بالنسبة للسؤال الاول معظم الفناادق على الكورنيش بس تترااوح اسعارها يعني انت كم ميزانيتك فناادق منطقه الابرااج غااليه جدا وكلها خمس نجووم وفي الفناادق الثانيه بالطرف الثااني من الكورنيش صوب السووق فيها الاربع نجوم واسعارها ارخص.
مطاعم عواايل غير مكشوفه مثل المجلس العربي وفينيسيا وكلهم بشاارع السد . وفي مطعم جديد باللاندمارك اسمه وافي غورمه الدور الثاني للعواايل . وفي بعد مطعم فتح بطريق سلوى برمضان ام نسيت اسمه يمدحونه .
بالنسبه للامااكن مثل ما تابعت الاستفسارات والتقاارير الساابقه لا بد من زياره مجمع فيلاجيو والسيتي سنتر .المتحف الاسلامي صباحا لانه يسكر العصر . الحي الثقاافي كتارا وجزيرة اللؤلؤه .حديقة اسبااير وحديقة الحيوان اذا عندك اطفال .طبعا لاننسى سوق واقف .

فندق رتاج الريان مقابل فورسيزن واسعاره معقوله وعائلي،، فندق ميلينيوم وريجنسي بالسد عائليه
المطاعم اسماك في كتار وارمني في كتارا وفندق رمادا فيه مجموعة مطاعم صيني وهندي وستيك هاوي وفرنسي
والماريوت فيه هندي واسيوي والنادي الدبلوماسي فيه لبناني ومطعم ستيك واللؤلوه مليئه بالمطاعم

naimi
جزاك الله خير اخووي بس هو يسأل عن المطاعم اللي فيها كباين وخصوصيه للعوايل

مهندس قطري
اخوي جزاك الله الف خير و لاهنت على معلوماتك الرائعه و الوافيه وماهي غريبه عليكم ياهل قطر
فيه نقطه عندي و هي عن الفنادق 4 نجوم وش الافضل من ناحية حجم الغرف و رحابتها
و لك مني كل التقدير و العرفان ***

naimi
اخوي مشكور و يعطيك العافيه ماقصرت على المعلومات الرائعه تقبل شكري و عرفاني .

london, in my heart
فيه نقطه عندي و هي عن الفنادق 4 نجوم وش الافضل من ناحية حجم الغرف و رحابتها
و لك مني كل التقدير و العرفان ***
والله يا خوي بالنسبه للفنادق اللي بالجهه الاخري من الكورنيش وليست بمنطقة الابراج عندك فندق كورال الدوحه وسويس بيل هوتيل . ممكن تسال الاستقبال عن مساحة الغرف بس الحقيقه سويس بيل بعض الغرف عندهم كبيره مرره فوق الخمسين متر مربع . بالنسبه لكورال ما عندي فكرره . بالنسبه لمنطقه الابرااج في فندق رتاج الرياان مقابل الفورسيزون يقولون ان اسعااره ممتاازه شيك معااهم

https://www.booking.com/hotel/qa/swiss-belhotel-doha-qatar.en-gb.html?aid=1300939 هذا رابط سويس بييل وغرفهم كبييره باين بالصوره من نااحيه السعر حااول تتصل مباشره للفندق يمكن يطلع لك ارخص
https://www.booking.com/hotel/qa/retaj-al-rayyan.en-gb.html?aid=1300939
رتاج الرياان سعره كويس بمنطقه الابرااج وبجانب السيتي سنتر
https://www.booking.com/hotel/qa/coral-doha.en-gb.html?aid=1300939
هذا رابط كورال
وفي الكثير مثل موفنبيك وويندام جراند ريجنسي وملينيوم

ميزه رتاج الرياان انه بمنطقه الابراج بس من ناحيه الغرف مااعرف للاماانة . والفندق ملتزم اسلامي يمنع الخمور على حسب ما سمعت .

بارك الله فيك و ماقصرت و ان شاء الله تكون رحله ممتعه لدوحة الخير و لك الفضل بعد الله في اعطائي المعلومات الكافيه و الوافيه اجدد شكري و دمت بحفظ الله