جهز ورقه وقلم ان ماكان عندك لاب توب تنسخ فيه الاجابات

1. قبل التفاصيل


2. فئه الخمسين دولار تعادل ال 100 ريال عندنا


3. مثلا حامل الشنط تعطيه 10 الاف روبيه لو حبيت واحد يشيل شنطك بالمطار


4. بقيه المبلغ بالريالات تصرفه هناك بعد ما تنتهي الدولارات اللي معك


5. تقسيم الايام بيكون حسب خياراتك لا تشيل هم


6. تقعد بباندونق 3 او 4 ايام ومنها لبونشاك بالسياره


7. كل اجابتي بثنيك عن الذهاب للجبل اول ما توصل

بسم الله الرحمن الرحيم اخواني اعضاء المنتداء الااعزاء السلام عليكم ورحمة الله وبركاته اخوكم ابو يارا من المتابعين لهذا المنتداء اعذروني علي الا اخطاء الاملائيه ان وجد تعرفون علي قد حالنا المهم من كثر ماقريت في هل منتداء تحمست ونويت السفر بأذن الواحد الا احد يوم الخميس الجاي الي اندنوسياء وللعلم انا اول مره اسافر برا وتعرفون الي ماعمره سافر وشهو حاله والله من كثر محاول اجمع معلومات تشتت ذهني وجاي وطالب فزعتكم

قبل التفاصيل

• تاكد اولا ان جواز سفرك انت وخويك باقي عليه اكثر من ستة اشهر ولاتغامر تقول بيمشونن لابد يكون باقي اكثر من ستة اشهر عشان تسافر لهذي البلاد
• تحتاج ان تدفع عند وصولك هناك ان كنت من رعايا الدول التي يسمح لها بالدخول للبلد بفيزا من المطار والسعوديه من ضمنها تحتاج الي مبلغ 50 دولار قيمة فيزا لشخصين >> كل شخص 25 دولار

يعني خذ معك 50 دولار من ورقه وفئه 50 دولار اطلبها بالاسم من الصراف عشان تعطيها مكتب الفيزا اول ما توصل لانك لو حاسبته بالريال بيحسب لك قيمته ضعيفه ولو عطيته فئه مئه دولار عشان يرجع لك خمسين دولار بيحسب لك قيمه الباقي بعلمتهم الروبيه ويرجع لك الباقي بسعر ضعيف لانه بيحسب الدولار بسعر ضعيف بعد ما ياخذ حق الفيزا وهو خمسين دولار
>> باختصار ورقة ام خمسين دولار تعطيها لمكتب الفيزا ثمن فيزا مدتها شهر واحد فقط لشخصين

• حول نص المبلغ اللي معك لدولارات >>> من فئه مئه دولار >>من اي صراف بنك واطلب منه ورق بنكوت يكون جديد الاصدار قدر الممكن وان كان جديد افضل من القديم والمهتري

فئه مئه دولار هناك مقبوله اكثر من الاوراق الاصغر منها وبعض الصرافين قد يعطونك سعر اقل لفئات اقل
يعني كشرح ممل ومفصل تحملني لاني اشوف سوالك من قلب وابي افصل لك كل شيء اخوي
فئه المئه دولار تعادل فئه الخمس ميه ريال

فئه الخمسين دولار تعادل ال 100 ريال عندنا

الصرافين هناك يفضلون فئه ال500 ريال و 100 دولار علي الفئات الاقل قيمه + ان عددها بيكون اقل بحملها معك
>> نصف المبلغ الثاني لو حولك صراف كويس وانت بجده ولا الرياض مثلا فيه صرافين يعطون اسعار جيده تقمز لهم تحول الف ريال مثلا الي روبيه اندونيسيه قبل تحول اسئل عن قيمه الصرف للريال باندونيسيا في مواقع الصرف بالنت او في موضوع الصرف بقسم اندونيسيا العام >> ان اشكل عليك الامر بلغني اجاوبك عن قيمته بيوم صرفك
هذي الالف ريال اللي بتحولها لروبيه بتفيدك اول وصولك هناك تستخدمها لحجز سكن + تكاسي اول يوم + اكل وشرب + لو تبي من يشيل عفشك بالمطار مثلا يكون فيها فئات عملات اندونيسيه صغيره لهذا الغرض
اوراقهم تبدا من مئه الف روبيه وخمسين الف وعشرين الف و10 الاف و5 الاف روبيه والف روبيه

