يامرحبا فيك اخي الكريم ...
وقعت دولة قطر مع مملكة البحرين وكذلك مع سلطنة عمان اتفاقية تنظيم العمل لديها , حيث يتم استقبال طلبات التوظيف لكلا البلدين عن طريق سفاراتهم في قطر , اما بالنسبة للمملكة العربية السعودية فأنه (على حد علمي) الى الآن لم يتم تنظيم آلية التوظيف بين البلدين .
ولكن يمكنك زيارة هذا الرابط والتسجيل , ربما يحالفك الحظ ونتشرف بوجودك في قطر .
الهيئة العامة للتقاعد والمعاشات - التوظيف http://www.grpa.gov.qa/arabic_pages/Careers/submitresume.asp
اتمنى اني خدمتك ولو بالقليل واسمحلي على القصور .
أخوك : عيد

عسى ايامك كلها عيد .. ياعيد
جعلك تسلم يالغالي وببض الله وجهك ، بس انا سمعت انه في موظفين سعوديين تتوقع انها كانت عن طريق رسمي أو مجرد التقديم والتوظيف بدون اليات محددة يجب العمل بها ؟؟
عموما يالغالي تواجدك شرفني وردك اسعدني والله لايحرمك الاجر

حياك الله أخونا العزيز
حبيت أرحب بك
وأشكر اخونا عيد بيض الله وجهه
وليس لدي أي معلومة عن التوظيف في الدوحه بالنسبة للأخوانا الخليجيين
بس اللي أعرفه .. الدنيا عندنا كلها واسطه
ودعائي لك بالتوفيق أن شاء الله سواءً عندنا بالدوحه أو بالسعودية
وبالتوفيق لك في حياتك العملية
فالك طيب

مرحبا اخوي
انا سعودي احمل شهادة الدبلوم واود العمل في قطر .. هل هناك متطلبات لذلك ام انه فقط ايجاد العمل والبدء به ؟
متطلبات هي اتقدم طلب توظيف في الجهات الحكومية والخاصة واذا هم محتاجينك اكيد بوظفونك
هل هناك اجراءات حكومية لديكم للمواطن الخليجي للعمل في قطر ؟
اتوقع لا يعني الاجرات الطبيعيه لكل جهت عمل مثل الشهادة والقمسيون الطيب وهلشياء جهت العمل هي الي اتحدد طلباتها
وهل هناك فرص عمل جيدة للخليجيين او السعوديين بشكل خاص ؟
طبعا الاولوية للقطرين وبعدها لصحاب الكفاءات مثل اصحابا الشهادات العلية او الاقسام النادرة او الخبرة الطويلة
لان كل جهت عمل راح يشوفون السيرة الذاتية لك ويحددون اذا هم بحاجتك او لا وهشي ينطبق على القطرين وغير القطرين بس اذا كان في وظيفه شاغله فا الاولوية للقطرين وومكن اتشوف وظيفه في القطاع الخاص
مثل البنوك & كيوتل & والشركات الثانية مثل قطر غاو زقطر للبترول وراس غاز ودولفين وتوتال والشركات الاجنبية
وكلهم ممكن يوظفونك وانا انصحك انك تزور قطر واتقدم اوراقك عليهم لان فرصة العمل في القطاع الخاص اكثر من الحكومي
وبعد تاخذ فكرة عن الاسعار في قطر من معيشة وسكن لانها غالية جدا اذا ماكان راتبك عالي راح تتعب في قطر
بحكم انت مو قطري وقطر محد يقدر يعيش فيها الا القطرين او اصحاب الدخل العالي لان القطرين عندهم مميزات مثل الكهربا والما ببلاش وندهم ارض وقرض من الدول وفرصت العمل اكبر من غيرهم واصحاب الدخل العالي يكون عندهم بدل سكن وراتبهم عالي ويقدرون يعيشون بس اصحاب الدخل المحدود او العادي مايقدرون بحكم ان اهم و قطرين يعني كل شي بفلوس وثاني شي ماراح يقدرون يوفون الالتزامات الي عليهم بحكم الراتب الضيل لان السكن غالي والحياة غالية
ومثل ماقلت لك الكلام غير ن الشوف لازم اتزور قطر واتشو بنفسك واتقرر شنو بتسووي
واتمنى اني ساعادتك لو بلقليل
تحياتي

