تاتميز فيه الرحلات البحرية والجزر انا زرت مع زوجي اكثر من دولة اسيويه من بينها ماليزيا لكن ماليزيا ماراح تكون احلى منها والسبب ان اكثر الاشياء فيها مكررة من حدائق ومنتزهات والمطاعم قليله اذا كنتي ما تحبي الاكل البحري
اما الاسواق فالاسعار فيها مثل الاسعار في السعوديه اخلى شي فيه الجلديات من شنط وجزم بس والباقي مايختلف بعكس الفلبين الاسعار فيها خياليه من جد وماراح تكلفك الكثير
لكن فيها طبيعه فوق الخيال وصدقين راح تعجبك واتمنى لو كنت عندي صور كان نزلتها لك

اهلين اختي
بصراحة هذي اول مشاركة لي في هذا المنتدى الرائع الي كنت اتمنى اني عرفته من زمان
لانه بصراحة نستفيد منه الكثير خصوصاً تبادل المعارف عن الدول الي نزورها او نفكر نزورها
اما بخصوص الفلبين
انا مثلك اختي اسافر مع زوجي كثير وسافرنا دول كثير حول العالم
ولما فكر يسافر للفلبين كنت مثلك خايفه لكن قلت ماعليه نجرب خصوصا ان سفره لها ماكان يطول اسبوع بس
يمكن انتي مثلي قبل السفر تخيلينها بلد فقيره ومافيها من مقومات الحيا شي كثير لكن بصراحة العكس البلد سياحي مرة وخصوصا الجزر والبحر البلد فيه كل شي يخطر على البال الرخيص والغالي لكن بلد فيه نظافة بس اهم شي تتاكدي من الاكل قبل تاكلي منه
اما الاسواق فصدقين راح ترجعي منها بعفش زايد البلد رخيص مرة وفيه كل شي ومدن الملاهي ما ادري عنها لكن اكيد سمعتي عنها مثلي انها حلوه مرة لكن بصراحة ماكنت عندي فرصة ازورها
وتمنى اني ارجع لها مرة ثانيه الجزر فيها رومنسي فوق الخيال وراح ترتاحي لها
اما بخصوص الحجاب يمكن تلفتي نظر الاجانب هناك والسياح الاوربيين
لكن راح يكون لك الاحترام من المسلمين هناك من اهل البلد واحلى شي فيها قلت العرب
اتمنى اني وضحت لك بمافيه الكفاية وصدقين راح تكون سفرة حلوه تنبسطي منها