مثلا حامل الشنط تعطيه 10 الاف روبيه لو حبيت واحد يشيل شنطك بالمطار

بقيه المبلغ بالريالات تصرفه هناك بعد ما تنتهي الدولارات اللي معك

>> لو ما تحب تدخل بهذي الخربطه ولايهمك تخسر مبلغ بسيط حق قيمة التحويلات فلا تاخذ معك الا خمسين دولار حقت الفيزا وبقيه المبلغ خذه بالريالات فئه خمس ميه ريال وريح مخك لان قيمه الريال مو بعيده كثير عن قيمه الدولار الا ببالي و بالقري والجزر البعيده وهذي ماراح تروح لها برحلتك
قيمه الصرف هناك متغيره للدولار والريال من يوم وثاني مو ثابته بفارق ضئيل بينهما ومتغير ضئيل بين يوم وثاني

• بالطياره بيعطونك كرت دخول للدوله ومعلومات المسافر اللي بيزورها

شف الكرت بالانجليزي موجود بهذا الرابط مترجم من ام عزيز جزاها الله خير انسخه وصوره عشان بالطياره تكتب معلوماتك بالكرت لو كانت لغتك الانجليزيه ضعيفه
https://artravelers.com/p/re/515644
بعد ماتعبي معلومات الكرت اول ما توصل المطار بيجيك مكتب فيزا خلك مع الركاب ما راح تضيع بيجيك مكتب الفيزا تمسك فيه سري تعطيه جواز سفركم وخمسين دولار يعطيك الفيزا تحتفظ فيها مع الجواز >> تروح مع الركاب لسري ختم الجواز وموظف الجوازات يختم جوازك ويقص الكرت اللي كتبته بالطياره بياخذ منه جزء ويعيطك جزء
الجزء اللي يعطيك اياه تحطه مع الجوازات والفيزا هذي حطها بشنطك واحفظها من الضياع لا تضيع منك لانهم بيطلبونها منك اذا جيت ترجع بان الله
>> وانت راجع باذن الله تعالي علي خير تعطي موظف الحجز للطيران جواز السفر + الكرت اللي قطعه لك موظف الجوازات بعد ما عبيته بالطياره + 300 الف روبيه ضريبه مغادره لشخصين بقيمه 150 للفرد

• تخلص من موظف الجوازات وتروح لسير العفش تاخذ شناطك منه وتاكد منها

تطلع من صاله القدوم بيجيك سير تفتيش الجمارك تحط شناطك عليه وتطلع من الصاله
انا رحلتي علي طيران الا امارات تقلع من جده يوم الخميس الساعه 8 وتوصل دبي 12ونصف طبعن لني جاهل بل امور انزنقت وحجزت متئخر طبعن فيه لطعه في دبي حدود 11 او 10 ساعات
وابي اعرف بعد هل طيران الا امارات كويس او لا وهل يئمن لنا سكن في دبي سمعت انهم يؤمنون سكن للي يطول هناك والله العالم
احد افضل خطوط الطيران اخوي طيران جيد باذن الله ولا فيه مشكله الا الترانزيت الطويل فقط بلنسبه لرحلتك
بخصوص السكن الاخوان بيجاوبونك هم يعطون سكن مجاني للترانزيت بس مو متاكد 12 ساعه او 8 ساعات ممكن الاخوان بيفيدونك باذن الله
المهم انا واحد زملائي مسافرين سوى طبعن عزابيه قطتنا من غير التذاكر 20000 الف ريال ومدت جلستنا 15 يوم
ماعرفت والله كيف اقسمها واتمنا فزعتك تكفون دلوني وشلون اقسم الا ايام والاماكن الي اروحلها وهل الفلوس تكفينا مدت رحلتنا وبعد حنا وصولنا يوم الجمعه الساعه 9 بليل وانا ناوي اروح الجبل يقولون الوقت ذا ماتلقاء احد يستقبلك هناك من اهل الفلل
المبلغ كافي ياغالي لاتشيل همه باذن الله ويفيض باذن الله ان دبرته وسنعته زين يعني بقسمته علي عدد الايام بحدود 1333 ريال لليوم او 355 دولار تقريبا لليوم وهو زايد باذن الله

