نشر في بريطانيا

الفزعة تكفون

al_jamal

20-04-2022 - 04:53 am

اخوكم بيوصل برايتون قريب ... و لا يعرف حد و يسأل عن الخليجيين في برايتون ... و الا حد جزاه الله خير يعطيه عنوان من عناوين الشباب اللي على الدين و مستعدين للمساعده .. لأن عندي اسئلة و استفسارات ابغي اسألهم اياها ... الفزعه ياهل الفزعه ما عاد عقب اليوم يوم.
لاتهملون الرسالة بارك الله فيكم.

التعليقات (8)

sameer236

20-04-2022 - 07:52 am

أخوي والله ماأعرف أحد هناك لكن أدلك في مكان تسأل فيه وراح تلقى الجواب ان شاء الله
http://www.saudistudents.co.uk/vb

amore187

20-04-2022 - 08:53 am

انصحك بزيارة المسجد وخاصة بصلاة الجمعة
راح تلقي جميع المسلمين من جميع الجنسيات وراح تستفيد منهم
تحية طيبه وحظ موفق

karim06

20-04-2022 - 09:54 am

نصيحة أخو
حبيبي أنصحك لا تتعرف على سعوديين أو عرب عموماً اذا أنت رايح تتعلم وأختلط مع نفس المجتمع ورح للمسجد يوم الجمعة فقط وصدقني راح تزداد لغتك ومداركك ولكن اذا مشيت مع العرب مادري وش أقول لكن خذ حكمة مجرب من 25 سنة والأمور أتفه مما تتخيل كل شي سهل والأنترنت مخلى لأحد انه تجيه رهبة السفر اذا قفلت معك شغل كمبيوترك واسرح في الأنترنت والله راح تنسى انك في بريطانيا.
والله يوفقك

sameer236

20-04-2022 - 10:55 am

مع أختلافي........... فالعاقل خصيم نفسه...........البعض الله مايرد السلام مايبغى يختلط بك لأنك خليجي .....نصحيتي .....تعرف على الرجال وأنا أخوك

@ بو راشد @

20-04-2022 - 11:56 am

أما الكمبيوتر سوى شغل هذا صحيح كملت لي شهرين ونصف في لندن
والحمد لله بفضل الله والكمبيوتر ماشفت الملل وأحلى شيء أنه مجانا
والحمدلله

alnoor96

20-04-2022 - 12:57 pm

بسم الله الرحمن الرحيم
حبيت ابلغك اشوي عن برايتون بلد كله طلبه ولا تخاف وانا اخوك ترى السفر يعلم الرجال وبعدين برايتون هي مدينه كبيره تبعد عن لندن 50 دقيقه بالقطار من محطة فكتوريا ...................
اما بخصوص تبي احد تعرفه انا اعرف ناس واجد في برايتون معن انت مراح تحتاجهم.

gbadrany

20-04-2022 - 01:58 pm

اخوي برايتون واجد سهل بتلقى خليجيين واجد انا ما اعرف احد بس هذا جوالي اذا بغيت اي استفسار عن اي شي لاني اعرف انك اول اسبوع بيضيق صدرك كلمني وان شاء الله اعلمك بعدين لاحد يقولك لاتتعرف على خليجيين انت لازم تتعرف عليهم لانهم جو قبلك وبيعلمونك النظام كيف ماشي وبيفيدونك وصدقني اللغ راح تتعلمها ان شاء الله - ممنوع وضع رقم الجوال - ملبورن -

ملبورن

20-04-2022 - 02:59 pm

al_jamal
هلا
وش دعوة يالغالي شايل هم ترى الوضع هناك طبيعي وراح تمشي امورك بسهولة
يالغالي احب اني اقولك اذا عندك استفسار عن برايتون ترانا جميعا حاضرين وتحت امرك
مع خالص حبي

بريطانيا المسافرون العرب

الفزعة تكفون