فعادي البس العباية العادية؟؟؟
وعليكم السلام اختي
والله شفت بتايلاند عباية كتف وعباية راس ونقاب و برقع
غير اللي مشاء الله ماتشوفين منه شي عبايه اسلاميه وقفازات يد وغشوة بدون نقاب
يعني اختي ماراح احد يضايقك الوضع عادي

وانت صاج يا سلطان الأماكن تايلند كل انواع اللبس فيها محد يطالع الثانى شلابس
اختى لبسى عباية اسلامية بس نوع خفيف مو حارة والله محد دارى عنج وترحين وتردين بالسلامة

يعطيك العافيه اخوي سلطان الاماكن على اطرائك الرائع للي لابسه عبايه اسلاميه
اختي انا الان بتايلاند ولابسه عبايتي ونقابي والوضع عادي خليك واثقه حافظي على حجابك وين ماتكونين واللي موعاجبه بكيفه
بس انصحك البسي عبايه كريب او قماش خفيف لان الجو رطب انا اتكلم بالنسبه لفوكيت لاني الان موجوده فيها بعدها بتوجه لشنقماي ان شاء الله ثم بانكوك

ku411
كلام يثلج الصدر يعطيك العافيه

السلام عليكم
روحي وأنت متطمنة
لا تشكل العباية أي عائق في تايلند وحافظي على لباسك الإسلامي وأنت مغمضة
وراح تشوفين أخواتنا الخليجيات ما شاء الله عليهم بلباسهم التقليدي حتى في بوكيت

انا شفت عبايات الراس بتايلند اكثر من الرياض

الله يعافيج يا ابتسامة القمر وعساكم مستانسين فى بوكت الله يهنيكم
على طارى العباية والنقاب قبل 10 ل 15 سنة كان بتايلند اذا مرة وحدة محجبة كل من يستغرب والأجانب يتفرجون ويتساؤلون شنو هذا الحين بكل مكان عباية ونقاب وحتى بطولة ( الأماراتية ) موجودة صار الوضع عادى
بعدين فى معلومة ترى فى سالفة بس عندنا احنا بالخليج والعرب نطالع بعض شلابسين وشنو شارين ووين ساكنين شنو ماكلين الأجانب والله ماعندهم هل سوالف حتى الشنطة مالتهم حق شهر ربع شنطنا الى ناخذها حق سبوع وتلقاهم اغنياء ومراكز بس عندهم مبدأ السفر تغير وراحة بشى خفيف ورخيص
بس الله يعينكم على العباية فى الرطوبة

ku411
كلامك صحيح لاسف احنا بس اللي عندنا المظاهر ,مازال فيه البعض يطالع العبايه ومستغرب انا بفوكيت مسكتني اجنبيه وقعدت تسالني ليش تلبسونها وكيف تاكلون وانتم كذا في البيت والا ومن هالاسئله
ياخوي كل الم نتالم فيه بالعبايه او حر نشعر فيه بناجر عليه ان شاء الله واهون من حر الاخره وجهنم

ما شاءا الله عليكم ياحريم الخليج -- الناس تدفع فلوس علشان تائخذ حمام سونا في تايلاند -- ونتم مع العبايات -- حمام سونا ببلاش