أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا ، ان شاء الله راح اكون في منتصف اكتوبر في لندن من جوله اوروبيه
حبيت اعرف الجو كيف بيكون ، وراح يكون فيها سياح مثل الصيف او يختلف الوضع
ابي احد كان فيها في شهر اكتوبر ويخبرني
ولكم مني الف شكر
السلام عليكم
كيف الحال جميعاً ..
شهر أكتوبر هو الشهر المفضل عندنا لزيارة لندن ..لعدة أسباب أهمها :
1- الجو روعه ..بارد + غيم + مطر ..والحراره نفس ماقال الغالي موادع ..
2- تقريباً فاضيه من السياح وماراح أيكون هناك إلا أهل العلاج ..
3- الحجوزات متوفره وبأنسب الأسعار
4- مافي أزعاج الصيف أبدا
ولكن أتوقع هالسنه أتكون أشوي زحمه في أكتوبر عشان العيد ..
فهد 2002
انا نفس الشي ولدي سنة وشهرين وسالت طبيب الأطفال اني خايفة من البرد عليه فقال لي اهم شي التدفئة و البرد ما يضر وبالنسبة للزكام قالي ممكن تزيد نسبة حدوثه في الأندرجراوند..
اختي ورده بيضاء
شهر اكتوبر راح تلقين هناك خليجين في منهم علاج والاخر سياحه
وانا افضل ان تسافرين بالصيف لان احتمال يكون شهر اكتوبر بارد جدا و لا يمكنج الاستطاعه بالمشي
و تروحون وتردون بالسلامه واتمنى لكم رحلة سعيده وموفقه بإذن الله تعالى
اختج
نفس ماقال موادع بالنسبة لدرجات الحرارة
مافي تنزيلات هالفترة والبضاعة توها فرش مالت الشتا تكون نازلة في شهر سبتمبر
اسعار الفنادق تتضاعف عن فترة الصيف وتبتدي اتقل الاسعار في مارس وابريل
العام رحت لندن باكتوبر صراحه برد يعني بالنسبه للاطفال الله الله بالملابس وخاصه غطا الراس واليدين
بس عموما للكبار مره حلو طبعا لازم اللبس ثقيل يعني انسى نظام الصيفي
وبالنسبه للسياح قليل بس موجودين
التخفيضات صراحه مو كثير محلات لان موسم التخفيضات اعتقد على نهايه نوفبمر اذا مو غلطانه
هالسنه بروح بنوفبمر الله يعين على البرد
بالنسبة للجو بيكون بارد
تقريبا درجة الحرارة مابين 9-17 والله اعلم