وينكم يا اهل الكويت مافي احد راح العمره والمدينه بالسياره ؟؟ عشان يشرحلي الطريج

سكة-سفر
وعليكم السلام والرحمه
عمره مقبوله بذن الله مقدما
كان المفروض تحط السال ببوابه السعوديه
انصحك تطلع من النويصيب الخط نضيف وجديد وتاخذ طريق الدمام الرياض وراح تلقا لافتات والطريق سايدين ومريح من الدمام الي المدينه 850 كم تقريبا والطريق كل 200 كم تقريبا بتلقا محطه احرس علي البانزين
ومن المدينه الي مكه تقريبا 420 كم ومكان الميقات راح تلقا الافتات مكتوب عليه والفنادق مليانه وشوف الي يناسب ذوقك ونشالله ماتحتاج للخرايط بتلقا التساهيل من رب العالمين
بالسلامه ولاتنسانا بالدعاء

ودي اقولك بالطريق لكن انصحك تشتري خريطه احسن فيها كل شي وتلاقيها في المكتبات وخصوصا العجيري
الميقات اول ما تا تطلع من المدينه تلقاه على ايدك اليمين وما يضيع مع الافتات
انصحك تروح اول شي مكه وترجع للمدينه ليش
لانك راح تحرم 4 ساعات من المدينه الى مكه اما من طريق السيل تحرم 70 كيلوا
هذي نصيحتي لك

خذلك تكسي ايدليك المكان

الأخ العزيز سكة-سفر
عمره مقبوله إنشاء الله مقدما
أما الخريطه موجوده وموضح بها كل ما تريد
وأي أستفسار أنا حاضر أخي الكريم

وإنشاء الله هذا الرابط يفيدك أكثر بس حمل الملف وتلقى فيه الخريطه وأشياء أخرى تهمك
خريطة الطريق الى مكه المكرمه http://www.ftawa.ws/tomcca.htm
مع تحياتي

تروح و ترجع بالسلامه

أولا أهنيك على هالقرار الطيب عسى الله يتقبل منا ومنكم صالح الاعمال مقدما.
بالنسبة للطريق أنصح بطريق السالمي إلى الحفر إلى المجمعة تآخذ الخط السريع على اليمين حط رجلك
لين تقول سلام يالمدينة...بس انتبة!!!!ترى من القصيم إلى المدينة مافيه محطة بالنزين على الطريق
مباشرة يعني لازم تعبي بانزين من القصيم...
وبالنسبة للسكن فيه عدة فنادق خصوصا ألي تطل على الحرم...بس انتبه!!! لاتغرك مظاهرها من بره
لازم تصعد وتشوف بنفسك الأثاث وغيره...أرشح أبرويز خمس نجوم قريب جدا والقصر الأخضر أبعد شوي عن
الحرم والمدينة على الأقل إقعد فيها 3 أيام إذا تقدر.

• ويستحب لزائر المدينة 5 أمور فقط لاغير:

1.زيارة مسجد الرسول صلى الله عليه وسلم
2.السلام على الرسول صلى الله عليه وسلم وصاحبيه أبي بكر وعمر....(النساء يكون وقت الضحى)
3.السلام على أهل مقبرة البقيع.
4.السلام على شهداء أحد.
5.الصلاة في مسجد قباء...(لأن فيه أجر عمرة).

• بالنسبة للأحرام يكون من ذي الحليفة (أبيار علي) 10 كيلو عن المدينة)
• وأعتقد الأمر سواء لو جعلت زيارة المدينة في الذهاب أو العودة.
• والمسجد النبوي..تقام فيه دروس بعد صلاة الفجر والمغرب إسئل المسؤلين هناك.

أتمنى لك التوفيق....

احرجتوني والله قده وقدود الله يجزاكم خير وانشالله مااضيع بالطريج
مشكورين جميعا ومشكور عاشق الشيك على الخريطه اذا ماعرفت استخدمها برجعللك عسانا ماننحرم منكم

سكة-سفر
وعليكم السلام ورحمة الله وبركاتة
ماشاء الله محد من الشباب قصر معاك
بس نصيحتي على حسب سكنك تطلع للمنفذ اذا انت من سكان المنطقة الرابعة او الجهراء اطلع مع السالمي او اذا من سكان الاحمدي اطلع مع نويصيب بيكون اقرب لك وخلها عمره وبعدها كم يوم في المدينة وانت راد من المدينة ارجع على طريق الزلفي وعنيزة وبعدها الارطاوية وام الجمامجم والحفر وبعدها السالمي راح يكون اسهل لك بس احرص مثل ماقالوا الشباب ان يكون معاك بانزين فل وانت طالع من المدينة وتقبل الله طاعتك سلفا ولاتنسى تدعيلنا بالزيادة الخمسين دينار او يطحون القروض عنا