اختي احنا الكبار نتعب من القعدة ساعتين واحنا رايحين من الدمام لجدة كيف اجل الصغار ورحله متواصله ..
نصيحة من قلب خليها ترانزيت ومبيت ليله على الاقل اريح لك واريح لهم حرام حتتعبو ...
انا رايحة من البحرين لامريكا ومعاي اطفالي 2 الله يحفظهم ورفضت اني اخذ ديراكت لانهم صغار ولازم يفرغو طاقتهم ..
موفقه اختي ..

الترانزيت افضل بس حتى لو دايركت تقدرين تاخذين معاج العاب واشياء تلهيهم طول الرحله ولاتنسين الحلاويات اللي يحبونها وتقدرين تاخذين بعد البي اس بي ومن هالالعاب عشان ينشغلون . . .
واذا ترانزيت الافضل طبعاً مبيت يعني راح تتبهدلين معاهم في المطار اما الفندق تقدرون تنامون او تطلعون اي مكان تستغلون الوقت

شكرا لكم .. أخوي travel addtedوlady bird على آرائكم .. بفكر وبستخير ..واللي عنده تجارب بعد يفيدنا ..

goomy
انا شخصيا .. مع زوجتي فقط .. بالروحه اخذتها ترانزيت ليلة وحدة في سنغافورا ..
ممتعه وحلوه .. وزيارتها جميلة .. وتسهل عليك الرحلة ..
حاول تاخذ يوم او يومين في سنغافورا .. وتكمل طريقة الى استراليا
وعلى فكرة من
دبي الى سنغافورا 7 ساعات
ومن
سنغافورا الى بريسبن 7 ساعات

ما شاء الله الاعضاء الافاضل نقلوا تجاربهم في السفر لاستراليا
وعلى فكرة الترانزيت او السفر المباشر لكلاهما ميزة وعيوب
الطيران المباشر الكل لا يفضله لان حبس الشخص في الكابينة فترة 12 - 14 ساعة
لكن اختيار الطيران المزود بوسائل الترفيه والخدمة الممتازة وسهولة التحرك بين المقاعد يقضى على الوقت وتكسبة في سفرك
اما الطيران الترانزيت فهو جيد لكل شخص يقوم بفك جسمه ويحركه اثناء الترانزيت .. لكن فترة الترانزيت القصيرة فهي للاشخاص الكبار جيد ايضا
اما العائلة التي لديها اطفال ففي الترانزيت تبرز مشكلة فك الشنط وحزمها وتغيير ملابس وتصحية من النوم خاصة اذا كانت الرحلة في الصباح الباكر تتبهدل فيها الام
ومن وجهة نظري المتواضعة انا جربت كل الطرق وافضلها هي
الترانزيت ليومين او اكثر يكون فيها الطفل ارتاح واخذ راحته وبدأ جسمة يفك من التعب .. اما الحقائب اكون عامل حسابي بان اضع في شنطة واحدة احتياجات الاسرة من الاب والام والابناء من ملابس وخلافة بحيث لا تفتح الا هذه الشنطة في الترانزيت والباقي مغلق
مع تحياتي

وفي طريقه ثانيه للترانزيت واللي احنا نسويها مثل طريقتك يا اخوي همل . .
حزت الجيك ان نقولهم الشنط اللي نباها على طول تنشحن وتروح استراليا وفي شنطه وحده صغيره نحط فيها احتياجاتنا ونقولهم نباها تنزل في بانكوك مثلا واذا كان حجمها يسمح ندخلها الطياره اسهل بعد بس بما ان عددكم كبير وصوهم بنفس هالشيء نبا كل الشنط تنشحن على طول استراليا وماتنزل في الترانزيت الا الشنطه الفلانيه ... وهم يحطون عليها استيكر عشان تكون معروفه