شهر عسل مع قروب ؟؟
احسها صعبه شوي ومافيها ذيك الخصوصيه والا مو ؟
بالعربي ماراح تاخذون راحتكم--قومه من الصبح والتزام دقيق بالمواعيد (يعني ماراح ترتاحون)
صدقني ان القروب قلق

• بس سؤالي ليش ودك فيه ؟ان شاء الله الاعضاء يفيدونك

بالتوفيق

السلام عليكم
بالنسبه للجروب انا مع اختي سالي مافيها خصوصيه
و خصوصا انكم معاريس انا افضل انك تسافر مع زوجتك بدون قروب تطلع
الرحله جدا ممتعه و بامكانك الاطلاع على مواضيع الاخوان في بوابتنا بوابه
النمسا وراح يفيدونك وتاخذ كل معلوماتك واي استفسار تفضل...!!!
انا الصيف الماضي كنت في النمسا وبالتحديد فيينا وبعدها طلعنا لزيلامسي
وبعدها لميونخ انا وزوجي فقط كانت الرحله جدا ممتعه للعلم كانت اول سفره
لنا لدوله اوروبيه كانت سهله و ميسره لاننا خططنا عدل واستعنت بخبرات
اخواني في المنتدى ....
تقبلوا تحياتي، ،،

اقرا الرحلة التي في توقيعي واي استفسار انا حاضر

اخوي حياك الله
انا مع الاخوات لا لا لا للقروبات حتى لو انك عائلة مع اطفال مو شهر عسل
كل ما في الامر انك لحالك تاخذ راحتك فكل مكان حاب تطلع له و تنبسط قد مافيك
اذا قررت انو لحالك بدون قروبات استمتع بمواضيع الاعضاء و صدقني بتقرا لك كم موضوع فالنهاية راح تكون طبعت لك تقرير متكامل متميز عن المناطق الي حاب تروح لها ، ، وكمان في موضوع للاخ رجل شرقي على شكل جدول فيه جميع الاماكن السياحية في دول النمسا الي تستحق الزيارة ، ،

ب 2007 كانت لي رحله للنمسا
موزعه ع مناطقها وكانت في 3 رحلات يعني 3 ايام فقط مع القروبات
والله كرهت حياتي والحمدلله مو ايامي كلها قروبات
تحصل الباص ينتظرك ويصحونك من النوم بدري ومافيها خصوصيه
واذا ع الامور بتكون هناك سهله لا تحاتي فلها وربك يحلها