قاصد الخير
31-07-2022 - 10:07 pm
السلام عليكم ورحمة الله وبركاته ..
حي الله كلن باسمه ..
حي الله راعين اندونيسيا .. وراعين الفلة والوناسة .. وسعة الصدر ..
ندخل بالموضوع دغري ..
الصراحة انا امنيتي اني اروح لاندونيسيا من زمان .. ولا اراد الله اني اروح ..
لاكن الان تيسرت لي روحة ولله الحمد والمنه .. لاكن هالرحلة راح تكون شهر عسل ..
ومافيه مجال الا اندونيسيا .. يعني بالعربي لا تقترحون علي ديرة ثانيه لأني من قبل الصيفية باسبوعين وانا مادري وين اضف قشي واروح له .. قلنا ماليزيا .. قالوا غالية ولا لك امل تلقى حجز .. وقلنا مصر .. وقالوا برضوه زحمة ولاهنا زود حجوزات .. والنفس شينة واسعارهم الله بالخير ..
فقلت مالك يا ولد الا تحقق الامنية وتروح اندونيسيا ..
لعلي حجزت في تاريخ 5/8/2007م ..
تكفون نبيلنا برنامج او ترتبون لي رحلة انا والمدام نوسع صدرها في هالديرة ..
وكان عندكم ارقام سواويق .. ولا خداماات .. الفزعة ..
وليت لو تعطوني كم تتوقعون تطلع التكلفة ..
مع العلم ان الرحلة راح تكون لمدة 13 يوم ..
ناطرين فزعتكم يالربع ..
يالله فوتكوا بعافية ..
ب
ر
ب
أول ما توصل تقعد لك يومين في جاكرتا
ثم تروح لك ثلاث أيام الى بالي ..
بعدها ترجع لجاكرتا وتطمر على الجبل (أسكن في فندق هناك لا تاخذ فله) واقعد لك 5 أيام ..
ويبقى لك ثلاث أيام يا أنك تاخذ لك يومين في بنادوق وترجع آخر يوم لجاكرتا ..
أو أنك تمدد في الجبل يوم زيادة وبعدها تطلع لجاكرتا ..
بالنسبة للميزانية أرجح ما بين 6-8 آلاف ريال من غير التذاكر ..
ويمكن تكون أقل على حسب الصرفية .. وصدقني راح تنبسط
وبترجع لها دايم ..
ومبروك مقدماً .