اختي اتمنى منج تردين حق الاسئلة والمواضيع اللي في ساحة الاستفسارات وان شاءلله تجدين ما يسرج ... وايضا الاخوة والاخوات ماراح يقصرون وياج

صغيرة
هلا اختي صغيره
حياج الله بالكويت
بالنسبه للفنادق عندج :
1- فندق المارينا
2- فندق الكورنيش
3- فندق هوليداي ان
4- فندق الكورت يارد
5- فندق ماريوت
6- فندق الشيراتون
7- فندق المريديان
انا انصحج بفندق المارينا لان بالسالميه وقريب من المجمعات
الاسواق والمجمعات :
1- المهلب والبحر سنتر ومجمع بيروت (كلهم بنفس المنطقه في حولي)
2- المارينا مول وعندج شارع سالم المبارك في اكثر من 8 مجمعات مثل الفنار والبستان وبلازا وجاليريا وليلى جاليري وزهره (كلهم بالسالميه)
3- سوق شرق والرايه والصالحيه ودار العوضي وعندج سوق المباركيه سوق شعبي (كلهم بالعاصمه)
4- مجمع الكوت والمنشر وكويت ماجيك ومنتجع الهلتون (الفحيحيل والمنقف)
بالنسبه للمطاعم والكافيهات :
عندج مارينا كرسنت والمارينا ويفز مقابل المارينا مول (لازم تجربين جوكلت بار وكريسبي كريم وتدعيلي)
عندج الصالحيه بلازا مقابل مجمع الصالحيه
عندج ستاربكس البدع اللي عند فندق ومنتجع النخيل
طبعا كلهم فيهم قهاوي ومطاعم عالميه
وبعد عندج شارع الخليج في وايد مطاعم مثل برج الحمام وميس الغانم وفرايديز وجيليز ولونوتر وفدركرز وابل بيز
اهم الشوارع للقز
مافيهم شي بس للتمشي بالسياره
1- شارع الخليج
2- شارع الحب
واي خدمه حاضرين ؟؟؟

واذا تبين اماكن سياحيه تزورينها عندج :
1- ابراج الكويت
2- المركز العلمي
3- حديقة الشعب
4- مرح لاند
5- المدينه الترفيهيه

اختي
من واقع تجربة قريبة
راح تستغربين من الكويت مره
ما فيها شي ملفت ابد للأسف
مع حبي الكبير للكويت

هلا اختي صغيرة
بالنسبة للفنادق اختاري من.
الكورت يارد ( بشرق)
المارينا ( السالمية)
هوليدي ان السالمية
غنى بالاس ( بالسالمية)
المجمعات وايد والاهم :
سوق شرق
مارينا مول
الكوت
الفنار ( وبجانبه العديد من الاسواق مثل البستان ومريم وليلى جاليري .......زالخ)
المهلب
الصالحية ( للماركات )
الراية ( للماركات)
القعدات والجلسات موجودة بكل المجمعات وممتدة على شارع الخليج
المطاعم موجودة بكل المجمعات ولاتنسين زيارة:
ميس الغانم وبرج الحمام ومغل احل
ولاتنسين زيارة الابراج والمدينة الترفيهية او حديقة الشعب وايضا المركز العلمي
وحياج الله