الأخوة العرب المسافرون.
السلام عليكم ورحمة الله وبركاته
أنا سجّلت جديد لكن الصحيح الموقع دخلته من زمان وأقراه ومعجبني الصحيح خصوصاً الرحلات المدعومة بالصور ,وأتمنى إنكم تقبلونني عضو معكم.
عندي سفر لسوريا - مدري سورية - يوم الرابع أو الخامس من شوّال وحبّيت أعرف بعض المعلومات لأني الحقيقة أوّل مرّة أروح لسوريا وقلت مالها إلا رجالها ====> العرب المسافرون
ودوّرت الموقع ألين لقيته.
أنا رايح لحالي من الرياض وأبرجع من سورية ومعي صديق سوري موجود هناك في سورية.
والأسئلة اللي أسألها وأتمنّى الرد بسرعة تكفون (لأن الوقت ضيّق وأتمنّى تعذرونّي):
1- أسافر بالسيّارة من الرياض , كيف الطريق سيدين؟ ومن وين أروح؟
أو أسافر بالطيّارة وأشحن السيّارة للقريّات أحسن ؟ وكم سعر التذكرة ؟ وكم سعر الشحن لسيّارة لاند كروزر؟
2- السيّارة للشركة لكن بيسمحون لي بالسفر لكن وش المطلوب أوراق ؟
3- سمعت إن فيه مقطعة بعد حفرالباطن أو رفحة وين بالضبط لا أتورّط؟
4- رحلتي خاطفة (أسبوع ويمكن أقل) تغيير جو يعني وكسر للروتين, وش الأماكن اللي أروح لها هالوقت ولا أفوّتها في سوريا أو الأردن خلال ستة أيّام؟
أتمنّى إنكم ما رتدوني خايب!!