السلام عليكم ورحمة الله وبركاته
اليوم وصلت ولله الحمد لدمشق
وللحين مالقيت سواق محترم اتحرك معه لكن الله يستر علينا
بالنسبه للاوضاع الحمد الله امورنا كلها ميسره
بس عندي شوي معلومات بخصوص السكن
سكنت في فندق دانا في قدسيا
واكلمكم الان من مقهى الانرنت التابع للفندق الساعه 50 ليره
استاجرت في هالفندق ليله واحده ارتاح فيها وسعره 60 دولار
السعر مناسب مقارنة باسعار الفنادق في البحصه
الفندق عائلي ونظيف الى جديد نظام شقق غرفه وصاله وغرفتين وصاله واطلاله ولا اروع
اليوم بعد العشاء رحت اخذت لفه على مجموعة فنادق منها
فندق الفارس وشفت عندهم شقق يقول عائليه بس تعبانه بالحيل وقلي 2200 بدون افطار
وفندق الايوان وسعره يقول 80 دولار ولا يسوى
ورحت لشقق مشرفنا ابوعبدالرحمن الي في بناء الثوره كتب عنها المشرف في احد رحلاته
الشقق حلوه ومرتبه وعائليه بس مكتومه شوي وشوي بعد وسعرها بعد الهواش 2200 ليره
وعجبني فندق مشرفنا ابو عبدالرحمن برج المستقبل 2
صحيح غرفه صغيره بس مرتبه وحلوه وسعرها 1800 ليره مع الافطار
هذه بعض المعلومات عن السكن وان شاء الله بكره راح انتقل الى شقق بناء الثوره
وبعد بكره باخذ بولمان وعلى حمص ونسأل الله التوفيق
وعندي سؤال ياليت تفيدوني عنه
في حمص وطرطوس هل اقدر اسحب ببطاقة الصراف العاديه بطاقتي من السعودي الامريكي
وان شاء الله راح اكون متواصل معكم على حسب توفر الانترنت
واي سؤال انا في الخدمه
اخوكم
العقد
ابوليان