انا مثلك ودي اعرف كيف اروح له بالسب وي وانا بركب السب وي اللي في 59 بمانهاتن
ننتظر الاجابه جزاكم الله الف خير

تفضل هنا موضحين الطرق الي تقدر تروح فيها الاوت ليت.
http://www.premiumoutlets.com/outlets/directions.asp?id=7
انا اشوف افضلها انك تستاجر سياره من منهاتن.
احب اوضح ان الاوت ليت خارج مدينه نيويورك و السب واي ما يوصل له.
لازم سياره او باص او قطار ولمن توصلون المحطه تاخذون تاكسي. القطار بس في الويك اند.

يعطيكم العافيه على معلوماتكم بس شكلي بالخذ تاكسي ولا بأجر سياره ليوم واحد منها اروح للمول واتمشى بنيويورك واجرب قيادتهم الهمجيه ههه

اخوي فكرت التاكسي مهوب منطقية ابدا. المجمع يبعد ساعه لو ما في زحمه وساعه و اربعين دقيقة مع الزحمه.
استاجر سياره افضل او بالباص.

هذي خريطة تبين ان المجمع مهوب قريب من السيتي.

في بالموقع موجود Train بس مايطلع الا ويك اند عندك فكرة اذا فيه واحد يطلع ويك دي؟

اخواني افضل شي تروحون له بالباص السياحي ... لهم رحلتين في اليوم من الساعه 8 و نص صباحا حتى 3 الظهر و رحله من 11 و نص لين 6 و نص و هذا احلى وقت ... اسأل الفندق اللي انت فيه و هم يرتبون لك الرحله ...

اختي بنت الصقور وش تقصدين بالباص السياحي ومن وين اقدر اخذه

كثير كلام
الله يسلمك الفندق يحجزلك لو تسأل الكونسيرج و يعطيك التذاكر ... أو تروح مكان الباص عند فندق ميلفورد بلازا هوتيل بتلقى سواق الباص واقف على ناصية الشارع و ماسك ورقة في يده woodbury common ... فيه رحلتين من 8 و نص الصبح لين 3 أو رحلة 11 و نص لين 6 المغرب و هذي افضل ... اسم الشركة تورز اوف امريكا ... الباص يمشي عالوقت ولا ينتظر دقيقة و لك الخيار إذا تبي ترجع الساعه 3 أو 6 و يقولك إذا فيه اي احد من اصدقائك تبي ترجعهم معاك من هناك عادي

انا في سبتمبر الماضي طلعت عن طريق الباص
كان التنسيق عن طريق الكونسيرج في فندق الويستن
والرحلة كانت جدا رائعة لأوت لت