اخوي الرايق ..
مشكور على مشاركتك وهذا من معدنك الطيب والله يرزقك على قد نيتك ..
====
حلو ومدلع ..
حبيبي والله مدري وش اقولك مشاركتك على عيني وراسي واحرجتني باللي ذكرته وماقصرت يالغالي على هالمعلومات القيمة ..
هل هناك اجراءات حكومية لديكم للمواطن الخليجي للعمل في قطر ؟
اتوقع لا يعني الاجرات الطبيعيه لكل جهت عمل مثل الشهادة والقمسيون الطيب وهلشياء جهت العمل هي الي اتحدد طلباتها
انا ممكن اكون بقطر قريب .. بس اتمنى اعرف اذا فيه جهة معينة اقدر استفسر منها عن السؤال اللي جاوبتني عليه وهو شروط عمل الخليجيين ، انت تقول اتوقع لا .. يعني يحتاج اتأكد بالضبط ..
حلو ومدلع انت فعلا رجل راقي .. شاكر لك جهدك .. والله يسعدك بحياتك يارب

تسلملي على الكلام الحلو
وماتقصر وقلت لك الشروط تنطبق على جهت العمل هي الي اتحد الشروط والاوراق المطلوبه لك بس مافي جهة معينه مسؤوله عن هشي وسوان انت خليجي او قطري او اجنبي
والي عنده اي معلومة بهلخصوص اتمنى يفيدنا بس انا هاي الي اعرفه
وانت لمى اتقدم على وظيفه اول شي بتعطيهم السيرة الذاتية واذا اقبلوك راح يعطونك موعد للمقابله واذا نجحت يقولون لك الاوراق المطلوبه وشنو الاجراءات الي اتسويه
بس مافي شي اتسويه وانت لحين ماحصلت الوظيفه انت قدم وان شاءالله يقبلونك وتمشي امورك
اتمنى اني وضحتلك
واي خدمة انا تحت امرك

اخوي عندنا 9 ملايين اجنبي حاولت تدور وظيفه كويس
بعدين انت بتروح هناك راح تكون اجنبي يعني وافد وطبعا الاجارات غاليه ومالك مميزات القطريين
وعندي ااستفسار الحين الاتفاقيه الي مع البحرين وعمان يعني يتعاملون معاملة المواطن القطري؟؟؟

حلو ومدلع ..
ودي اغني لك ياخي ,, اهتمامك يرفع المعنوية والله يعافيك انشالله وتلقى اللي تتمناه ..
======
سعوود حبيبي .. مو قصة وظيفة عندنا ..
انا كنت في وظيفة وطلعت منها وطلعت بعثة على حساب الحكومة .. وصارت لي ظروف وكنسلتها
والوظايف موجودة بس انا لي هدف في قطر وفي مجالي بالذات ، انا مهندس شبكات وهناك فيه اشياء بتخليني اركز على الشغل والشهادات الاحترافية اكثر من هنا ، والايجارات مش مشكلة بالنسبة لي .. بس سالفة الوافد اعتقد انها غلط
لانه حتى عندك بالسعودية فيه فرق بين الاجنبي الوافد وبين الخليجي في الوظيفة لانه الخليجي يعتبر قريب جدا من المواطن في حقوقه بغض النظر عن الاشياء اللي تجي من الدولة للمواطنين فقط ..
واتمنى من حبيابنا القطريين يعلموننا اذا الخليجي يعتبر وافد او له معاملة خاصة ؟؟
اشكر مرورك اخوي سعود

هلا حبيبي وماسويت الا الواجب
واذا صوتك حلو يالله كلي سمع غنيلي
وتسلملي على الكلام الحلوو وعلى الدعوه الحلوة وماتقصر
وانا مافهمت كلمة وافد اكيد لا الوافد تنقال حق العمالة الي من برا والخليجي مو وافد لانه مايحتاج فيزا او اقامة
ومعاملته مثل القطري بس يمكن يكون في اشويت مميزات مثل اولويت الوظيفه مثل الغرض والارض والراتب الا اذا كان عندك شهادة عالية او اقسام نادرة وانا انصحك بلقطاع الخاص واكيد واكيد الخليجي غير عن العربي وغير عن الاجنبي وله اولوية اكثر من غيره
وانا اعرف لي ناس خليجين ومقيمين ويشتغلون بدوحه عادي وفي منهم مدراء
وقلت لك اهم شي اتكون السيرة الذاتية اوكي ويكون العمل بحاجتك
وبنسبة للاجارات ترا هي غالية اكثر ما انت تتصور وهي شهرية يعني اقل فيلا تبتدي من 10 الاف بشهر واقل شقة من 5 الاف بشهر
انا ماخوفك بس اقولك الواقع علشان ماتنصدم
وبنسبة لخوي سعود اكيد مافي حد يتعامل مثل صاحب البلد بس مثل ماتعرف في ناس لهم افضلية من غيرهم مثل الخليجين والاجانب الي من الدول القوية يتعاملون غير عن العرب وغير عن الاسيوين فهمت علي
وبنسبة للبحرين وعمان اكيد لا مايتعاملون مثل هل قطر بس ممكن اتكون لهم اولوية في بعظ الاشغال
اتمنى اني وضحت لكم بعظ الاشياء
وانا بلخدمة
تحياتي