تقسيم الايام بيكون حسب خياراتك لا تشيل هم

الوصول بالليل بيكون متعب اخوي اولا انت جاي من رحلة 9 ساعات تقريبا + قبلها ترانزيت 10 ساعات + قبله رحله جده دبي وانتظارات واجراءات المطار ما انصحك تطلع من جاكرتا اول يوم الافضل تبقي ليله ترتاح فيها + انك بتوصل بالليل يعني لو بتروح لاي منطقه ريفيه بونشاك الجبل او باندونق مثلا بتوصل بالليل يعني زود عليها ساعتين طرق الي ثلاث ساعات لباندونق وزود عليها فرفره بحث عن فيلا او سكن اتوقع بتكره الرحله من اول يوم نصيحتي لك ريح اول ليله توقيت وصولك الجمعه هو اسوا توقيت للي ما يبي يقعد بجاكرتا لكن دامه حصل
جاكرتا فيها خيارات ليومين تمشي حالك فيها مثلا تتمشي بانشول بيوم وسوق ومولات وسينما ومطاعم يوم ثاني
او تنام اول ليله بجاكرتا لو ما تبي تقعد فيها وهنا الجابه منك تعطينا خطوط عشان نجاوبك ليتك تركز معي وتجيبني قبل اكمل تخطيط وتقسيم الايام
مثلا رحلتك 15 يوم >> ماادري انت حسبت يوم الوصول والمغادره معها ولالا اذا لا ما حسبته 15 يوم صافي فتقدر تطمر بالي بالراحه وبالي جزيره تحتاج سفر بالطياره
يعني ممكن ترتاح اول ليله بفندق المطار ثاني يوم وانت بالمطار الصبح تسافر بالي 4/5 ايام وتحجز منها لباندونق تبقي فيها 3 ايام ومنها تروح بالسياره لبونشاك تبقي فيها بقيه مده رحلتك
او ممكن اذا ماتبي بالي ولا طيران داخلي وتعبت من الطيران تكتفي بباندونق وضاحيتها لمبانق وبونشاك تطلع السبت باندونق بالسياره >> ان قررت هذا الخيار لازم تحجز سكن باندونق بيوم السبت قبل تروح لها وتحجزه من النت ببطاقه فيزا لو عندك من اقودا او بوكينق او تحجزه من هناك من مكتب اسمه كاها يعطيك خيارات سكن متعدده بالمدن غالبا وليس الارياف

