السلام عليكم
انا باذن واحد احد مقررة اسافر اوروبا هالصيفيه ومحتاره فالمخطط متعب اولا
عدد المسافرين 4 :الاب والام واطفال اثنين 2.5 و6 شهور
نطقة الانطلاقه بتكون ميونخ بس راح نقعد فيها يومين طبعا بدون سياره بس مادري هالقرار صائب او لا وابغي نصيحتكم فالسكن والاماكن السياحية
النقطه الثانيه راح تكون سالزبورغ بس ماعرف شو بخصوص السياره ناخذها من ميونخ ولا ناخذ قطار لسالزبورغ وعقبها نستاجر سياره افيدوني لان بنقعد فيها يومين
وعقب راح ننطلق لزيلامسي او كابرون ونقعد 3 ايام مب عارفه اي وحده افضل او نسكن فمدينه تكون نقطه انطلاق لكل النشاطات لان هالشي انا اجهله فشو رايكم واقتراحاتكم واخر شي عندنا فالنمسا انسبروك وراح نقعد فيها يومين ومن بعدها ننطلق لزيورخ ونقعد فيها يومين ومن بعدها انترلاكن ورجعتنا راح تكون من جنيف
المطلوب منكم يا اخواني:
1- مخطط رحلتي لمدة 16 يوم الانطلاقه من ميونيخ مع استبعاد فيينا والمغادره من جنيف مع عدد الايام
2- اماكن السكن المقترحة والمدن
3-السياره من اي مدينه ناخذها
4- اهم الاماكن السياحيه الي تنصحونا بزيارتها فكل مدينه بحيث يكون الجدول مريح
5- والمطاعم المقترحه فكل مدينه
6- نن رايحين للطبيعه واطفالي صغار اذا في اماكن للعب الاطفال شو تنصحونا فيهم لان مانبغي العاب كبار
اتمنى تنصحوني وجميلكم ماراح انساه