المسافه بالسياره من شقراء الى الحدود تقريبا من ( 5 ) الى ( 6 ) ساعات ومن الحدود الى داخل الكويت ساعه اوساعه الا ربع تقريبا بالنسبه لي انا الطريق اخذ مني ( 5 ) ساعات ونصف من شقراء الى الفندق
بالنسبه للاستراحات والمطاعم مو كثير ومستوها سئ
اول شئ بتمر المجمعه بعد ساعه الا ربع وبعدها الارطاويه بعد ساعه الاربع بعد بعدها حفر الباطن بعد ساعتين ونصف او ثلاث ساعات بعدها الحدود بعد ساعه واذا اول مره تروح يبيلك ساعه تطلع من حفر الباطن للحدود لان الطريق مو واضح
بالتوفيق

بارك الله فيك المزيونه1428

ياأهل الحفر الكرام دلوني الى المنفذ من الحفر الى الكويت الله يجزاكم خير لأن الطريق مواضح كما أفادت المزيونه جزاها الله وإياكم الف خير

ليزك
المنفذ الكويتي اسمه الرقعي اذا طلعت منه تمسك الخط او منطقه توصل لها هي الجهراء وبعدها الصليبيه وبعدها امسك الدائري السادس لا تف يمين ولا يسار راح يوصلك لغايه السالميه علي البحر هناك تقدر تشوف لك فندق او شقق فندقيه
ارشح لك فندق المارينا اذا سكنته ما تحتاج سياره كل شي يمك
توصل بالسلامه ان شاء الله

اذا كان الطريق طويل وراح تدخل الكويت من ناحيه السالمي عندك منتجع جديد في الجهراء اسمه سليل عباره عن فندق وشاليهات حلو ممكن ترتاح فيه وبعدين تدخل الديره