تقعد بباندونق 3 او 4 ايام ومنها لبونشاك بالسياره

اذا تبي تبدا ببونشاك من اول يوم ورحلتك اغلبها فيه حسب اختيارك الافضل ان ما تطلع للبونشاك يوم السبت ولا الاحد تبقي يومين مثل ماقلتك بجاكرتا ويوم الاثنين تدز لبونشاك
ان قررت تطلع لبونشاك اول ما توصل لا انصحك ابدا بالذهاب لها ليلا ان كنت تبي تدور حجز فيلا بنفسك لانك ما راح تشوف شي الدنيا ظلام وانت جاي ن سفر يمكن اقرب سرير تنسدح فيه لو هو دمار يعني خط سير الرحله بيخلي قراراتك ومزاجك مو مظبوط من تجربه لا تطلع له مباشره خاصه لمسافر اول مره
ان كنت تبي تحجز من الان فما اقدر اشير لك بارقام حراس او من يحجز لك سكن هناك لانه مخالف لانظمه المنتدي اولا والاهم قبله ان الثقه قد لاتكون موجوده والفيلا ممكن تناسبك صورها لكن لما توصل لها ماتناسبك
+ ان السبت والاحد اغلب الفلل في المنطقه تكون محجوزه لسياح اندونيسيين ايضا
فالافضل لا تطلع للبونشاك اول يومين سبت واحد اطلع يوم اثنين برواقه ودور براحتك وفاصل بالسعر براحتك
والله عندي اسئله واجد ومدري من وين ابدا ومن وين انتهي بس تحملوني شوي علي الا اطاله عرفت انه السبت والا احد عطله والجبل يكون مزدحم فعشان كذا قلت اول مانوصل علي الجبل
لو وصولك صباح الجمعه يكون ممكن اقولك تحمل شوي
بس مساء الجمعه يعني الفلل اغلبها بتكون محجوزه لانهم باجاز ليله سبت + ظلام ما تقدر تختار بشكل مناسب للحديقه والمنظر قدام الفيلا + تعب السفر
جاكرتا فيها خيارات واجد ابوي صح السبت بيكون انشول مليان ومزحوم لانه منطقه ترفيه اولي في العاصمه بس زيارته مناسبه حتي لو ماتدخل الالعاب لانه بتكون فل وزحام عليها
وايضا فيها اسواق ومولات بما فيها من صالات تزلج وسينما وكافيهات ومطاعم حتي للي مايبي زحمتها وازعاجها يمكنه تمشيه يومين فيها اذا مظطر

كل اجابتي بثنيك عن الذهاب للجبل اول ما توصل

ان كان هذا قرارك فقرر هناك اول ماتوصل لو شفت نفسك نشيط وفيك حيل توكل علي الله ممكن تسكن بفندق اول ليله لو وجدت فيه سكن مثل سيروني 3 او 2 وثاني يوم الصبح تطلع تدور فيلا براحتكم >> لاتنسي بيكون يوم سبت يعني الطريق الرئيسي للبحث عن فلل بيكون كركبه وناس فوق بعضها وشوارع مقفله من زحمه السير
عمومن ابي منكم الي يعرف فله خاصه حلوه صغيرونه علي قدي انا وخوي وتكون لها اطلاله حلوه ويكن فيها حارس وبعد خدامه بل عربي ابي اعرف كل شي ارجو منكم الا افاده لي والف شكر لكم وسامحوني علي الا طاله وعدم صياغت الموضوع بطريقه السليمه اخوكم اول مره يكتب بمنتداء
افضل فلل البونشاك هي اللي تختارها بعينك وترتاح لها اذا جلست فيها بنفسك فتش بالتقارير عن اسماء ووصف بعض الفلل وسجلها لتختار الانسب لك واللي ترتاح له انصحك تحجز بنفسك ولا تعتمد علي قرار الاخرين لان مايعجبهم قد لايعجبك وما يعجبك قد لايعجبهم
هذا مالدي بهذا الجانب بقيه الاسئله لاتشيل همها اسدحها والشباب هنا بينمرشون عليها

عذرا اخوي بقيه الاجابات انتظر لين ينقل الموضوع لقسم الاستفسارات انا رديت عليه وهو بالقسم العام ما انتبهت له انه بالقسم العام طرح الموضايع للاسئله يكون بقسم استسفارات اندونيسيا

الف مليون تريلون شكر لك اخوي علي التوجيهات ومانستغني من بقيت الشباب عن الظافات شاكر ومقدر اخوي